رواية حماتي بسبع ارواح الفصل الأول 1 - بقلم ايات عبد الرحمن

اتكلمت مع دكتورة في دار المسنين واتفقت معاها إنها تقتل حماتي. طب افرضي زوجك عرف، هتعملي إيه؟ سمعت الكلام ده من أختي وفكرت لوقت إن فعلاً لو زوجي عرف هيعمل إيه، وخصوصًا إنه بيحب والدته كتير. بس أنا بجد زهقت من خدمتها، هفضل لحد امتى شايلة حمل فوق طاقتي. خلاص أنا قررت هسيبها في دار المسنين. هتعملي إيه؟ جات لي فكرة، انتي هتساعديني ناخدها لدار المسنين. وبما إنها بتنسى دايماً وعلى قدها كده في العقل، نقول إنها فتحت الباب وخرجت ومانعرفش راحت فين. وعلى ما يكتشفوا إنها في دار المسنين تكون الدكتورة خلصتنا منها ونرتاح بقى للأبد. بلاش الخطوة دي يا نورا. حسام لو عرف هيقتلك فيها. وهو هيعرف إزاي غير منك؟ لو حسام عرف حاجة يبقى انتي اللي قولتي. طب هنخرجها إزاي؟ منوم هنحطه ليها في الأكل، وبعدين نشيلها لحد العربية. وعلى ما نوصل المستشفى تكون فاقت، حتى لو بتمثل إنها بتنسى مش هتعرف ترجع البيت. طب يلا. وبالفعل بدأنا ننفذ وحطينا المنوم لحماتي ونامت فعلاً. وشيلتها أنا وأختي وخلاص هننزل بيها عشان أوصلها دار المسنين. لسه أختي بتفتح الباب لقيت حسام واقف قدامه.