رواية همسه الفهد الفصل العشرون 20 - بقلم بسملة احمد

تاني يوم الصبح صحيت همس على صوت زعيق بره. قامت مخضوضة ولبست إسدال بسرعة وخرجت تشوف فيه إيه. خرجت لقت هارون واقف بيزعق مع مامتها. قالت بزعيق: "إيه ده؟ بتزعق كده ليه يا بني آدم أنت؟ هارون: "الله! دا البرنسيسة صحيت أهي." همس: "اتكلم عدل أحسن ما أتصرف تصرف مش يعجبك." هارون: "ما أنتِ عيارك فلت يا بنت أحمد. لازم تقولي كده، ما أنتِ تربية مرة." همس: "اخرس!

قطع لسانك. الست اللي بتقول عليها دي ربت وكبرت وخلتني أحسن الناس، مش زيك." هارون ضربها بالقلم وقال: "أها! واضح التربية. جاية في نص الليل ونازلة من العربية. هقول إيه؟ همس: "لأ لأ بقي! أنت اتجننت؟ أنا سكت عليك كتير، وكده كفاية. ورحمة بابا هدفعك حق اللي علمته ده غالي أوي." هارون: "خوفت أنا كده." همس: "لازم تخاف، لأني اللي ناوي عليه مش سهل يا هارون. وبكرة تشوف." وقامت قافلة الباب

في وشه وحضنت نهال وقالت: "أنتِ كويسة يا ماما؟ عمل لك حاجة؟ نهال: "الحمد لله يا بنتي. أنتِ كويسة؟ وريني وشك." همس: "أنا كويسة يا ماما، مفيش حاجة. هدخل ألبس عشان متأخرش على الشركة." نهال: "مش عندك جامعة؟ همس: "عندي ومش هروح. أنا رايحة الشغل عشان فهد مش يقلل بس." نهال بحزن: "طيب يا بنتي روحي."

همس دخلت الحمام أخدت شاور وهي دموعها نازلة. خرجت وصُلت، وبعدها رنت على فهد اللي كان نايم وصحى على صوت الفون. مسكه وشاف مين، لقى همس. رد وقال: "صباح الخير على أحلى هموس." همس وهي بتحاول تبين طبيعية قالت: "صباح الخير يا فهد." فهد عرف إن فيها حاجة وقال: "مالك يا همس؟ همس بدموع: "مالي يا حبيبي؟ منا حلوة أهي." فهد: "مش تكدبي عليا يا همس، أنا عارفاك. احكي مالك." همس: "مفيش يا فهد، تعبانة شوية بس."

فهد: "طب أجي آخدك نروح للدكتورة؟ همس: "لأ يا حبيبي، أنا هبقى كويسة. بس مش هروح الجامعة، هاجي الشركة بس." فهد: "لأ مش تيجي، خليكي." همس: "لأ يا فهد، أنا مخنوقة وعاوزة أخرج، فا هاجي الشركة. وعشان خاطري مش تقول حاجة، سيبني براحتي." فهد قلق أكتر بس قال: "ماشي يا حبيبتي، براحتك. تحبي أعدي عليكي آخدك؟ همس: "لأ، خليك روح الجامعة أنت. وأنا هطلع على الشركة." فهد: "ماشي يا حبيبتي، بس هبعت لك السواق."

همس عرفت إنه اللي في دماغه هيعلمه، وقالت: "ماشي يا حبيبي. يلا قوم عشان مش تتأخر." فهد: "حاضر يا حبيبتي." وبعدها قفلوا. وهمس عياطها زاد. وبعدها قامت لبست وفضلت قاعدة في أوضتها لحد ما نهال دخلت عليها وقالت: "إيه يا حبيبتي؟ مش هتفطري؟ همس: "لأ يا حبيبتي، مش جعانة. روحي افطري أنتِ عشان علاجك." نهال: "هتنزل تاني من غير أكل؟ همس: "هبقى آكل مع فهد في الشركة. يلا روحي أنتِ بس افطري."

