رواية همسه الفهد الفصل الرابع والعشرون 24 - بقلم بسملة احمد

تاني يوم الصبح فهد صحي قبل همس وقعد يتأمل فيها وفي جمالها ومش مصدق نفسه إنها خلاص بقت مراته ونايمة في حضنه وحاسس إنها وحشاه جدا. فضل يبوس خدها وعينها وشايفها بحب وحنية لحد ما صحيت وقالت بنوم: "امممم صباح الجمال على عيونك يا حبيبي." فهد: "صباح الحلويات والقشطة عليكي يا همستي." همس: "حبيبي أي المصاحك بدري؟ فهد: "بدري إيه، انتي عارفة الساعة كام؟ همس: "كام؟ فهد:

"الساعة اتنين، ومامتك رنت عليكي وماما كمان، مش عارف أنا أنا خاطفك ولا إيه." همس قامت اتعدلت وحوطت رقبة فهد بإيديها وقالت: "وفيها إيه يا فهودي لما تخطفني؟ وبعدين ليه مش صحتني أكلمهم؟ فهد وهو حضنها قال: "وأنا أهبل يعني عشان أصحّي القمر ده من النوم ومش أملي عيني منه وهو نايم." همس باست خده وقالت: "توتو حبيبي، أنا مش هبلة. سيبني بقى أقوم آخد شاور وأنزل وأحضر الفطار، لأني جعانة أوي. انت مش جعان؟ فهد قربها له أكتر وقال:

"مين بس اللي قال إني مش جعان؟ دا أنا هموت وآكل، وأكلي قدامي أهو." كان بيتكلم وعينه على شفايفها، وهي فهمت قصده وقالت: "فهد، أنا جعانة أوي. ممكن أقوم؟ فهد: "طب ما أنا كمان جعان، تعالي تعالي هناكل سوا." قال كده والتهَم شفايفها في بوسة طويلة، وبعدها أخدها وراح لعالمهم الخاص. عند لارين، صحيت من النوم على صوت فونها، قامت تشوف مين، لقت مراد. ردت وقالت: "صباح الخير يا مراد، عامل إيه؟ مراد:

"صباح الحب، بخير بوجودك يا قلبي. انتي عاملة إيه؟ لارين: "يارب دايماً. أنا كل تمام." مراد: "انتي مش عندك محاضرات؟ إيه اللي منيك لي حالا؟ لارين: "أيوه عندي، بس فيه عرسة بتنزل الجامعة." مراد: "وجهة نظر برضه." لارين: "شوفت بقى. وبعدين أروي وهمس مش راحوا، هروح أنا ليه بقى؟ مراد: "مثلاً يعني. طب بقولك إيه؟ ما تيجي بعد ما أخلص شغل أعدي عليكي وننزل نخرج سوا." لارين: "موافقة جداً، بس بابا." مراد:

"سيبي بابا عليا، أنا ماليش دعوة." لارين: "اشطا، يلا باي. هقوم أجهز على ما تخلص وتكلم بابا." مراد: "ماشي يا حبيبتي، يلا باي." وقفلوا سوا، ولارين قامت تجهز، ومراد كلم بابها ووافقه بعد معاناة. عند أروي، صحيت من النوم وحاسة إن جسمها كله وجعها بسبب فرهدة امبارح. مسكت فونها لقت رقم باعت لها ماسدج وقايل فيها: "كنتي أحلى واحدة في الفرح امبارح، انتي أحلى بنت في عيوني عموماً." أروي باستغراب قالت: "إيه ده؟ مين ده؟

أنا هتعب نفسي ليه؟ بلوك." وعملت بلوك وقامت دخلت الحمام. عند أحمد، فتح فونه لقى الرسالة، شافها ابتسم، بس ابتسامته اختفت لما عملت بلوك وقال: "وحياة أمك يا أروي، هتبقي بتاعتي قريب. لآني كده كتير. ولو فهد رفض، هخطفك وهحبسه. بس بقى." وكمل شغله. عند فهد، بعد مدة طويلة، همس نايمة في حضنه وهو حضنها جامد وناقص يدخلها بين ضلوعه. قال: "بعشقك يا همستي، بحب كل حاجة فيكي." همس بكسوف وحب:

"وأنا كمان بحبك كلك على بعضك يا فهودي. بعشق حنيتك وطيبتك وعصبيتك وغيرتك، بحب كل حاجة، كل حاجة." فهد بغمزة ووقاحة: "طب اقعدي ساكتة بقى عشان مش تموتي في إيدي، كفاية عليكي كده، انتي تعبانة." همس فهمت قصده وضربته بخفة على صدره وقالت: "انت قليل الأدب أوي يا فهدي." فهد: "منا عارف يا قلب فهدك، وساڤل كمان." همس: "طب وسّع بقى عشان أقوم آخد شاور وأعمل أكل، أنا جعانة أوي وكمان تعبانة." فهد قام وشالها: "قصدك ناخد شاور؟ همس:

