رواية حلم ظننته حياة الفصل الحادي عشر 11 - بقلم بسملة

حمزه: شكرا جدا لحضرتكم. يدخلون الغرفة وينامون. ساعة الغداء، يستيقظ حمزه على صوت الخبط على الباب. حمزه: أيوه حاضر جاي اهو. صوت من الخارج: الغدا معاده كمان خمس دقايق، حضرتك استعد عشان تنزل. حمزه: حاضر وشكرا لحضرتك، تعبتك معانا. حمزه: خالد. خالد. انت يابني. اصحي يلا. مش كنت جعان قوم معاد الأكل اتحط. خالد: أكل الله أكل، فين الأكل؟ حمزه بخبطه على كتف خالد: يعني مصحتش إلا على سيرة الأكل؟ ياعمي قوم ياعم.

خالد: أنا عاوز آكل فرخة محمرة وشوية رز وطحينة، يآه ياعم على الحلاوة. وشوية ملوخية بقى جنبهم الله. حمزه: أنا لو فضلت قدامك دلوقتي هتاكلني. أما أروح أغير هدومي وأنزل عشان أعرف أنزل سليم مش ناقص كتف ولا ورك. خالد: لا لحمتك مش طرية، هتبقى ناشفة من تمارين الجيم ياعم. حمزه: طب الحمد لله إن عينك مش شافتني فرخة ولا بطة ولا حاجة. خالد: لا لا لا لا ياعم ده أنا صاحبك، هو أنت تعرف عني كده برضو؟

حمزه: أوووومال ده أنا أعرف عنك كل حاجة. ده محدش يعرفك في الدنيا دي كلها أد ما أنا أعرفك. خالد: وبكل فخر يابني، صنع في مصر 😂. حمزه: طب قوم ياعم الخفيف يلا عشان نلحق معاد الغدا قبل البوفيه ما يقفل. خالد: لا إلا البوفيه ده الغالي ده. وبعد خمس دقايق كانو الاتنين تحت في مطعم الفندق وطلبوا الأكل وخدوه وطلعوا بره في الساحة يتمشوا وياكلوا السندوتشات اللي طلبوها. حمزه: ماتاكل يابني. أي دا هو فين الأكل بتاعك؟

خالد: نزل الخزان خلاص. ويشاور على بطنه. حمزه: بسم الله ما شاء الله، بسرعة كده. ويبص يلاقي خالد باصص للسندوتشات اللي في إيده. أوما تكون بتفكر للي بفكر فيه. خالد: أنا لا أبداً مبفكرش في حاجة أصلاً. هفكر في أي يعني. حمزه: هصدقك مع إني مش مطمن لنظراتك و… حمزه: حرااااامي السندوتشات ياجدعان. خالد وهو بيجري: ده سندوتش واحد ياعم هتستخسروا في صاحبك ده، أنت صاحب مش جد’ع.

حمزه: مش قولتلك مش مطمن وعارفك كويس، طب خلي بالك بقى من الورق اللي في الكيس. ويضحك. خالد: ورق إيه يابني ده سندوتش الشاورما باللحمة وأنت أكلت الفراخ. حمزه: طب بص في الكيس كده وانت تعرف. خالد بيفتح الكيس، لقى الكيس فيه الورق اللي كان ملفوف فيه السندوتشات بس اللي موجود. خالد: يابن الـ… أكنك بتضحك عليا ده أنا صاحبك حبيبك 🤭. حمزه: لا ما أنا حفظت حركاتك خلاص ومبقتش تمشي عليا. خالد: ماشي ياعم بالف هنا.

حمزه: الله يهنيك ياغالي. ويخلصوا كلام ويتمشوا شوية ويروحوا يصلوا ويرجعوا تاني عشان يروحوا البحر. حمزه: جبت موبايلك وكل حاجة، منستش حاجة. خالد: لا ياعم متقلقش منستش حاجة، عيب عليك. حمزه: ماشي ياعم…. ويمشوا ويروحوا بالعربية بتاع حمزه لحد قبل البحر. وقبل مايوصلوا بخمس دقايق. خالد: يشهق جامد. الحق ياعم نسيت أهم حاجة. حمزه بخضه: إيه ف إيه نسيت إيه؟ خالد: نسيت أجيب شوية سندوتشات معانا.

حمزه يخبط خالد على قفاه: ياعم أبو شكـ’لك في الأرض ده، أنت عاوز تنـضـ’رب والله. ويوصلوا البحر وينزلوا الاستراحة ويلبسوا الشورتات بتاعتهم الجديدة وينزلوا. حمزه بتريقة على خالد: أوعى تقابلك سمكة وتفكرها سندوتش شاورما وتاكلها، أصل أنت حبك للشاورما معدي أي ليفل. خالد: ياريت ياعم ألاقي سندوتش شاورما تحت وآكله. حمزه: طب يلا ي خفيف انزل يلا قبل الشمس ما تمشي. خالد: هتمشي لي ما تمسكها ياعم.

حمزه: ههههه. مش هرد عليك عشان أنا أخلاقي متسمحليش أرد على عيل زيك. خالد: ماشي ي أخو العيل 😒. خالد: حمزه إيه ياعم أنت مش عاوز تطلع من تحت المياه ولا إيه. طب أنا هطلع أستناك فوق عما تيجي. وبعد أكتر من نص ساعة حمزه لسه مطلعش بردو ف خالد قلق. خالد: إيه دا غريبة أول مرة حمزه يطول في الميه كدا، ده بيتخنق بسرعة ف إيه مهو مش معقول هيفضل تحت المياه كل دا من غير أكسجين من غير حاجة.

وينزل خالد المياه ويدور على صاحبه. وبعد ربع ساعة تدوير في المياه يلاحظ حاجة عايمة على وش المياه من بعيد. خالد: إيه دا دا نفس الشورت اللي حمزه كان لابسه. طب بس لما أروح له هناك أما أشوف كان تحت المياه كل دا بيعمل إيه. واي اللي منيمه على بطنه كدا في المياه. لا ده أنا صاحبي بقا بطل عالمي ياولاد. وبعد ما وصل خالد لحمزه. خالد: إيه ياعم كنت بتحاول تتسابق مع السمك ليمفيش أي استجابة نهائي من ناحية حمزه.

خالد: أنت يابني. ويهز في حمزه مبيتحركش وعايم على وش المياه وخلاص. وف حاجة زرقا على وشه وشو أزرق كدا لي دي أكيد مش اللي في بالي صح يارب لا يارب يارب ما يكون اللي في بالي يارب يارب يارب…. ي جماعه حد يلحقنا. مساعده ي جماعه عاوزين نطلعو من المياه. ي جماعه؟