رواية همس الزين الفصل الخامس 5 - بقلم منة يوسف

زين بصدمة وصوت عالي: نعم هتجوز طفلة؟ هنا همس بصتله بغضب وقالت: طفلة في عينك، أنا عندي 20 سنة. زين بصلها وضحك: 20 سنة إيه، أنا قولت آخرك 17 بالكتير. همس رايحة ترد، سبقتها أمها وقالت: رحبي بعمك رعد وعمتك قمر يا همس. همس بكسوف: أنا آسفة على اللي حصل بس… ومقدرتش تكمل من كسوفها، لأنهم بيبصولها بسعادة. قمر بترحيب: خلاص يا حبيبتي، محصلش حاجة، تعالي جنبي. راحت همس وقعدت جنبها.

رعد: طيب يا أبو همس، أظن إنك عارف إحنا جايين ليه، إحنا جايين نطلب إيد الآنسة همس لزين ابني. زين بصله بصدمة، هو كان جاي يتعرف عليها مش يطلب إيدها، كدا أبوه دبسه في الجوازة وهو ميقدرش يكسر كلمة أبوه. أبو همس بموافقة: وأنا مش هلقي أحسن من زين الشباب لبنتي، وليا الشرف والله يا رعد. رعد بفرحة: طيب نقرا الفاتحة ونتفق على معاد كتب الكتاب وكله. وقرأوا الفاتحة. زين بهدوء: طيب عايز أتكلم مع العروسة.

وكان بيبصلها، كانت وشها أحمر من الكسوف واتوترت. أبو همس: طبعًا، اتفضلوا. وقفوا في البلكونة، هو وهمس. همس بزهق: بقولك إيه، أنا مش عايزة أتجوز. زين بزهق هو الآخر: لا حوشي، أنا اللي دايب في عيونك، الحال من بعضه والله، بس نعمل إيه، بابا اللي مُصر عليكِ. همس: طيب هنعمل إيه؟ زين: يومين وهنشوف هنعمل إيه في الوقعة دي. همس: لا بقولك، لازم نلاقي حل، دا بيقولوا كتب كتاب ومعرفش إيه. زين بهدوء: حاضر، هشوف حل. طيب هاتي رقمك.

همس بغضب: لا طبعًا، أديك رقمي ليه أنا؟ هنا زين فضل يقرب منها وهي بتبعد، هو يقرب وهي تبعد، لحد ما دخلت جوه الأوضة. زين وهو بيقرب منها أوي: سمعيني بتقولي إيه كدا. همس بتوتر: أنا أنا… واتفاجأت بزين اللي قرب منها أكتر. عند ليلي كانت قاعدة في أوضتها بتوتر من اللي طلبه أدهم منها، لحد ما اتفاجأت بحاجة بتتحرك في البلكونة. ليلي وهي مش عارفة تعمل إيه، فجأة البلكونة اتفتحت وظهر أدهم منها.

ليلي بتوتر وخوف: طيب ونبي انزل بقا، أنا مش عايزة فضايح. أدهم وهو بيقرب منها: وأنا منزلتش هتعملي إيه؟ ليلي بتوتر: يا أدهم ونبي امشي بقا، مش عايزة مشاكل. وفجأة سمعت صوت عربية أبوه. ليلي برقت وقالت بخوف: أدهم بابا جه، امشي بقا عشان خاطري. أدهم بخبث: طيب قبل ما أمشي عايز حاجة. ليلي بخوف: عايز إيه؟ أدهم وهو بيشاور لها على خده: ليلي برقت بخوف: أنت بتقول إيه، مستحيل طبعًا. أدهم: خلاص أنا اللي هاخد. وفضل يقرب منها،

فجأة سمعوا صوت بيقول: ليلي.