"فهد نزلني، انت هتعمل إيه؟ فهد: "هناخد شاور يا حبيبتي." همس: "لأ يا فهد، والنبي نزلني." فهد ظبط لها الميّة وبعدها حطها في البانيو وقال: "مكسوفة من إيه يا هبلة؟ أنا جوزك، وبعدين أنا شفت كل حاجة." همس اتكسفت أكتر ودفنت وشها في صدره، وهو ابتسم وأخدوا شاور، وبعدها خرجوا، وفهد طلع لها هدوم ولبسها وقال: "حمام الهنا يا روحي. ها، بقي عايزة تاكلي إيه؟ همس: "الله يهنّيك يا حبيبي. إيه ده؟ انت هتطبخ؟ فهد:

"لأ يا روحي، هطلب من بره. حبيبتي أنا تعبانة ومش عايزة أتعبها أكتر." همس فرحت على حنية جوزها عليها لأنها فعلاً تعبانة. قالت: "طب يا حبيبي نجيب أكل من بره لماما ومامتك. عاملين أكل كتير أوي في التلاجة، هيتسخن بس." فهد: "خلاص يا حبيبتي، تعالي اقفي معايا في المطبخ وأنا أسخن الأكل وأجهز السفرة." همس: "لأ، انت هتقعد وأنا هعمل." فهد: "مفيش الكلام ده، وشكلك نسيتي إني مش بحب أعيد كلامي." همس:

"لأ والله مش نسيت يا حبيبي. طب يلا." نزلوا وفهد جهز الأكل وقعد همس على الرخامة قدامه وعامل يتغزل فيها. وبعد ما خلص الأكل، حطوه على السفرة وقعد همس على رجله وأكلها، وهمس أكلته. وبعد ما خلصوا، همس قامت وشالت الأطباق وعملت فشار ونسكافيه ليهم وقعدت قدام التليفزيون. وفهد قال: "تسلم إيدك يا همستي، تعالي في حضني بقى." همس حطت الحاجة على الترابيزة وراحت قعدت في حضنه وقالت: "تسلميلي يا حبيبي. ها، جبت الفيلم اللي هنتفرج عليه؟

فهد: "طبعاً يا قلب فهد، جاهز. المهم قولي إيه الحلاوة دي؟ همس: "حبيبي أنا، انت عيونك أحلى يا روحي." فهد: "دا انتي بتعاكسي بقى." همس: "ممم، ومش أعاكس ليه بقى؟ واد موز وقمر، وبعدين ما انت بتعاكسني، قلت حاجة أنا؟ فهد: "اممم، طب بقولك إيه؟ ما تيجي أعاكسك جوه براحتي." همس: "لأؤه يا فهودي، عايزة أتفرج على الفيلم." فهد قربها منه أكتر وقال: "ليه كده يا قلب فهودك؟ همس كانت هترد بس الباب خبط، وهمس ضحكت وقالت:

"قوم البس وشوف مين." فهد بغيظ: "مش فاتح أنا عريس ونايم." همس زقته: "عيب يا فهود كده، قوم شوف مين." فهد قام ومسك التيشيرت وقال بغيظ: "طب قومي يختي، خشي جوه ومش تطلعي إلا لما أقولك." همس: "حاضر يا حبيبي." فهد باس خدها وراح يشوف مين، وهي دخلت الأوضة. فهد فتح الباب لقى إيمان وأروي ونهال. قال بابتسامة: "أهلاً، إيه النور ده؟ إيمان حضنته بحب وقالت: "نورك يا حبيبي. إيه عامل إيه؟ وعروستنا عاملة إيه؟ فهد:

"الحمد لله يا أمي، انتي عاملة إيه؟ تعالي اتفضلي، مش هنقف على الباب." إيمان دخلت وبعدها نهال وأروي، وفهد راح على نهال وقال: "منورة يا ست الكل، عاملة إيه؟ نهال حضنته وقالت: "بنورك يا بني. أنا الحمد لله تمام، انتوا عاملين إيه؟ أروي: "فهود عامل إيه؟ تعرف البيت وحش أوي من غيرك." فهد ضحك وأخدها في حضنه وقال: "الحمد لله يا قلب فهود، انتي عاملة إيه بجد يا بكاشة؟ أروي: "الحمد لله، أها والله البيت وحش أوي." فهد:

