رواية همس القلوب الفصل التاسع 9 - بقلم الكاتبه المجهوله

زين بصلها في عيونها. اد إيه هي جميلة، بس عيونها باين فيها زعل. وفجأة وبدون أي مقدمات، همس وقعت على الأرض لا حول لها ولا قوة. زين جري عليها، لقاها فقدت الوعي. شالها ونزل بيها لتحت. جري كلهم شافوه، جريوا وراه يسألوه، بس هو مردش، لإنوا عايز يشوفها مالها. مش قابل فكرة إنها غايبة عن الحياة لو لدقائق أو حتى ساعات. طلع بيها على المستشفى. وهنا كانت الصاعقة نزلت عليه لما سأل الدكتور إيه سبب الإغماء، ويا ريته ما سأل.

الدكتور: للأسف، الآنسة همس بتعاني من مرض السرطان، وعندها بقاله فترة. هنحاول نعمل مجهودنا لنبدأ علاج قبل فوات الأوان. الكلام نزل على زين زي الصاعقة، وكأن الدنيا اسودت حواليه. مبقاش شايف شيء غير فكرة إنها تموت، مش قادر يتقبلها في تخيلاته. بالكم لو حصل فعلاً. الكل سمع التقارير، كان صدمة، وبالذات لميرفت. هي حبتها فعلاً زي بنتها. وسارة اللي نزلت دمعة. ويمنى اللي بتحب زين، بس مع ذلك دمعة فرت منها.

الوحيد اللي كان لا يبالي، مالك السيوفي، أكبر بارد في الدنيا. وهنعرف حكايته مع زين. زين مقدرش يستحمل وكان على آخره. استنى لحد ما فاقت ودخلها. همس: آآآه، دماغي وجعاني أوي يا زين. زين بحزن: معلش يا همستي، استحملي حبة. همس: أنا هقولك شيء، بس استحالة تفكري تفكير غلط، طاب؟ زين بقلق: اممم. زين: حبيبتي، إنتي عندك كانسر بقاله فترة، بس متخافيش، هتتعالجي وتبقي كويسة.

همس مستحملتش ودموعها نزلت. انهمرت زي الشلال، وصوت عياطها وصل لبره، اللي كلهم قلبهم اتنفض من مكانه وكانوا على آخرهم. وزين اللي مقدرش يستحمل، لأول مرة شيء يبكيه. بكى بأعلى صوت وراح لحضنها، اتشبت فيه جامد كأنه بيقولها متتمشيش، مش هتسيبيني. زين مسح دموع همس وقال: يا حبيبتي، لا لا مفيش عياط، لازم نجمد كده. أيوه، ما مرات زين السيوفي متعيطش. همس: خلاص يا زين، هبقى أرمل. حط إيده على شفايفها بمعني استنى.

زين: إنتي مرتي طول العمر، محدش هياخد مكانك أبداً، فاهمة؟ إنتي مراتي وحبيبتي وكل دنيتي يا همستي. وبدون مقدمات، قرب منها، وفي وسط الزعل خد قبلة منها، كأنها عربون اتفاق إنها هتبدأ علاج وهتفضل. زين خرج ليهم. زين: محدش يضغط عليها، أنا هروح للدكتور وأتكلم معاه، تمام؟ الكل دخلولها. سارة مسكت إيد همس: حبيبتي، هتبقي كويسة، بس أهدي. ميرفت: بنتي يا همس، مش هيجرالك حاجة وهتخفي وتبقي أحلى. جلال وأسرته: ألف سلامة.

