رواية همسه الفهد الفصل الثالث والعشرون 23 - بقلم بسملة احمد

صحى فهد من النوم بكل نشاط وسعادة، وقال وهو مش مصدق إنه أخيرًا هيتجوز حبيبته وملهمته: "أخير يا همستي هتبقي في بيتي وفي حضني. يارب احفظها لي من كل سوء وشر، يارب وابعد عنها الأذى ومش توجعني فيها يارب." بعدها مسك فونه ورن على همس اللي كانت نايمة. مامتها دخلت صحتها لما سمعت صوت التليفون وقالت: "همس يا حبيبتي قومي، فهد عامل يرن عليكِ." همس: "ممممم إيه يا ماما." نهال: "إيه يا قلب ماما، في عروسة تنام لحد دلوقتي."

همس وهي لسه نايمة: "عروسة إيه، هي مين عروسة." نهال ضحكت عليها وقالت: "إنتي يا قلب أمك اللي عروسة، إنتي نسيتي." همس فاقت وقالت: "تصدقي صح، ده أنا عروسة." نهال ضحكت وقالت: "طب يا عروسة خدي ردي على العريس اللي نازل رن من الصبح ده." همس: "بجد؟ طب هاتي يا ماما." وأخدت منها الفون وردت وقالت: "الو يا حبيبي، صباح الخير." فهد: "صباح الحب والجمال يا قلب حبيبك. إيه كل ده نوم؟ في عروسة تنام كده."

همس: "أنا نائمة الصبح أصلًا يا فهد، مش كان ليا نوم." فهد: "لي بس كده يا قلب فهد." همس: "متوترة وخايفة أوي يا فهد ومبسوطة وفرحانة، متلخبطة أوي، فيه إحساس كتير أوي." فهد بحب: "إيه كل ده يا قلب فهد. مفيش يا حبيبتي مش تخافي ولا توتري، كل حاجة هتعدي على خير. عاوزك تفرحي وتنبسطي وبس." همس: "مش قادرة يا فهد، خايفة أوي." فهد: "خايفة من إيه يا همس."

همس: "لأ لأ والله أبدًا، أنا شفت منك حنية وأمان افتقدتها من زمان، إنت أماني وحضني الدافي، يا مؤمني يا فهد، أنا كل حاجة ليا في الدنيا دي." فهد بحب وحنية: "وأنا أوعدك إني هفضل جنبك وحضني بيتك ومؤمنك يا همستي، وعمري ما هزعلك أبدًا، وهبقى لكِ أبوكي وصاحبك وأخوكي قبل ما أكون جوزك." همس اطمنت نوعًا ما وقالت: "ربنا ما يحرمني منك يا فهد، أنا بحبك أوي، وأنا أوعدك إني هبقى لكِ أم وأخت وصاحبة قبل ما أكون مراتك."

فهد: "ولا يحرمني منك يا قلب فهد. يلا قومي يا قلبي البسي عشان أعدي عليكي و أوديكي البيوتي سنتر." همس: "حاضر يا حبيبي." فهد: "بحبك يا قلب حبيبك، أخير يا همس هتبقي مراتي وفي حضني. أنا مش مصدق والله." همس: "وأنا بموت فيكِ. لأ صدق يا حبيبي، كلها كام ساعة وأبقى في بيتك." فهد: "إن شاء الله يا حبيبتي، ربنا يعيد اليوم على خير." همس: "يارب يا حبيبي، يلا باي." فهد: "باي."

وقفلوا سوا، وهمس قامت تلبس وتجهز الحاجة. كلمت أروى ولارين، وبعدها نهال دخلت ليها وقالت بحب وابتسامة: "جهز اليوم اللي هشوفك فيه عروسة وفي إيد عريسك يا بنت قلبي." همس حضنتها وقالت: "شكرًا يا ماما." نهال بحب واستغراب: "شكرًا على إيه يا قلب ماما."

همس: "على كل حاجة عملتيها معايا من ساعة ما بابا مات، وقبلها برضه. إنتي تعبتي أوي يا ماما معايا عشان تطلعيني حاجة كبيرة، اتعذبتي كتير أوي يا ماما، مش رضيتي تتجوزي عشاني أنا. مهما أقول مش هوفي حقك يا ست الكل، ربنا يديمك ليا." نهال

عيطت وحضنتها أكتر وقالت: "ولو رجع بيا الزمن هعمل اللي عملته تاني، إنتي كل حاجة ليا في الدنيا دي يا همس، إنتي تحويشة عمري، ثمرة حبي أنا وأحمد. وهفضل جنبك لآخر نفس فيا. فهد طيب وبيحبك ومش هيزعلك تاني، وإيمان ست طيبة وجدعة وبتحبك زي بنتها بالظبط، هعوز إيه تاني إلا إني أشوفك فرحانة ومبسوطة." همس: "طب خلاص بطلي عياط يا قلبي بقي." وبعدها قالت بمرح: "وإلا والله لو مش بطلتي عياط هفشكل الجوازة، وإنتي حرة."

نهال: "أها، وفهد ييجي يخلص عليا وعليكي، صح؟ يلا ياما يلا، مش عايزين نكد النهاردة. قفلنا." همس: "بقي ماشي يا ست الكل، أنا بيت جوزي أولى بيا." وضحكوا الاتنين، ونهال دعت لهمس. وهمس نزلت تستنى فهد تحت. عند فهد، لما مع همس قام وأخد شاور وخرج لبس، وراح لأروى. خبط واستنى لما ردت ودخل وقال: "صباح الفل يا أروتي." أروى: "صباح الفل على أحلى عريس في الدنيا." فهد: "قلب العريس أصلًا. ها جاهزة نمشي."

أروى: "آه يا حبيبي جاهزة. هتبقى أحلى عريس في الدنيا يا فهودي، أنا متحمسة أوي وفرحانة لك أوي." فهد باس خدها ورأسها وقال: "قلب أخوكي إنتي. عقبال يا روحي لما أفرح بيكي، وهتبقي أحلى عروسة." أروى: "إن شاء الله يا حبيبي، يلا عشان مش نتأخر على همس. ولارين مراد هيجيبها." فهد: "يلا يا حبيبتي." نزلو لاقوا إيمان واقفة في المطبخ. دخلو ليها وفهد باس راسها وقال: "بتعملي إيه يا ست الكل."

إيمان: "صباح الخير يا حبيبي، بشوف الأكل والحاجة عشان الفرح." فهد: "طب ولي تتعبي نفسك يا حبيبتي." إيمان: "ولا تعب ولا حاجة، وبعدين هو أنا عندي كام فهد عشان أعمل له." فهد: "ربنا يديكي الصحة يا حبيبتي ويطول لنا في عمرك." إيمان: "تسلم يا حبيبي ويسعدك ويهنيك إنتي وعروستك يارب." فهد: "يارب يا حبيبتي." أروى: "إيه قصة الحب دي، أنا مش موجودة ولا إيه." إيمان: "وأنا أقدر يا روحي، دا إنتي حبيبتي قلبي وبنوتي الحلوة."

أروى: "لأ أنا زعلانة منك." إيمان: "وأنا مقدرش على زعل بنوتي الحلوة." أروى: "هاتي لي شوكولاتة وأنا أتصالَح." إيمان: "بس كده، عيني ليكي." أروى: "حبيبتي يا إيمو." فهد: "طب يلا عشان مش نتأخر." أروى: "يلا بينا." وسلموا على إيمان وحضنوها ومشوا. راحوا عند همس اللي كانت واقفة مستنياهم. أروى نزلت، وهمس راحت حضنتها وقالت: "عاملة إيه يا أروتي." أروى: "الحمد لله يا قلب أروتك، إنتي عاملة إيه يا عروسة."

همس: "الحمد لله يا قلب العروسة." وبعدها فهد نزل، وأروى راحت ركبت العربية. فهد راح لهمس وقال: "صباح الحب والجمال على أميرتي." همس: "صباح كل حاجة حلوة يا قلب أميرتك." فهد: "إيه الحلاوة دي، عروسة قمر كده." همس: "تسلم عيونك، أحلى بس لسه بقيت عروسة." فهد: "أومال إيه، أحلى وأجمل عروسة. إنتي على طول قمر وسكرة وموزة جامدة وأجمل بنت في عيوني." همس اتكسفت: "تسلمي يا فهودي." فهد: "فهودي كمان، وهبوسك في قلب الشارع."

