رواية حنين الليل الفصل الثلاثون 30 - بقلم أميرة رمضان

جووووزك طلع تاجر مخدرات والحكومة قبضت عليه. ندي مستحملتش الخبر واغمي عليها. بسمة: ندددددددددي! هاتي مايه بسرعة. سمر: فوقيها ي حنينه. سوسن: ملكيش حظ ي بنتي، كل اللي تتخطبي ليه يطلع وراه مصيبة. ي قلة بختك ي بنتي. بسمة: اسكتووو بقا شوووويه. ندي ندي فوقي ي حبيبتي. (وكبت مايه علي وشها) ندي بخضه: ااااااه! في اي؟ (وافتكرت بسرعه) اي اللي سمر بتقوله ده. بسمة: مفيش حاجه ي حبيبتي، اهدي بس. ندي: رحيم اتقبض عليه ازاي؟ ازاي؟

هو مستحيل يعمل كده، مستحيييييل. انا هروحله. سوسن: هتروحي فين ي بت؟ اترزعي هنا، دانا هبعت محامي ليه عشان يطلقك. ندي بصراخ وانهيار: طلاااااااااق ااااااااي؟ اسكتي خاااااالص وسبيني في حااااالي، مش عايزه اسمع صوووووتككك. سوسن: امال هناسب ناس تجار مخدرات. سمر: وبعدين ده ان طلع منها اصلا، ده قدامو ولا 15 سنة سجن علي الاقل. ندي: اوعي من قدامي، انا رايحه لجوزي ويكون في علمكم مش هتطلق لو اطبقت السما علي الارض.

(وطلعت وخبطت باب الشقة اووي) سوسن: منك لله يابن فايزه، تلاقيك عاملها عمل. والله لااطلقها منك نسب يعررر. ليل: انت رايح فين بسرعة كده؟ فارس: رحيم اتقبض عليه. ليل: _يالهووووووي! انت بتقول اي؟ ليل: اهدي انتي، مفيش حاجه ان شاء الله، هنروح نشوف في اي وهيطلع باذن الله. مدام كريمة. مدام كريمة: ايوا ي بيه. ليل: خليكي معاها، خلي بالك منها. يلا ي فارس. فايزة ام رحيم: ابعددددي من قداااامي. شهد بدموع: يا امي هتروحي فييين دلوقتي؟

اسامة وعمي قالو هيطمنونا. فايزة: انا مش هقعد هنا واسيب ابني. سندس: ي مرات عمي والله هيبقا اتاخد ظلم وهيطلع علطول، اهدي بس. فايزة بدموع: يارب ناجيه وانتقم من اللي عمل فيه كده ووجع قلبي عليه، قادر ي كرررريم. في قسم الشرطة. ندي وصلت وكانت بتدور على رحيم زي التايهة لحد ما شافت ليل. ندي: ليل الحق رحيم بالله عليك، انت عرفت اللي حصلو؟ ليل: ايوا، اهدي متقلقيش، هيطلع ان شاء الله. ندي بدموع: ان شاء الله.

ليل: انا عايز اقابل الظابط ي ابني. العسكري: تمام ي فندم، ليل الحديدي عايز يقابل سعادتك. الظابط: خليه يدخل. (ليل وفارس وندي دخلو) الظابط: اهلا ليل باشا. ليل: عايز اعرف قبضتو على رحيم الصاوي ليه. الظابط: جالنا بلاغ بان رحيم الصاوي بيتاجر في المخدرات ومكان المخدرات ورحنا فعلا لقينا المخدرات ورحيم، عشان كده قبضنا عليه. ليل: انت لقيت المخدرات دي في المصنع، مش معنى كده انها بتاع رحيم.

الظابط: بس البلاغ جالنا واتهم فيه رحيم، وهو المتهم الوحيد قدامنا في القضية، عشان كده قبضنا عليه ولسه التحقيقات شغالة. ليل: رحيم يطلع حالا وتخلصو اجراءتكم دي مع نفسكم. الظابط: القانون فوق الكل ي ليل باشا، ومش انا اللي هقولك كده. فارس: ليل اهدي، هو عنده حق، لازم يطبقو القانون. ليل: طب عايزين نشوف رحيم. الظابط: جدعنة مني هخليك تقابله 10 دقايق مش اكتر. الظابط: انت ي عسكري هات رحيم الصاوي من الحجز.