نهال بيأس منها: "ماشي يا بنتي. هو فهد هيجي ياخدك؟ همس: "لأ، مش هعرف. بس هيبعت لي السواق." نهال: "ماشي يا حبيبتي." وسابتها وخرجت. أما عند فهد، قام وقال في نفسه: "فيكي حاجة يا همس، ولازم أعرفها. بس لازم أعمل لك حاجة تفرحها الأول. ممم... أعمل إيه يا فهد؟ آه! خلاص لقيتها." وبعدها قام أخد شاور وخرج، لبس وخلص لبس. ورن على مراد اللي كان صحي وبيشرب قهوته. ورد وقال: "فهد بذاته بيرن عليا؟ لأ، فيه حاجة غلط."

فهد: "بطل رغي يلا، عاوزك في خدمة." مراد: "تسلم يا صاحبي. ها، قول عاوز إيه؟ فهد: "بص، أنا عندي جامعة ويدوب أروح لأني عندي المحاضرة الأول، وبعدها أطلع على الشركة عشان الاجتماع." مراد: "اممم... وإيه المطلوب؟ فهد: "المطلوب منك تروح عند محل ورد وتعمل نفس بوكيه الورد اللي هبعته لك." مراد: "نعم يا أخويا؟ وأنا مالي؟ وبعدين ليه؟ مين بوكيه الورد؟ فهد: "ولا! اعمل اللي قلت عليه. وبعدين إيه اللي مين؟ لامي يا مراد؟

لامي أنا غلطان إني اعتمد عليك." مراد: "خلاص يا عم، أهدي. مش تتعصب كده، بهزر معاك. ابعت يا صاحبي اللي أنت عاوزه." فهد: "أها! عصبني وقلي أهدي." مراد: "خلاص بقى، مش تبقى قفوش كده. ابعت يلا." فهد: "ماشي يا أخويا. هبعت. يلا سلام." وقفل السكة في وشه. وبعدها رن على همس وقال لها إنه السواق تحت. نزلت ولقيت السواق ومعاه عربية حراسة. السواق أول ما شافها نزل وفتح لها باب العربية، وهي ركبت في الكنبة اللي ورا. واتحركوا على الشركة.

أما عند فهد، خلص لبس ونزل. أخد عربية ووراه عربيات الحراسة. وبعد مدة وصلوا الجامعة. أما عند مراد، قال: "واطي طول عمرك يا فهد." وبعدها قام طلع لبسه ولبس، وبعدها خرج وركب عربيته واتحرك راح لي محل الورد. ونزل وطلب من الراجل يعمل البوكيه اللي فهد طلبه منه. عند همس، وصلت الشركة وطلعت قعدت على مكتبها تشوف الشغل اللي وراها. لحد ما جت سارة وقالت: "صباح الفل يا هموس. عاملة إيه؟

همس: "صباح الخير يا سارة. تمام الحمد لله. أنتِ أخبارك إيه؟ سارة: "كله تمام يا حبيبتي. بس حساكي مضايقة، مالك؟ همس: "لأ يا حبيبتي، مش مضايقة ولا حاجة." سارة: "متأكدة؟ همس: "أها يا حبيبتي، مفيش حاجة." سارة: "ماشي يا حبيبتي. أومال فهد بيه فين؟ همس: "عنده محاضرات، هيخلصها وييجي." سارة: "أنتِ مش رحتي ولا إيه؟ همس: "لأ، مش جالي مزاج." سارة: "أيوه يا عم، مين قدك؟ جوزك عميد في الكلية." همس ضحكت: "أعوذ بالله! بت بومة."

سارة: "ماشي يا سيدي. شكرا. أنا هروح على مكتبي بدل ما أترفد." همس: "طب أجري يختي." مشيت سارة، وهمس كلمت شغلها. أما عند فهد، دخل المحاضرة وشرحها، بس كان حاسس إنها ناقصة عشان همس مش موجودة. بعد حوالي 3 ساعات، خلص فهد المحاضرة وخرج. وكان عنده محاضرة تانية بس مش حاضرها عشان همس مش موجودة. خرج من الجامعة وركب عربيته ورن على مراد اللي كان وصل الشركة. ورد وقال: "إيه يا فهد؟ فهد: "إيه؟ أنت فين؟ مراد: "في الشركة."