همس اتكسفت أكتر وجريت على العربية. وفهد ضحك عليها وركب العربية واتحركوا. وبعد مدة وصلوا تحت البيوتي سنتر. وأروى نزلت. وهمس جات تنزل، فهد مسك أيدها وقال: "إيه يا موزة رايحة فين." همس: "رايحة فين إيه يا فهد، نازلة." فهد: "توتو، مش قبل ما أقول لكِ التعليمات." همس: "اتفضل، رغم إني عارفاهم وسامعاهم." فهد: "ميكب تقيل ممنوع، ولو شفت حاجة ملفته هنكد عليكي ومافيش أفراح، وهاخدك وأروح. وأنا نفسي ده يحصل، إيه يا موزتي؟

وممنوع تتصوري على فون حد غير البنات، غير كده هتزعلي. مافيش شعراية منك تبان، مافيش حاجة منك تبان أصلًا." همس: "حاضر. إيه أوامر تانية." فهد: "آه، عاوز بوسة." همس ضربته بخفة على إيده اللي ماسكها وقالت: "اتلم يا فهدي." فهد: "وحياة أمك ما إنتي نازلة غير لما آخد بوسة." وبعدين قال بغمزة: "وبعدين دي كلها كام ساعة وهتبقي ملكي أنا لوحدي، وهشوف كله حاجة، وأبقى شوفي هتهربي مني إزاي."

همس وشها كله أحمر وقالت: "فهد، إنت ليه بتخوفني أكتر ما أنا خايفة." فهد بحب وحنية باس إيديها وقال: "بهزر معاكي يا حبيبتي قلبي، أنا آسف، مش عاوزك تخافي. اهدي، وأنا والله مش هعمل حاجة غصب عنك، ولا هغصبك على حاجة. وبعدين مش عاوزك تفكري دلوقتي في حاجة، فكري في فرحنا، وإنه كمان كام ساعة وهتبقي إنتي عروسة قمر، وأنا هبقى عريس قمور. فكي بقي." همس: "ربنا ما يحرمني منك ولا من حنيتك عليا أبدًا يا فهودي. يلا بقي عشان مش نتأخر."

فهد: "ولا يحرمني منك يا قلب فهودك. مشي، يلا انزلي." همس: "باي." ونـزلت، ولقيت أروى واقفة. وقالت: "نزلتي ليه؟ ما لسه بدري يا ست هانم، اقعدي حبي، في شوية كمان." همس ضحكت وقالت: "بكرة يا أختي لما تتخبطي نشوف. يلا ابت قدامي." أروى بغيظ: "إنتي عارفة لو إنتي مش مرات أخويا وصحبتي كنت زعلتك حالًا." همس: "طب أروح أنادي لفهد يشوف الحوار ده." أروى بخوف مصطنع: "إيه يا صلاح، بهزر معاك، مش بتهزر ولا إيه."

همس: "لأ يا أختي بهزر، يلا هش قدامي." جايين يمشوا، لقوا لارين جاية عليهم مع مراد. وقفوا استنوها، وهي نزلت وقالت: "هاي يا بنات، عاملين إيه." أروى وهمس: "الحمد لله يا حبيبتي، إنتي عاملة إيه." لارين: "كله تمام، يلا عشان مش نتأخر." البنات: "يلا."

وطلعوا. وفهد ومراد اطمنوا عليهم إنهم طلعوا، وبعدين راحوا على شقة مراد عشان يجهزوا. والبنات طلعوا وبدأوا يعملوا ماسكات وشغلوا أغاني واتصوروا. وفهد بعت لهم أكل، وكان بيكلم همس على الواتس ويطمن عليها. ومراد نفس النظام. وبعد ما خلصوا، همس واقفة قدام المرايا ومبهورة من جمالها والفستان والطرحة والميكب. وقالت: "الله، ده شكله حلو أوي يا بنات."

أروى: "إنتي اللي حليتيه يا حبيبتي، طالعة قمراية يا روحي، ما شاء الله تبارك الله عليكي، تحفة." همس: "تسلمي يا روحي، وإنتي طالعة زي القمر، عقبال فرحتي بيكي يا روحي." أروى بضحك: "يارب يارب، عشان أنا زهقت." همس: "إن شاء الله يا حبيبتي، ربنا يرزقك بابن الحلال قريب." لارين: "طالعة قمر يا روحي، ما شاء الله عليكي، عروسة زي القمر، والفستان خليكي قمرين."

همس: "تسلمي يا روح قلبي، وإنتي طالعة قمورة أوي، ما شاء الله شكلك عسول أوي." والبنات حضنوا بعض وكانوا فرحانين، وكل واحدة فرحانة لأختها وصاحبتها. وقعدوا يستنوا الشباب. عند الشباب بيجهزوا. وفهد بيلبس مراد، ومراد يلبس فهد، وأحمد بيساعدهم في اللبس. وهما ساعدوه. وبعد ما خلصوا، فهد قال: "إيه رأيكم فيا وأنا عريس." مراد: "قمر يا فهود." فهد: "وإنت جامد برضو، أحلى عريس كده كده."