"حبيبتي، إن شاء الله قريب هنيجي نقرف فيكي تاني." أروي: "موافقة جداً. فين همس بقى؟ دي وحشاني أوي." فهد: "جوه. اتفضلوا اقعدوا في الصالون لحد ما أنادي عليها." كلهم دخلوا، وفهد دخل الأوضة لهمس وقالت: "إيه يا حبيبي مين اللي جه؟ فهد: "ماما إيمان وماما نهال وأروي." همس: "إيه ده بجد؟ طب وسّع يا فهد عشان أطلع لهم." فهد بص على لبسها لأنها كانت لابسة هوت شورت وقال: "لأ، وحياة أمك هتطلعي وأنتي كده." همس: "مالي يا فهد؟

ما لبسي حلو أهو." فهد: "يا سلام! هتطلعي بره وأنتي لابسة كده؟ خشي البسي عباية والحجاب بدل ما أزعلك حالا." همس بتذمر طفولي: "في إيه يا فهد؟ فهد: "سمعتي أنا قلت إيه؟ خشي البسي يلا." همس: "يوه، حاضر حاضر." ومشت ودبدبت في الأرض وراحت طلعت لبس ولبست، وفهد ضحك عليها. وهي خلصت وراحت له وقالت: "أهو حلو كده." فهد حاوط وسطها وقربها منه وقال: "موزة موزة، مفيش كلام. بقولك، هو لازم نطلع لهم؟ همس بتحاول تفلت منه وقالت:

"فهد، ابعد، عيب كده. ماما وحشاني أوي. وبعد ما يمشوا نعمل اللي انت عاوزه." فهد: "لو ضحكتي عليا يا همستي." همس: "تعرف عني كده يا فهودي؟ هما يمشوا وأعمل ليك اللي انت عاوزه." فهد: "ماشي، لما نشوف." وسابها وهي جريت من قدامه ودخلت الصالون وسلمت عليهم. وهمس حضنت نهال وعيطت وقعدوا مع بعض كتير، وبعدين مشيوا. وهمس نضفت الحتة وفهد ساعدها. وبعدها فهد قال: "نفذي وعدك يا موزتي." همس لفت إيدها حولين رقبته وقالت:

"عنيا يا قلب موزتي." وسابته ودخلت أخدت شاور ولبست طقم، وفهد أخد شاور في الحمام اللي بره وخرج. وهمس كانت خرجت ومستنية، وفهد طبعاً انبهر بجمال أميرة كالعادة. وأخدها لعالمه الخاص وعاشوا مع بعض أحلى ليلة. تاني يوم الصبح كانوا بيجهزوا الشنط عشان يسافروا يقضوا شهر العسل في تركيا زي ما همس كانت عاوزة. سافروا، وفهد عاش همس أحلى أيام ولف بيها تركيا كلها، وكل يوم حبهم لبعض بيزيد.

عند مراد ولارين، مراد مش بيقدر يعدي يومه أو ساعة من غير ما يكلمها، وهي اتعلقت بيه أوي وبدأوا يجهزوا حاجة الفرح. وكان مراد كل يوم يجيب لهمس ورد وكانت سعيدة جداً. أما عند أروي، أحمد كل ما يبعت لها من رقم تعمل له بلوك، لحد ما قرر إنه يقابلها وفعلاً قابلها واعترف لها بحبه، وهي كانت تعرف بحبها لأنها كانت معجبة بيه. وقرر لما فهد ينزل هيتقدم لها. والست عايشين مع بعض أحلى قصة حب، كل واحد مع أميرته وكل أميرة مع أميرها.

وبعد مرور شهرين، مراد اتجوز لارين وعمل لها أحلى فرح. وأحمد راح اتقدم لهمس وفهد طلع عينه في الأول، بس هو كان عرف إنهم بيحبوا بعض ووافق أخير. وهمس حامل وفهد شايلها من على الأرض شيل ومش خليها تروح الجامعة، والمحاضرات بتيجي لها لحد البيت. ولو فيه امتحانات بتروح وبتيجي وفهد بيوصلها. وحبه لها عمره ما قل بل زاد. وأحمد معيش أروي أحلى قصة حب واتعلق بها جامد وهي اتعلقت بيه.

وبعد مرور 9 شهور، همس جابت توأم زي العسل، بنت وولد. ولارين حامل، وأروي اتجوزت وحامل. وفهد متعلق بوالده جداً، وكل أمير معيش أميرته في قصة حب وغرام مافيش أحلى منها. والحياة بينهم مبنية على الحب والمودة والرحمة والتقدير والاحترام ما بين الطرفين، ودي أهم حاجة في الحياة الزوجية أوي بين أي راجل وست.