رواية حلوة زماني الفصل الثاني 2 - بقلم زهره عصام

اقفيلي يا حلوة زمانك وريني طولك كدا. شذي وقفت وأثر النوم على وشها، وقالت وهي بتشاور على نفسها: أنا يا دكتور. الدكتور بعصبية: لا أمي. شذي بصت وراها وقالت: أمي؟ إيه اللي هيجيبها هنا؟ الدكتور برق وقال: إيه؟ شذي بسرعة: أقصد يعني والدة حضرتك. الدكتور بغضب: إنتي جاية من بيتكم تنامي في المحاضرة؟ شذي بتهور وسرعة: امال أنا جاية ليه.

بص يا دكتور خلينا نكون متفقين، تلت تربع الدفعة بيجو هنا عشان يناموا، فحضرتك سبني أنام بقى عشان أنا تعبانة ومنمتش طول الليل. الدكتور بغضب: إيه البجاحة دي؟ إنتي إزاي كدا؟ شذي بضحك: زي السكر في الشاي، سيبني وحياة أمك عايز أنام، انتوا إيه معندكوش أي حِس خالص؟ بقول منمتش من امبارح. جني ضربتها في رجليها وهي بتقول: يخربيت لسانك اسكتي بقى. شذي بهمس: اسكتي انتي يا جني واتفرجي للآخر، يعني هي أول مرة.

وإيه اللي كان مصحي السفيرة عزيزة طول الليل بقى؟ شذي بتأثر مصطنع: أمي كانت عيانة طول الليل امبارح وكنت سهرانه جنبها، ومش بس كدا اختي جالها حالة صرع وبصت تكسر عفش البيت، مسابتش كوباية إلا لما كسرتها، أبويا أول ما شاف منظر الشقة جاله أزمة قلبية، وأخويا لما عرف الأخبار طب ساكت واتحجز في المستشفى.

أنا بقى مكنتش ملاحقة أروح مع دي وإلا مع دي، روحت استنيت لحد الصبح وأنا قاعدة بعيط طول الليل، وجيت أنام هنا نوم هادي عشان أصحى أعرف أفكر هعمل إيه في كمية المصايب دي. الدكتور بسخرية: تصدقي صعبت عليا. شذي بإستعطاف: شوف بقى يا دكتور إن كان عندي حق أنام. دا انتوا المفروض تعملولي تمثال وتدوني جائزة نوبل على اللي أنا مستحملاه دا. الدكتور رفع حاجبه وقال: يا سلام. شذي بضحك: وحياة عبد السلام. شاور على الباب وقال:

اتفضلي اطلعي بره. شذي في نفسها: بتكرشني قدام الدفعة كلها، ماشي يا عمرو الكلب. جني بصت ليها بأسف وقالت بهمس: يعني مش لاقية حجة على دي، انتي يا بت هبلة. شذي بثقة: متقلقيش عليا، طالما محضرتش المحاضرة يبقى محدش هيحضر. خرجت من الديسك وراحت عند عمرو وهي بتقول: إيدك على حق القهوة اللي وقعتها في الحلم. عمرو بصالها بغضب وقال: بره يا شذي قلت. شذي خرجت وقفتلت الباب وراها، وعمرو لسه هيبدأ شرح من تاني لقي الباب بيفتح

وشذي دخلت رأسها وقالت: يعني مش هتجيب حق القهوة؟ المدرج كله ضحك، وعمرو بصالها بغضب وقال: