رواية حلوة زماني الفصل الثالث 3 - بقلم زهره عصام

يعني مش هتجيب حق القهوة؟ المدرج كله ضحك، وعمرو بص لها بغضب وقال: برة يا شذي، ومتدخليش ليا محاضرة تاني. شذي خرجت، وعمرو كان لسه هيشرح تاني، دخلت رأسها وقالت: خليك فاكر إنك أكلت عليا حق القهوة، ودا شيء أنا مش هسكت عليه أبدًا. عمرو أخد إزازة الماية وحدفها بيها وهو بيقول: اطلعي بره، بدل ما أحوالك لمكتب العميد. شذي خرجت وهي بتضحك وقالت: ورحمت أمي وأمك ما هسيبك النهاردة. دخلت تاني وهي بتقول:

مجاتش فيا يا دكتور، مش عيب تبقى دكتور ملوي هدومك كدا ومش عارف تنشن؟ عمرو جاب آخره، وجري ناحية الباب. شذي طلعت تجري وهي بتضحك وبتقول: طلاق تلاتة هيجي يوم ويهبل من عمايلي. عمرو قفل المدرج وأخد نفس وقال: كدا نقدر نكمل المحاضرة. الطلاب كانوا كاتمين الضحكة جواهم عشان ما يتعصبش. أول ما بص لهم ضحك، وهما ضحكوا، والمدرج بقى كله بهجة. جني ضحكت وقالت: يخربيت دماغك يا شذي، دا هيعمل منك بفتيك، بس صبرًا. عمرو استعاد جديته وقال:

نكمل بقى، وقت الهزار هزار، ووقت الجد جد. شذي بره بتتمشى لحد ما وصلت للمطعم. عم صالح، حيات عيالك يا شيخ، سندوتش بطاطس واتوصى بالكاتشب، ألا الواحد عمل مجهود كبير النهاردة. صالح بضحك: انكرشتي تاني؟ شذي: أيوة، هو أنا ورايا غير عمرو وإنه يكرشني قدام المدرج كله؟ برستيجي وقع في الأرض خالص يا عم صالح، يرضيك؟ صالح بضحك: لا ميرضينيش. شذي لسه هتتكلم، وقفت لحظة وقالت: طب والله فكرة، وأهو أطلع عينه كمان شوية قبل الوصلة المُعتادة.

بصت لـ صالح وقالت بخبث: واحدة قهوة كمان، وحيات عيالك يا عم صالح، بس بسرعة بالله عليك يا شيخ. صالح بتريث: شكلك ناوية على حاجة كبيرة يا شذي. شذي: مش كبيرة أوي، لكن هتفي بالغرض. شذي أخدت الساندوتش وحطيته في الشنطة، وأخدت القهوة وجريت على المدرج. أخدت نفس ودخلت. المدرج كله عينه عليه، وعمرو وقف شرح وبصلها بشرا.ر. فقالت بابتسامة سمجة:

أنا قولت بما إنك مش راضي تدفع حق القهوة، أجيب اتنين قهوة، واحدة ليا وواحدة ليك، ونقعد نتفاوض على حق القهوة اللي دلقتها في الحلم، وهنوصل لحل أكيد. صوت الضحك في القاعة بقى مسمع، وشذي بتبص لـ عمرو اللي ضغط على إيده. فقالت: ورحمت أمك ما إنت عامل حاجة. قهوة إيه اللي نتحاسب عليها، إحنا بينا الكلام دا برضوا. خُد القهوة أهي، وهات الخشبة دي لحسن تفتح نفوخي وأنت متعصب كدا.