فهد: "طب جيت البتاع؟ مراد: "أها، زيه بالظبط." فهد: "طب همس شافتك بيه؟ مراد: "لأ، هي مش شافتني أصلاً." فهد: "طب حلو أوي. أنا جاي في الطريق اهو." مراد: "تمام يا صاحبي. تيجي بالسلامة." فهد: "الله يسلمك. يلا باي." وبعدها قفلوا. وبعد شوية، وصل فهد الشركة وطلع على مكتبه. وهمس أول ما شافته قامت وقالت: "صباح الخير يا فهد. حمد لله على السلامة." فهد بابتسامة: "الله يسلمك يا قلب فهد. تعالي ورايا." همس: "حاضر."

ودخلت وراه، وفهد قفل الباب بالمفتاح أول ما دخلت. وهي قالت بخوف: "إيه يا فهد؟ قفلت الباب ليه؟ فهد: "إيه يا همس؟ أنتِ بتتخافي مني؟ همس: "لأ والله مش قصدي. أنت مصدر أماني الوحيد يا فهد." فهد: "طب أومال إيه يا قلب فهد؟ همس: "مفيش يا فهد، أنا بس مخنوقة شوية أو متوترة. سيبك، المهم أنت عاوز إيه؟ فهد: "أسيبك إزاي بعد كل ده؟ مالك يا حبيبتي؟ احكي لي." همس وعينها لمعت بالدموع، بس قالت: "مفيش يا حبيبي، أنت كويسة أهو."

فهد راح قعد على التربيزة قدامها، ومسك إيدها وقال: "اكذبي على كل الناس اللي حواليكي إلا أنا يا روحي." همس انفجرت من العياط وقالت: "أقولك إيه يا فهد؟ بس أقولك إني عمي مد إيده عليا وقال عليا إني بنزل من العربيات في نص الليل عشان شافني نازلة معاك بليل من العربية." فهد اتصدم من اللي قالته، وأخدها في حضنه وقال: "شششش... أهدي يا قلب فهد، أهدي. مفيش حاجة. وحياة همس عندي هاخد حقك من هارون الكلب ده عشان زودها أوي."

همس بعدت عنه وقالت: "لأ لأ يا فهد، عشان خاطري مش ليك دعوة بيه. ابعد عن شره." فهد أخدها في حضنه تاني وقال: "بس يا حبيبتي، أهدي إزاي يعني؟ ماليش دعوة. أنتِ اطلعي منها ومش ليكِ دعوة. هخليه يزور ابنه زمانه وحشاه. وأنا حذرته كتير وهو مش سمع الكلام." همس: "ربنا يخليك ليا يا فهد، ومش اتحرم منك أبداً." فهد: "ويخليكي ليا يا قلب فهد. يلا وريني الضحكة الحلوة بقى." همس ابتسمت وقالت: "أهو."

فهد: "أيوه كده. يلا بقى روحي اعملي لي قهوة من إيدك الحلوة دي." همس: "عنيا، حاضر." فهد: "تسلم عينيكي يا حبيبتي." وبعدها خرجت راحت تعمل القهوة. وهو رن على مراد عشان يجيب له الورد قبل ما همس ما تيجي. أخده منه وشكره. وبعدها خرج. وبعدها همس دخلت وقالت: "القهوة يا حبيبي." فهد: "تسلم إيدك يا روحي. غمضي عينك كده." همس: "أغمض عيني ليه؟ فهد: "غمضي بس وأنتِ تعرفي." همس غمضت، وفهد راح وقف قدامها وقال: "افتحي يا حبيبي."

همس فتحت، ولقيت فهد واقف قدامها وماسك الورد. وكان الورد اللي هي بتحبه، وفي الشوكلت اللي بتحبها. قالت بحماس وفرحة: "ده عشاني أنا؟ فهد: "أها يا حبيبي، عشانك. مقدرش أشوف حبيبي زعلان وأسكت." همس حضنته وقالت: "أنا بحبك أوي يا فهدي." فهد باس راسها وخدها وقال: "أنا بموت فيكي يا قلب فهد. عجبك؟ همس: "عجبني، ده تحفة." فهد: "ده أنتِ اللي تحفة وقمر. يا حلو أنت، إيه الحلاوة دي؟ همس: "عيب بقى." فهد: "وبعدين بقى في الفرواية دي؟

هاكلك دلوقتي." همس: "فهد، عيب. أنا خارجة أشوف شغلي." فهد: "خدي هنا بس. رايحة فين؟ أنتِ فطرتي؟ همس: "لأ، الحيوان هارون سد نفسي." فهد: "لأ والله؟ وبعدين تتعبي ونجري على المستشفى، صح؟ همس: "خلاص يا فهد، أهدي. مفيش حاجة." فهد: "أنتِ اسكتي خالص، وأنا هطلب أكل وهتترزعي جنبي تاكلي." همس: "حاضر يا حبيبي."