وليد: ده اي دماغ الشيطان دي، يخربيتك مخدرات مرة وحدة. زياد: فكرة حلوة صح؟ وليد: جاااامدة. زياد: يلا بقا خليهم يتجوزو في السجن عشان تسيبني انا وتروح تتجوز واحد تاجر مخدرات. وليد: احنا هنكدب الكدبة ونصدقها. زياد: لازم نصدقها، لان الكدبة دي هتقلب حياتهم وتدمرها. وليد: طب انت جبت المخدرات دي منين؟ زياد: من الواد ترجي. وليد: ترجي؟ هو لسه شغال في المخدرات؟ مش بينه اتسجن؟ زياد: قضي المدة وطلع كمل شغل.

وليد: شكل الشغلانة عجبته، بس انت كده دفعت كتير اووي. زياد: مش كتير على كسرة قلبهم ودمارهم. اي ي سندس وصلتو لحاجة؟ سندس: لسه والله، اسامة مرنش. _وانا برن على ليل كتير مش بيرد عليا. سندس: طب سبيهم دلوقتي، اكيد مشغولين وريحي نفسك لتتعبي، انتي تعبانة من غير حاجة. _متشغليش بالك بيا، شهد عاملة اي؟ سندس: مش مبطلين بكاء وحقيقي مش عارفين نعمل اي. _صلو وادعوله، ان شاء الله خير، اتفائلي بربنا خير.

العسكري: تمام ي فندم، رحيم الصاوي واقف برا. الظابط: ادخل. رحيم دخل. وندي اول ما شافتة قلبها اتخلع من مكانها: رحييييييم. رحيم بغضب: انتي اااي اللي جابك هنااااا؟ روحي يلااا متقعديش في المكان ده. ندي: مش همشي الا وانت معايا، مستحيل اسيبك تقعد هنا. رحيم: فارس روحها البيت، واياكي اشوفك هنا تاني. ندي ببكاء: حرام عليك، انا لما عرفت الخبر اتجننت، وانت كل اللي شاغلك اني امشي من هنا. ليل: بس اهدي، وانت ي رحيم اهدا انت كمان.

الضابط: عشر دقايق واجيلكم. ليل: ركز معايا وقولي اي اللي حصل معاك. رحيم: انا كنت روحت لما كلمتك ي فارس، وكل العمال روحت معادا شوية كانو لسه بيقفلوا المصنع، ولما روحت حد رن عليا وقالي ان فيه مشكلة في المكنة الجديدة ولازم اروح اصلحها. ورحت المصنع ملقتش حد، دقيقة والشرطة جات وفتشوا المصنع طلعوا منه مخدرات، انا كنت مصدوم ازاي ده يحصل، وبعدها قبضوا عليا.

فارس: دي تهمة متلفقة ليك وباينة اووي، واللي عمل كده تفكيره سطحي اوووي، لانك هتطلع منها بسهولة. ليل: متقلقش، هتطلع من هنا علطول، واللي عمل كده هجيبه لو تحت الارض، وزي ما قال فارس اللي عمل كده شخص ساذج واكيد هيبقا سايب دليل وراه. رحيم: الحمد لله. ليل: باقي اربع دقايق، هسيبك مع ندي وهستناكم برا، يلا ي فارس. (طلعوا بسرعة) رحيم: انا مش حابب وجودك هنا، اطلعي امشي.

ندي بدموع: رحيم انا قلبي واجعني عليك اوووي وحاسة ان اللي عمل كده زياد. رحيم: لاء زياد كان اخره يوقع بينا، متوصلش بيه لكده. ندي: طب متبقاش قاسي عليا كده وطمني عليك. رحيم اتنهد وقام وقف وهي وقفت: ي رحيم اس... (وقبل ما تخلص كلامها شده رحيم لحضنه وندي مسكت فيه اوووي وبكت) رحيم: خلاص اهدي بقاااا ومتقلقيش عليا، انا كويس وبقيت كويس اكتر لما شفتك، بطلي بكاء بقا. ندي من بين شهقاتها: ح ح حاضر. (الباب خبط والظابط دخل)

الظابط: وقتكم خلص. رحيم: يلا روحي مع فارس وليل، وزي ما قولتلك متاجيش هنا تاني. (طلعت ندي وكان اسامة وابوه واقفين مع ليل وفارس، فارس طمنهم انه هيطلع منها وكلهم روحوا) قدام العماره ليل وقف العربية وندي نزلت. ليل: مش عايزك تقلقي، انا وعدتك انه هيطلع منها بسرعة. ندي: يارب، طب اتفضلوا عندنا. فارس: مرة تانية بقا، يلا اطلعي. ندي: حاضر.

