رواية حلم ظننته حياة الفصل العاشر 10 - بقلم بسملة

مش دا رقم بابا خالد؟ بابا خالد. مين ي حبيبي؟ بابا خالد الي هو دكتور عارفاه ي طنط. انت غلطان ف الرقم ي حبيبي. ويطلع خالد علي صوت ثناء وهي بتتكلم في الموبايل. مين ي ثناء؟ ابنك؟ ابني! ابني مين؟! هو انا اتجوزت اصلا ي بنتي. تعالي اسمع وانت تعرف انا مش جايبه حاجة من عندي يعني. هاتي كدا انتي باينك بتحلمي ي بنتي ولا ايه. اهو اتفضل وانت تعرف اذا كنت بحلم ولا لأ. وتقعد على الكنبة ومتتحركش من صدمتها وميت سؤال يجي في راسه.

سلامو عليكم. عاوز مين ي حبيبي؟ انت بابا خالد صح. انا خالد صح بس بابا مين…؟ ف حد كبير عندك ي حبيبي اكلم؟ ماما هنا بس انا بكلمك من وراها. طب انت جبت رقمي منين ي حبيبي ولا عرفت اسمي منين؟ الرقم دا لقيتو موجود على صورتك انت وبابا حمزة ومكتوب: "هذا اخي ان احتجتم لشئ ف هو اباكم في غيابي". بابا حمزة؟ ويرجع بالذكريات خمس سنين ورا. ***

من خمس سنين خالد كان قاعد مع صديق له، مش صديق بس دا كانوا بالنسبة لبعض أكتر من إخوات وأصحاب وحبايب. ي صاحبي يلا نروح العين السخنة نقضي الإجازة هناك واهو إحنا اتخرجنا اهو يعني مافيش حاجة تمنعنا خالص. يلا ي صاحبي موافق نروح امتى بقا؟ هتفق مع مراتي واعرفها عشان أوديها عند أهلها عشان زي ما انت عارف إنها حامل وفاضل شهر وتولد. براحتك ي صاحبي خلص أمورك كلها وأنا جاهز في أي وقت تقول عليه. اشطا ي صاحبي. بعد كام يوم.

يارا ي حبيبتي. نعم ي حبيبي. أنا رايح بكرة ي حبيبتي مع خالد العين السخنة وهنقعد يومين وهنيجي على طول عشانك. بس عشان خاطري يا حبيبي تخلي بالك من نفسك ومتنزلش المياه كتير ومتغطش فيها. عنيا ي غالية. يلا هحضرلك شنطتك اهو وخلِيكي انتي مرتاحة ومتتحركيش عشان متتعبيش وهوديكي عند بيت أبوكي. حاضر ي حبيبي. بس مش عارفة ليه قلبي مقبوض من ناحية السفرية دي. يا حبيبتي سيبيها على الله وربنا موجود ف متقلقيش وإن شاء الله خير.

بعد فترة ما تقارب ساعة. يا حبيبتي يلا عشان أوديكي عند ماما. حاضر ي حبيبي. هتوحشيني. وحضن يارا فترة طويلة جداً وزي ما يكون آخر مرة هيشوفها فيها. ما عدتش قادرة أقف شيلني بقى. وتضحك. عيوني بس كدا. ويشيلها ويشيل الشنطة على كتفه. يا ابني كنت بهزر ي مجنون الناس هتشوفنا. هو أنا بعمل حاجة غلط ي بنتي وبعدين انتي مراتي. صح انت صح.

ويضحكوا ويركبها العربية بتاعتهم ويوصلها عند أهلها عشان هما في محافظة تانية غير المحافظة الي متجوزة فيها ويطمن عليها وياكد عليها إنها تاخد علاجها كويس وف ميعاده. عشان خاطرك ي حبيبي والله مش هتأخر على علاجي إن شاء الله. بنتي العسولة اللي بتسمع الكلام. لا اله الا الله ي حبيبي. محمد رسول الله ي حبيبي سلام. يارا لمامتها: قلبي مقبوض أوي ي ماما حاسة في حاجة مش كويسة هتحصل.

