رواية حماتي بسبع ارواح الفصل الخامس 5 - بقلم ايات عبد الرحمن

استغربت إن زوجة أخي عايزة تدفع حماتي من على السلم.

لكن قبل ما تدفعها، ماما مسكت إيد حماتي، لكن حماتي وقعت من على السلم.

شوفت وقتها صدمة في عيون حسام، عمري ما شوفتها في عيونه قبل كده.

بسرعة جري على مامته وشالها وراح بيها على أقرب مستشفى، وإحنا معاه.

ماكنتش أعرف السبب اللي دفع زوجة أخي لكده، فكرتها بتساعدني محبة يعني.

طلع الموضوع كبير.

حماتي للأسف فقدت الحركة ومابقتش بتمشي، واستمرت شهرين في المستشفى لأنها دخلت في غيبوبة.

كنت دايمًا أشوف حسام قاعد حزين ودموعه على خده، وطول الوقت بيزورها خايف يحصل لها حاجة.

كان دايمًا يستأذن من شغله ويروح لها لحد ما رجعت البيت.

وأخد إجازة عشان يساعدها هو بإيديه.

كنت بفضل الكام ساعة اللي هو بيروح فيهم شغله، أعذب فيها وأحرمها من الأكل.

كنت بشوفها بتبكي وأنا بضحك، وعمري ما فكرت إني أم لولدين واللي بعمله فيها هيترد ليا.

غروري وكبريائي عموني لحد ما يوم سيبتها من غير أكل ولا أدوية وفضلت أضايق فيها.

ماكنتش أعرف إن حسام في البيت ومختفي عشان يعرف أنا بعامل مامته إزاي.

ماقدرش يتحمل وخرج، لقيته قدامي فجأة كدا بدأ يضرب فيا وسحبني من شعري وخرجني برا البيت.

وقال لي أكتر كلمة كنت مستعدة أحارب العالم كله عشان ما أسمعهاش.

قال: "إنتي طالق".

كانت صعبة أوي.

قالها ودخل وقفل الباب.

خبطت كتير أوي لكن ما ردش عليّ.

ورحت بيت أهلي وحكيت لماما اللي حصل.

فكرتها هتقف معايا، لكن قالت إني أستاهل، وإن وجود حماتي في بيتنا بركة، وخصوصًا إن هي اللي مربية أولادي.

وعرفت منها إن زوجة أخي كانت بتحب حسام، لكن مامته رفضتها واختارتني أنا لابنها.

عرفت إن زوجة أخي عملت كدا مش محبة فيا ولا حاجة.

زي بردوا ما عرفت إن بعد كام شهر من طلاقنا حسام اتجوز.

وزوجته شايلة مامته من على الأرض ومعاها أولادي.

وعرفت إن من حنيتها هما بيحبوها.

دمرت بيتي بإيدي وخسرت زوجي وحبيبي وبيتي وأولادي عشان أرضي غروري.

مش شايفة إن زوجته دي أحسن مني عشان تعامل مامته وأولادي كدا ويحبوها.

ودلوقتي أنا بقيت لوحدي وقاعدة في بيت أهلي، لا بخرج ولا بتكلم مع حد.

حكايتي موجوده في كل بيت أكل حماتك مش هو اللي هينقص ميزانية البيت مش هيحصل حاجه لو ذودتي قطعتين ثلاثه ملابس بين غسيل اولادك انتي كدا كدا بتغسلي مش الكام قطعه الخاصين بيها هما اللي هيتعبوا ايديكي وماتنسيش الاهم ودا مش كلامي كما تدين تدان

ماتنسيش ان عندك اولاد وافعلي الخير تلاقيه لو اختارتي كبريا…ئك وغر…ورك هتفضلي تبني في بيت وتجمليه وفي الاخر هيعيش فيه غيرك ايوه انتي تعبتي فيه لكن ماتستحقيش تسكنيه لانك ماكنتيش اد الثقه حماتك مش هتعيش العمر كله ليكي ولو عاشت تحسي ان بيتك فيه لسه خير الناس الكبيره دب مكانها في البيت مايتعوضش

خلصت حكايتي واتمني تكون افدتكم ولو جزء من ال100