رواية هو حقي أنا الفصل الخامس 5 - بقلم دينا رضا

مراد بهمس: شوفتي إزاي خليتك ترجعي لحضني تاني وتكوني بين إيدي بكل سهولة. يارا بحدة: إنت... (يقطع كلامها صوت حد) جنا بصرخة وغضب: مراد! مراد يبعد فجأة وبتوتر: جنا! إنتي... يارا تطلع عليهم وتبتسم بخبث: مراد حبيبي. مراد بتعجب وهمس: حبيبي؟ يارا تجاهلت مراد، وابتسمت بخبث وتقرب من جنا وتهمس في ودنها: معلش بقى، هفضيا أنا الحب الأول والأخير. وأول ما يشوفني يا حرام مبيقدرش ميقربش مني. أعمل إيه بقى؟ على العموم باي، مش فاضية.

وتروح عند مصطفى اللي واقف مش فاهم حاجة. *** في بيت مراد وجنا جنا بغضب: عجبك اللي عملته ده يا مراد؟ مراد بملل: قلتلك، أنا عملت كده عشان أضايقها. وقبل ما تيجي كنت هسيبها وأمشي. جنا: لا والله، شايفني هبلة عشان أصدقك يعني. مراد: ده اللي عندي يا جنا. تصبح على خير. جنا بشر: وربنا لأوريكِ يا يارا. *** في عربية مصطفى يارا: شكراً ليك، تعبتك معايا. مصطفى: لا عادي. بس ممكن أسألك على حاجة؟

يارا: عارفة يا أستاذ مصطفى، وهقولك على كل حاجة بس مش دلوقتي. بكرة هحكيلك. مصطفى يتنهد بضيق: طيب يا يارا. يارا تبتسم: شكراً. وتدخل بيتها. *** مصطفى: يا ترى حكايتك إيه يا يارا؟ وليه عندي فضول أعرف كل حاجة عنك. *** تاني يوم في الشركة يارا قاعدة قدام مصطفى. مصطفى: ها؟ اتكلمي. يارا تاخد نفس عميق: أنا ومراد كنا متجوزين من سنة واتطلقنا. مصطفى بضيق: كملي. يارا: بسم... مصطفى: يارا، أنا زي أخوكي. ياريت تحكيلي عشان أعرف أساعدك.

يارا بتردد: أستاذ مصطفى، لو كان في أي حاجة كنت هقولك... بعد إذنك. وتروح مكتبها. *** في مكان آخر -عايزك تخطفها وتجيبها لعندي. -تمام، اعتبره حصل. بس آخد عربوني الأول. -خلص انت بس، وهديك اللي انت عاوزه. -تمام، اعتبره حصل. *** عند الشركة يارا تنزل من الشركة تقف تستنى تاكسي. يارا: أوف بقى. مصطفى في نفس الوقت كان خارج من الشركة: يارا! واقفة كده ليه؟ يارا باحترام: مستنية تاكسي. مصطفى: طيب اركبي، هوصلك. يارا: لا شكراً.

مصطفى: يارا، يلا اخلصي. مفيش تاكسي دلوقتي. يارا بتفكير: تمام. وتركب. مصطفى يركب ويسوق. يارا تطلع على شباك. مصطفى: سيلا بتسأل عليكي. يارا تبتسم: سلميلي عليها. هي قمر أوي بجد. مصطفى بدون تفكير: زيك كده. يارا: إيه؟ مصطفى: إيه؟ يارا تضحك: على العموم ربنا يخليك ليها ولمامتها. مصطفى بغموض: يارب. بس مامتها ربنا يرحمها. يارا بحزن: آسفة. مصطفى: لا عادي. يارا تبتسم: نزلني هنا، شكراً. مصطفى يقف: العفو يا بنتي.

يارا بابتسامة: تصبح على خير. مصطفى: وإنتي من أهلي. يارا بتعجب: نعم؟ مصطفى: ها؟ ولا حاجة. باي. يارا: باي. وتدخل عمارة البيت. مصطفى يسوق. يارا تفتح الباب وفجأة تحس بحد بيحط إيده على بوقها ويغمى عليها. مجهول 1: كله تمام. ويشلها. يلا ننزل قبل ما حد يشوفنا. مجهول 2: هشغل العربية بسرعة. وينزلو. *** مجهول 1: يلا انجز، حطها. في نفس الوقت يكون مصطفى وصل ونزل من العربية ويشوفهم. يارا! مجهول 2: سوق بسرعة. ويسوق.

مصطفى يركب ويسوق وراهم. *** مجهول 1 يتصل على شخص: الو! فيه حد شافنا وشكله يعرفها وجاي ورانا. * حاول تهرب منه بأي طريقة، انت فاهم؟ مجهول 1: دي لعبتي. ويقف. بعد فترة. مصطفى يضرب على الدركسيون: غبي! أدهم هربوا منك. أوف! مجهول 2: أخيراً خلصنا منهم. مجهول 1: آه، إحنا وصلنا. *** بعد ساعة يارا تصحى تلاقي نفسها مربوطة وعيونها عليها رباط. يارا بخوف: حد هنا؟ يا ناس ساعدوني! * هشش، اهدي يا حبيبتي، أنا معاكي. يارا بصدمة: مراد؟

مراد يبتسم ويشيل الرباط من على عيونها: أيوه، أنا. يارا بصرخة: إنت مجنون! إزاي تخطفني؟ مراد بملل: أنا أعمل أي حاجة. يارا بغضب: عايز مني إيه تاني يا مراد؟ مراد: نرجع لبعض. يارا بصدمة: نرجع لبعض؟ مراد: آه يا يارا. بس في السر. يعني انتي بتحبيني ومتتخديش تبعدي عني. وأنا عايزك جنبي. ها؟ إيه رأيك؟ يارا: ...