رواية همس الزين الفصل السادس 6 - بقلم منة يوسف

ليلي وأدهم بعد ما سمعوا صوت وهو بينادي على ليلي. ليلي اتخضت وسحبت أدهم وقالتله بتوتر: …امشي ونبي امشي بقا. أدهم: …حاضر بس هجيلك المرة الجاية ومش من هنا من الباب الرئيسي يا عروسة. وغمزلها وطلع من البلكونة. ليلي كانت متوترة من كل حاجة حواليها لغاية ما دخل زين وقال: …ليلي هو فيه حد كان معاكِ؟ ليلي بتوتر: …لا يا زين كل الحكاية إني سمعت صوت واتخضيت بس. زين براحة: …طيب يا حبيبتي. ليلي بفرحة:

…صح شوفت العروسة يا حبيبي وعملت إيه معاها وافقت عليك ولا لا حلوة. زين وهو بيحط إيده على بوقها: …اكتمي إيه مسورة واتفتحت أيوه يا ستي ومين متوافقش على زين رعد. وقال بهيام: …هي من ناحية إنها حلوة فهي قمر قمر يا ليلي. ليلي بغمزة وتسقيف: …أيوه بقااا يا زينو الحمد لله هنقدر نقول مبارك يا زين. زين: …حيلك حيلك أنا لسه برضه مقولتش موافق وهكمل معاها لسه فيه وقت. هنا رعد نادى على زين. زين لليلي:

…طيب أسيبك أنا وأروح أشوف الحج عاوز إيه. ونزل وسابها. رعد لزين: …زين جهز نفسك فرحك آخر الشهر. زين بهدوء ما قبل العاصفة: …ودا مين حدده دا هو أنا وافقت وبعدين أنا مش بنت عشان تقولي معاد فرحي إمتي وتحدده من غير ما أعرف. رعد بهدوء: …زين دا في مصلحتك همس بنت كويسة وأنت كويس خلاص خير البر عاجله وطبعاً ابني حبيبي ميقدرش يكسر كلمتي. زين بغضب:

…بابا أنا متعود أعمل حاجة غير لما توافق أنت بس دا جواز ومدى الحياة وإحنا لسه متعرفناش على بعض كويس لسه معرفناش بعض كويس. رعد بهدوء: …زين همس لو متجوزتهاش أهل جوزها الأول هيخدوها لابنهم. زين بغيرة: …نعم دانا أقتلهم واحد واحد قال ياخدوها قال ليه هما اشتروها خلاص يا بابا أنا موافق. رعد بفرحة: …طيب يا بني وفيه موضوع تاني هكلمك فيه. زين: …خير يا بابا. رعد:

…فيه واحد اسمه أدهم هشام الخولي اتقدم لأختك عايزك تسأل عنه كويس هو وأهله أنا عارف إنه دكتورها في الجامعة. زين بفرحة لأخته: …حاضر يا بابا. تفوت الأيام وزين سأل عن أدهم وطبعاً كله كان بيشهد بأخلاقه هو وأهله وطبعاً رعد وافق عليه وحددوا معاد يقابلهم فيه وهو بعد فرح زين. في فرح زين كان رايح يجيب عروسته من بيتها وهو وواقف جنب أبوها سمعوا صوت صرخة. زين بخضة: …فيه إيه يا حماتي حصل حاجة لهمس. الحمد لله.

على الناحية الأخرى نجد فتاة تجري بفستان فرحها وهي بتبكي ورايحة على محطة القطر وفجأة ظهروا شوية شباب. واحد منهم: …إيه يا قمر رايحة فين. البنت ببكاء: …أوعى كدا. التاني: …بس تعالي. وشدها من إيدها واتهجم عليها.