ماما: متقلقيش ي بنتي إن شاء الله خير. ربنا يعديها على خير يارب. يارا: يارب ي ماما يارب. حمزة: اللللووو أيوه ي صاحبي أنا مروح اهو ي صاحبي في الطريق وأول ما هروح هتصل عليك وأحضر الشنطة وأطلع وأعرفك إن شاء الله. ماشي ي صاحبي في رعاية الله. ويروح حمزة بيته ويكون عدى نص الليل على ما وصل شقته وجهز شنطته واتصل على خالد صاحبه. أيوه ي ابني أي كل دا على ما ترد.

معلش ي صاحبي الموبايل كان على الشاحن بره وأنا كنت في الغرفة بجهز الشنطة. طيب يا عم أنا هعدي عليك كمان نص ساعة بإذن الله وأكون عندك. ماشي ي صاحبي تيجي بالسلامة. طب افصل من عندك انت ي صاحبي عشان يارا بتتصل. أيوه ي عم بقا يختك ي عم. يلا يااض من هنا. ويغيظ فيه شوية ويفصل، بس على ما يفصل تكون يارا فصلت. ارتحت ي عم أهي فصلت زمانها قلقانة. ويلاقيها تتصل تاني ويرد. أي ي حبيبي أخس عليك يعني ينفع كدا تقلقني عليك كدا.

شوفي قلقانة من غير سبب إزاي مافيش حاجة ي حبيبتي والله دا خالد صاحبي كان بيعاند فيا شوية وإنتي عارفاه بقا. ماشي يا عم ربنا ما يحرمكم من بعض يارب ودائماً كدا معاندين في بعض. يارب ي غالية ويخليكي ليا يارب. خلي بالك وأنت سايق ي حبيبي ومتتهورش وأنت سايق. حافظاني يا ولاد حافظاني. ويضحك. عشان خاطر ابننا عُدي اللي جاي في السكة ي حبيبي. حاضر ي حبيبي سلام. ويقفل ويركب العربية ويروح يفوت على خالد.

ي ابني انت فين أنا واقف تحت اهو. أنا تحت ي عم مستنيك من ساعتها حتى اقفل كدا وهتلاقيني قصادك. اه نفس كل يوم أما نشوف دلوقتي. خالد لسه بيلبس الشوز أصلاً ما طلعش من الباب. بعد عشر دقايق وخالد مجاش. انت ي ابني كل دا قدامي ولا أنا اللي اتحولت يعم أنجز. حاضر ي عم عد من 1 لـ 10 وهتلاقيني قدامك. شغل عيال بقا ي عم بس حاضر هسمع الكلام وأنا ساكت. ويعد من واحد لحد 100 وخالد لسه مجاش. دقيقة لو ملقتكش قدامي همشي وأسيبك.

خلاص والله افتح باب العربية يالا. ما كان من الأول ي عم لازم تعصبني يعني. بقى كدا بقالي ساعة واقف مستنيك. لو ما كناش ماشيين على طريق كنت رميتك بره. يهون عليك صحبك حبيبك. اسكت خالص مش عايزة أسمع صوتك. نهائي لحد ما نوصل. عادي أنا أصلاً هنام. ويغيظ فيه. يبقى أحسن وريحتني أصلاً. طب بالعند فيك بقا مش نايم وهرازيك طول ما إحنا ماشيين. هرميك على طول من العربية. واسكت بقا وسيبني أركز عشان منخبطش في حاجة في الضلمة دي.

بعد كام ساعة ويطلع عليهم النهار. خالد كان نايم يقوم حمزة ضارب فرامل. لا اله الا الله محمد رسول الله. حمزة فصل ضحك على شكل خالد. ويهزروا شوية وبعدين ينزلوا من العربية ويدخلوا الأوتيل اللي حاجزين فيه. ياااه ي عم أخيراً. يلا بسرعة عاوز أنام وكمان تلاقي فيه أكل دلوقتي حلو أوي. ي عم وأنت همك على بطنك دايماً كدا ودايماً نايم. يعني بذمتك أنت مش جوعان؟

جوعان بس يلا ي عم تعالي ندخل ناخد مفتاح الغرفة الأول وننام شوية. ونبقى ناكل. يلا ي صاحبي. ويشيلوا الشنط وياخدوا مفتاح الغرفة اللي فيه سريرين. بعد إذن حضرتك ممكن حد يصحّينا على ميعاد الغدا؟ حاضر يا فندم اللي تطلبه حضرتك. شكراً جداً لحضرتكم. ويدخلوا الغرفة ويناموا.