(وطلعت بس قبل ما تطلع شافت زياد واقف قدام السوبر ماركت وبيعمل كأنه بيكلم وليد وبيقول بصوت عالي) = منا قولتلك ي وليد مش انا اللي تروح مني حاجة، واقف اتفرج، قولتلك هندمك مصدقتنيش، سلملي على احزانك بقاا. (ندي اتأكدت ان زياد له دخل في الموضوع) رنت على ليل. ليل: اي ي بنتي في حاجة ولا اي؟ ندي: معلش مقدرتش استنى، بس انا متاكدة ان زياد وراه الموضوع ده. ليل: زياد مين؟ ندي: هقولك. بعد يومين. تالين: انا مش شامة حاجة. _ازاي بس؟

انا شامة ريحة لحمة نية. تالين: مفيش حاجة. _طب استني كده ليل. ليل: اي؟ _مش شامم حاجة كده؟ ليل: حاجة زي اي؟ _لحمة نية. ليل باستغراب: لاء خالص، مفيش حاجة زي كده. _ازاي؟ انا شامة الريحة دي فيك انت. ليل: بيتهيألك بس. _انا عايزة اكل لحمة نايه. (وبصت لليل اوي) ليل: انتي بتفكري في اااااي؟ ابعددددددي. وخد تالين وطلع برا بسرعة، يخربيتك هتتحولي زومبي ولا اي؟ ده مش وحم ده. ايان: بابا تلفونك بيرن. (ليل نزل تحت) ليل: الو.

المتصل: .......... ليل: تمام كده، هقابلك بعد العصر اقولك هتعمل اي تاني. _وصلت لحاجة؟ ليل: خلاص فاضل تكه والموضوع يتحل ويخرج منها على خير. _طب الحمد لله، بس ياريت بسرعة قبل ما يتحكم عليه، دي ندي هتروح فيها. ليل: متقلقيش، انتي مش واثقة فيا ولا اي؟ حضنته وقولت: بعد ده كلو لسه بتسأل؟ جاسمن: ليييييل. اتخضيت من صوتها: في اي؟ جاسمن: مش عيب بتحضنو بعض قدام الناس كده؟ خديجة: ااااي ده؟ مين اللي بتتكلم دي؟

جاسمن: مقصدش حاجة، انا بس مش عايزة حد يتكلم عليكم. ليل: خلي حد يتكلم وانا اقطع لسانه قبل ما ينطق. وبعدين دي مراتي يعني اعمل اللي انا عايزو. جاسمن بحقد: اه طبعا تعمل اللي عايزو. _جاية ليه؟ جاسمن: ولادي وحشوني وجيت اشوفهم عشان مسافرة. ليل: اي ده بجد؟ الحمد لله. جاسمن: فرحان اني همشي؟ _ولادك قاعدين اهم، اقعدي معاهم براحتك. كريمة: ليل بيه. ليل: تعالي ي مدام كريمة.

كريمة: الطبق ده بعته عم صالح لمدام حنين بمناسبة الحمل وبيقول لازم تاكله لانه مغذي جدااا وبيقولك الف مبروك. ليل: الله يبارك فيه. _اي الطبق ده؟ جاسمن بحقد: الطبق ده لما انا كنت حامل قبليكي بعتوهولي وقالي كل مرة لما اكون حامل هيبعتلي واحد مخصوص، بس انتي بقا جيتي وخدتي مكاني عشان كده بعته. ليل حب يغيظها: عندك حق، حنين جات خدت مكان كل الناس في حياتي، دي بقت كل حياتي. _حبيبي قلبي وريني بقا الطبق ده.

(شميت الطبق، ريحته عجبتني اووي) ليل: هو انتي هتمشي تشمشمي كده كتير؟ _بس حلو والله، هات بقا كده، انا طالعة اكل في الجنينة. تعالي ي لولو كلي معايا. جاسمن: لااااء. (كلنا بصنالها باستغراب) جاسمن: انت مش فاكر ي ليل لما عم صالح بعتلي الطبق ده قال لازم انا اللي اكله كله عشان مغذي، وكمان اكد عليك بكدا. مش عايزة احكيلك عليه ي حنين، لما كلته كان جميل بشكل وخلى صحتي كويسة جدااا. _ليه سحري؟

علمهم هاكله وهقول اذا كان فعلا كل الكلام ده فيه ولا لاء. ليل: استني هطلع معاكي. هو فين اللاب توب؟ _فوق في الاوضة. ليل: هطلع اجيبو في ثواني واجيلك. (ليل طلع جاب اللاب ووقف ثانية) ليل: ازاي عم صالح باعت الطبق ده وهو اصلا مسافر من اكتر من سنتين، وعرف ازاي ان حنين حامل وهو مسافر؟ غريبة، واي اللي جاب جاسمن في الوقت ده؟

ليل بقلق: لاء اكيد اللي في بالي غلط، بس انا لازم اخلي حنين متاكلش من الاكل ده. ولسه بيطلع من الاوضة سمع صوت صراخ. حنين بصراخ: ليل الحقناااااااااااااااااااااي.