فهد بص لها وطلب الأكل. وبعد شوية الأكل جه، وهمس وفهد قعدوا ياكلوا. وفهد كان بياكل همس. وهمس كانت مبسوطة إن ربنا عوضها بعد كل ده، فهد وحنيته عليها. وفهد كان فرحان إنه في حياته همس. وبعد ما خلصوا، فهد قال: "شبعتي؟ همس: "أها الحمد لله. وأنت؟ فهد: "الحمد لله يا حبيبتي." همس: "بالهنا. ها، جاهز الاجتماع؟ فهد: "أها، رغم إني مش أحضره، بس مش هخليه واحد زي حازم ده ياخد مني حاجة." همس: "ممكن أسألك سؤال يا فهد؟

فهد: "اسألي يا حبيبي." همس: "هو إيه سر العداوة بينك وبين حازم؟ فهد: "ممكن أجاوب عليه بعد الاجتماع." همس: "ماشي يا حبيبي، براحتك. يلا بينا." فهد: "يلا يا حبيبتي." راحوا الاجتماع. وكان مراد قاعد وحازم وسوزي. فهد مش استغرب، لأنه عارف إنهم مع بعض. حازم قام وقال بابتسامة صفراء: "إزيك يا فهد؟ فهد: "الله يسلمك." حازم مد إيده يسلم على همس، لاكن إيد فهد سبقته وقالت: "مراتي مش بتسلم على رجالة."

حازم اتضايق هو وسوزي، بس مش باين. وقعدوا يشوفوا الشغل. وطول الاجتماع، حازم عينه على همس. وفهد ملاحظ وماسك نفسه بالعافية، تحت تأثير همس اللي عاملة تهديه. وبعد ما الاجتماع خلص وسوزي وحازم مشيوا، فهد قال بعصبية: "أنتِ عاجبك نظراته ليكي؟ همس بصدمة: "أنا يا فهد؟ فهد: "أيوا! شايفه جايبك من فوق لي تحت. وأنا عاوزه أقوم أعجنه في بعضه، وأنتِ عاملة تهدّي فيا. ده معناه إيه يا هانم؟

همس لسه مصدومة وقالت: "بقي عشان مش عاوزاك تودي نفسك في داهية، أبقى معجبة بنظراته؟ كتر خيرك يا فهد. شكراً. دي ثقتك فيا. أنا آسفة يا فهد، مش هينفع نكمل في الجوازة دي. اتفضل دبلتك أهي، ويا ريت ورقتي توصل لي." وجات تمشي. فهد شدها من دراعها جامد وقال بعصبية: "أنتِ اتهبلتي صح؟ أنتِ مجنونة؟ ورقة إيه اللي توصلك؟ أنتِ مراتي ومحدش هيمس شعرة منك غيري، مفهوم؟ همس بألم مكان إيده: "أها!

سيب إيدي. ابعد عني. ده في أحلامك يا فهد. بعد اللي قلته ده، مش هبقى على ذمتك لحظة. ابعد بقى." فهد: "مش بعيد يا همس." مراد راح له وقال: "سيبها يا فهد. سيبها." فهد: "لأ مش هسيبها." مراد: "زقه بعيد عنها." وهي طلعت تجري وخدت شنتطها وخرجت من الشركة كلها وركبت تاكسي وروحت. عند فهد، مراد قال بعصبية: "أنت مجنون يا فهد؟ إيه اللي أنت عملته ده؟ وإزاي تقول لها كده؟ فهد بزعيق: "أها مجنون. سيبني في حالي بقى."