مالك الكائن البارد: اللي بيجيله سرطان بيموت يا جماعة، متدوهاش أمل على الفاضي. همس كانت لسه هتبكي. زين دخل. زين: وإحنا هنحارب السرطان يا مالك، ومش هو اللي هيموتها، تؤتؤ، هو اللي هيموت، وده وعد مني ليك. مالك ببرود: هنشوف. الدكتور سيف دخل: همس، أخبارك إيه؟ أهم شيء في العلاج الإرادة والنفسية. عايزك تنسي أي شيء هيضر صحتك النفسية، ماشي؟ وأنا هبعت للدكتور ياسر يبدأ معاكي بالكيماوي. همس بخضة: شعري هيقع؟

ميرفت بدموع غزيرة: لا يا حبيبتي، قولي يا رب، وإن شاء الله تأثيره ميظهرش عليكي. زين بدمعة: يا حبيبتي، وحتى لو وقع، أنا مش هيفرق معايا، أنا عايزك إنتي تتعافي. همس ببكاء: بس هيفرق معايا أوي يا زين، ده الشيء الوحيد اللي ورثته من ماما. زين: أهدي بس، إن شاء الله خير. يوسف: يا جماعة، استهدوا بالله بس، همس هتبدأ علاج من بكرة، بس هتفضلي هنا وزين معاكي، متقلقيش، خير. همس: حاضر. يمنى: أفضل معاكي لو تحبي؟ همس: بلاش تعب يا...

يمنى: اسمي يمنى، لو احتاجتي شيء مني، قولي لزين وابعتيلي، ماشي. يوسف في سره: أنا قلت إنك حرباية من بره، بس من جوه قلب خساااية. كلهم مشيوا. زين: يوسف، استنى. خده. زين: ده عنوان الـ *****. تروحلها وعايزك على قد ما تقدر تجيبلي منها معلومات عن البارودي، عايزو في أقرب وقت يبقى في السجن، ماشي؟ يوسف: تمام، خلي بالك من مراتك، سلام. في فيلا السيوفي. جلال: ألف سلامة عليها يا أحمد. أحمد ببرود: الله يسلمك.

هانم مرات جلال: ألف سلامة يا ميرفت، إن شاء الله تبقى كويسة. ميرفت: يا رب. مالك: هنام فين، لإنّي نعست. ميرفت: يوسف وصل مالك. يوسف ببرود: تعالي. وصلوا للأوضة. يوسف بقرف: أهي. مالك: ماشي يا سابع البرمبة. يوسف: تلااشاااني يا مااالك، على شأنك مش عشاني، هااا. مالك: هههه، لو متلاشيتكش هتعمل إيه يعني؟ وقرب منه ببرود. يوسف ضربه بالـ لوكاميه: هعمل كده. ومشي. بعدها مالك: والمصحف لتشووف. ودخل ونام. في المستشفى. همس: زين.

زين بحنية: أنا خايفة. زين: طول ما أنا جنبك، أوعي تخافي. إنتي همستي لقلبي بالحب والإصلاح، عايزة بعد كل ده أسيبك تمشي، أبقى أغبى إنسان. همس: تعرف يا زين، أحكيلك حاجة عمري ما حكيتها لحد.

ماما كانت شغالة رأسه، آه والله، وبابا اتجوزها. بس كانت بنت محدش لمسها. بعدها بفترة، بابا اكتشف إن ماما بتخونه، فـ*ـتلها قدام عيني. وبعدها بفترة كبيرة، اكتشف إنّي مش بنته لما عمل تحليل DNA. لحد الآن أنا تايهة، معرفش أنا مين، هل أنا أكون بنت ح.رام؟ خلّيها تكمل، وقالها: إنتي همس السيوفي، بنتي ومراتي وحبيبتي. همس ببكاء: قتلها بطريقة بشعة أوي يا زين، كان قدام عيني. أنا بخاف من الدم وأي شيء ليه علاقة بالقتل، من كده.

زين: معتّش هتخافي، طول ما أنا جنبك يا روحي. غطوا في نوم شديد هما الاتنين. فيلا البارودي بليل. البارودي: ههههه، لا لا، كده كتير والله، دخلت عليهم يعني، ههههه. البارودي: لا كويس خالص، والله بسطتني وربنا. حلاوتك جاية، متقلقش، نسبتك محفوظة. ويتبع. عليت السرطان يرتطم بالسرطان ويموت.