أحمد جه عليهم وحضنهم وقال: "إنتوا الاتنين جامدين أوي." فهد ومراد: "وإنت أجمد، عقبالك يا أبو حميد." أحمد: "يارب بقي عشان مش هفضل سنجل كده لوحدي." مراد: "يلا المزز هيبقى كتير في الفرح، اختار واحدة منهم." أحمد: "لأ يا عم، أنا عيني على موزة واحدة." فهد: "أوبا بقي، هي مين." أحمد: "بعدين هبقى أقول لكم. يلا بقي عشان مش نتأخر." مراد وفهد: "يلا."

وكل واحد نزل وركب عربيته. وكانت عربية فهد ومراد متزينة بشكل خرافة. عربية أحمد ومجموعة من أصحابه قدام عربية فهد ومراد، وعربية فهد ومراد في النص، ووراهم مجموعة من أصحابه وحرس. وبعد كده وصلوا عند البيوتي سنتر. ونزلوا، فهد واقف الأول، وبعده مراد، وطلعوا على السلم. وأروى فتحت لهم، وأول ما شافتهم زغرطت وحضنت فهد وقالت: "إيه الحلاوة دي كلها يا حبيبي، عريس زي القمر." فهد باسها وبدلها الحضن وقال:

"حبيبتي قلبي، وإنتي طالعة زي القمر، إيه الحلاوة دي." أروى: "حبيب قلبي، يلا روح لعروستك." فهد: "حاضر." ودخل الأوضة اللي البنت أشارت له عليها. دخل لاقى همس مدياله ضهرها. راح واقف قدامها وانبهر من جمالها وحلاوتها اللي زادت. وراح ليها وشالها ولف بيها وقال: "قمر يا همسي، قمر. إيه الحلاوة دي، وأخيرًا هتبقي مراتي." همس مكسوفة وقالت: "نزلني يا فهد، دوخت."

فهد نزلها وقال: "آسف يا حبيبتي، بس أنا فرحان أوي، أخيرًا هتبقي في حضني وفي بيتي وإنتي قمر كده." همس: "وإنت كمان شكلك حلو أوي يا فهد." فهد: "عيونك أحلى يا قلب فهدك. يلا ننزل." همس جات تمشي، فهد شالها وخرج بيها. والبنات صفقوا، وأروى صورت. وفهد نزل، والشباب صفروا وصفقوا. ومراد دخل لـ لارين وقال: "إيه القمر يا جدعان، قمرية يا موزتي، إيه الحلاوة دي." لارين مكسوفة قالت: "شكرا." مراد: "شكرا إيه، هو أنا بديكي جنيه؟ إيه ابت."

لارين: "بس بقي، يلا الناس هتمشي." مراد: "ماشي ماشي، هيتأثر بس لحد ما تبقي مراتي." وخدها بإيده ونزل. والعربيات اتحركت وراحوا على مكان السيشن. وكل عريس اتصور مع عروسته. وأحمد وأروى اتصوروا مع بعض بطلب من أحمد لأنه وقع في حبها. والبنات اتصوروا مع بعض، والشباب مع بعض. وكلهم اتصوروا صورة جماعية. وبعدها راحوا القاعة.

تم كتب كتاب لارين ومراد على خير. كل عريس غنى لـ عروسته. والكل كان فرحان لهم ويدعوا لهم. وبعد ما الفرح خلص، مراد أخد لارين ووصلوا. فهد وهمس وأحمد وأروى كانوا معاهم. وأحمد وصل أروى. ومراد أخد لارين عشان يخرجوا. فهد شال همس لحد باب الشقة، وخلاها تمد إيدها في جيبه وتطلع المفتاح. وفتحت الباب ودخلوا. وفهد أخدها فرجها على الشقة كلها. وهي قالت: "الله يا فهد، الشقة حلوة أوي، ما شاء الله. ذوقك حلو أوي."