مراد: "مفيش حاجة اسمها سيبني في حالي. فوق! هي مش عملت حاجة، أنت اللي غبي." فهد قام وكسر كل حاجة في الأوضة وهو بيقول: "فعلاً أنا غبي، غبي، غبي." مراد راح عليه ومسكه وقال: "أهدي يا فهد. أهدي." فهد رمى نفسه في حضنه وقال: "هتسبني يا مراد وتبعد عني؟ مش هستحمل بعدها عني." مراد: "لأ مش هتسيبك. همس بتحبك بجد، وأنت بتحبها. أنت بس روح رضيها وكل حاجة هتتحل." فهد: "تفتكر هتسمحني؟ مراد: "اكيد مش بسهولة، بس حاول."

فهد: "ماشي. أنا هروح لها البيت." خرج راح على مكتبه أخد حاجته بسرعة ونزل. ركب عربيته وراح على بيت همس. همس كانت وصلت البيت ودخلت رمت نفسها في حضن نهال وقعدت تعيط. ونهال قالت بخوف: "مالك يا بنتي؟ إيه اللي حصل لك؟ همس بتعيط ومش بترد. نهال: "ردي عليا يا بنتي. مالك؟ مش تخوفيني عليكي." همس بعياط: "تعبت يا ماما، تعبت. حتى الشخص الوحيد اللي حبيته مش عنده ثقة فيا. أنا تعبت والله، نفسي أرتاح بقى."

نهال بصدمة: "أنا مش فاهمة حاجة. أهدي وفهمني." همس: "مش قادرة يا ماما. سيبني هدخل أنام. كل اللي هقدر أقول لك إني كل شي بيني وبين فهد انتهى." وسابتها ودخلت أوضتها ورمت نفسها على السرير ونامت من كتر العياط. نهال جات تتدخل وراه، لقت الباب خبط. راحت تشوف مين، لقت فهد اللي دخل وقال بلهفة: "همس فين يا ماما؟ نهال: "جوه يا بني في أوضتها. قولي يا فهد، همس مالها؟ وإيه كل شي انتهى ده؟ فهد: "هقولك." وبدأ يحكي لها إيه اللي حصل.

وبعد ما خلص قال: "ده كل اللي حصل. عارف إني غلطان، بس أعمل ده من غيرتي عليها وحبي ليها." نهال طبطبت عليه وقالت: "خش لها يا حبيبي. رضيها." فهد هز رأسه وراح وشافها. وشاف عينها الوارمة من كتر العياط ودموعها اللي نازلة. قعد جنبها وقال: "أنا آسف يا بت يا قلب فهد. حقك عليا، مش تزعلي مني." همس كانت صاحية وعاملة نفسها نايمة. هو عرف وقال: "قومي، عارف إنك صاحية." همس قامت بهدوء وقالت: "عاوز إيه؟

فهد: "حقك عليا، مش تزعلي مني. أنا آسف والله، ده غصب عني من غيرتي عليكي." همس ابتسمت بهدوء وقالت: "خلصت اللي عندك؟ اطلع بره يلا." فهد بصدمة: "إيه؟ اطلع بره؟ همس: "أيوه اطلع بره، وكل شي قسمة ونصيب." فهد: "مافيش حاجة اسمها قسمة ونصيب. أنتِ مش هتبقي لحد غيري، مفهوم يا همس؟ مش هتبقي لحد غيري. أنا هسيبك تهدي وهرجع لك تاني."

وخرج ورزع الباب وراه. وهمس انفجرت من العياط. وفهد في اليوم ده راح على شقته اللي بيقعد فيها لوحده لما يكون مخنوق. قفل تليفونه.

عادي أسبوعين وهمس وفهد على نفس الحال. فهد بيرن عليها، عاملة بلوك. وهي مش بتخرج من البيت خالص. وخست جامد عن الأول. قاعدة في أوضتها 24 ساعة مش بتخرج منها. ماسكة الفون وبتتفرج على صورها مع فهد وبتعيط. وفهد بقى عصبي جداً ومش عاد بيروح الشغل ولا الجامعة ولا البيت أصلاً. ومراد كل لما يروح له مش بيفتح له الباب. وهمس نفس النظام مع أروى ولارين. لحد ما جه في يوم. همس كان عندها امتحان في الكلية وراحت له غصب عنها. وبعد ما خلصت الامتحان، مش وقفت مع البنات وراحت توقف تاكسي عشان تروح. جات عربية.

توقعاتكم يا حبيباتي.