فهد: "أحلى حاجة لعيونك يا عيوني. تعالي بقي أما أوريكي المفاجأة اللي محضرها ليكي." همس: "مفاجأة إيه." فهد: "تعالي بس وأنا هقولك." وشالها ودخلها أوضة النوم، وكانت الأوضة مليانة صور همس وفهد وصور لـ همس لوحدها وهي صغيرة على الحيطة. وهمس لفت إيديها حوالين رقبته وباسه من خده وقالت: "حلو أوي يا فهد، إنت عملت كل ده عشاني." فهد باسها وقال: "لو أطول وأجيب لكِ الدنيا كلها هجيبها ليكي يا قلب فهد." همس: "أنا بحبك أوي يا فهد."

فهد وهو مبسوط من الوضعية اللي هما فيها وقال: "وأنا بعشقك يا قلب الفهد." همس فاقت وشافت هي عاملة إيه، بعدت عنه بسرعة واتكسفت. فهد حوطها من وسطها وقربها منه وقال: "بعتي لي، ما إنتي كنتي حلوة." همس: "بس يا فهد، ابعد خليني أغير هدومي." فهد بغمزة: "طب أساعدك بس." همس: "لأ شكرا، ابعد بقي." فهد سابها وقال: "ماشي، إحنا ورانا حاجة. يلا خشي غيري وأنا هطلع أغير في الحمام اللي بره."

همس جريت من قدامه وأخدت إسدال ودخلت الحمام. وشافت الطقم اللي أمها حاطاه ليها عشان تلبسه، وكان طقم من اللون الأبيض. ولا تعليق عليه. شهقت وحطت إيدها على بوقها وقالت: "أحيه، ده هلبسه إزاي يا نهار أسود." وفضلت كده نص ساعة لحد ما اتشجعت ولبسته، ولبست فوقه الإسدال. وخرجت. كان فهد قاعد مستنيها. وأول ما خرجت قام وقال: "إيه يا حبيبتي، كل ده بتاخدي شاور." همس: "معلش يا حبيبي، الفستان كان مضايقني."

فهد: "ولا يهمك يا قلبي. اتوضيتي." همس اتكسفت وقالت: "آه. وإنت." فهد: "آه. طب يلا نصلي." همس هزت رأسها. وفهد فرش سجادة الصلاة وصلوا. وبعد ما خلصوا، فهد قام وكان مدي لـ همس ضهره. همس اتشجعت وخلعت الإسدال. وفهد لف ليها وشافها كده تنح وقال في سره: "يخرب بيت حلاوتك، إيه الحلاوة دي، الحلاوة دي هتبقى ليا لوحدي بس." فاق على صوت همس وهي بتقول بصوت قد يكون مسموع: "فهد."

فهد شاف توترها وخوفها، راح على السرير جاب الغطا اللي عليه وحطه عليها وأخدها في حضنه. وراح ليها على طرف السرير وقال: "حبيبتي، آه نفسي أقرب منك لإنك وحشاني وإنتي حبيبتي، بس مش هعمل كده غصب عنك. عندي استعداد أقعد أسبوع، شهر، شهرين، سنة على ما تتطمني. أنا عاوز قلبك يا روحي، مش هعمل حاجة غصب عنك." همس اطمنت له وقالت: "قولي الدعاء." فهد: "متأكدة." همس: "ممم."

فهد قال الدعاء وباسها بوسة طويلة من شفايفها. وهمس استجابت معاها. وهو شالها وراح بيها على السرير وأخدها على عالمه الخاص. وبعد فترة تمت نقل ملكية همس توفيق لـ همس السيوفي. وبعد مدة همس نايمة في حضن فهد، ودفنت راسها في صدره ومكسوفة. وفهد محوطها من كتفها وهو مبسوط إنه خلاص حبيبته بقت مراته وملكه. قال: "وجعتك يا روحي." همس قالت بصوت متعب ومكسوف: "شويه، وكمان اليوم كان متعب أوي."

فهد: "معلش يا حبيبي، أنا آسف، بس كنتي وحشاني أوي." همس: "مافيش حاجة يا حبيبي، وإنت كمان كنت وحشني أوي." فهد: "طب مش هتاكلي." همس: "توتو، أنا عاوزة أنام." فهد: "بس إنتي تعبانة ولازم تأكلي." همس: "لأ يا حبيبي، بس أنا عاوزة أنام." فهد: "لقمة صغننة، طب." همس: "لأ، يلا ننام." فهد: "ماشي يا حبيبتي." وطفى النور وأخدها في حضنه وقال: "تصبحين على خير يا روحي." همس: "وإنت من أهل الجنة يا حبيبي."

وراحوا الاتنين في سبات نوم عميق. تاني يوم فهد صحي على....... توقعاتكم يا حبيباتي الحلوين 💗