رواية هو حقي أنا الفصل السادس 6 - بقلم دينا رضا

يارا بغضب: عايز مني إيه تاني يا مراد؟ مراد: نرجع لبعض. يارا بصدمة: نرجع لبعض؟ مراد: آه يا يارا، بس في السر. يعني إنتي بتحبيني وما تقدريش تبعدي عني، وأنا عايزك جنبي. ها؟ إيه رأيك؟ يارا بغضب: أقسم بالله يا مراد لو آخر حد في الدنيا مش هكون ليك خلاص. مراد يضحك بسخرية: قولي كلام غير ده، إنتي بتحبيني. يارا: كنت بحبك.. بقيت بكرهك. مراد بغضب: هششش، اخرسي.

يارا: مش هخرس يا مراد، لازم تعرف إنك ما عدتش ليك مكان في حياتي وفي قلبي. بسببك دمرت حياتي، كسرت قلبي، وأمي ماتت. مراد بصدمة: ماتت؟ يارا بحزن وغضب: آه يا مراد، لما عرفت إنك طلقتني ماتت بسبب الصدمة. مراد: ما كنتش أعرف، بجد آسف يا يارا. ويمسك إيديها. خلينا مع بعض، وعد مني هعوضك عن كل حاجة. يارا تشيل إيدها بغضب: إتفو عليك، ولو هموت مش هرجع ليك يا مراد، أنا بكرهك، سامع، بكرهك. مراد

وصل لأعلى مرحلة الغضب: يضربها قلم. أول وآخر مرة تقولي فيها الكلمة دي، فاهمة. يارا بوجع وصوت مبحوح: هندمك على القلم ده، مراد، والله هندمك على كل حاجة. مراد: هششش، اسكتي بقى. ويخرج. مجهول 1: تمام يا باشا. مراد بتحذير: مش عايز أي غلط. مجهول 2: أوامرك يا بيه. بيت مراد. مراد يبتسم بسخرية: حماتي العزيز بنفسه هنا. بس غريبة، حسن باشا ما بيجيش غير لو فيه مشكلة. حسن بغضب: ازاي تسمح لنفسك تزعل بنتي؟

إنت مش عارف ممكن أعمل فيك إيه. مراد بزعيق: لا عارف، بسببك سبت أكتر بنت بحبها. فاليوم ده كنت ناوي أختار يارا، مش بنتك. حسن بسخرية: بس اخترت بنتي مقابل الفلوس. مراد: كان غلط. حسن بخبث: بس إنت وافقت من الأول، كان ممكن ترفض. مراد: وقتها كنت هتحسبني زي ما خلتني أتجوز بنتك، وإلا هتتسجن. حسن: خلاص الكلام خلص، بس اسمع يا مراد، لو فكرت تزعل بنتي تاني، اعمل حسابك هتندم جامد أوي. سلام يا جوز بنتي. عند يارا.

يارا بعياط: يارب اقف جنبي، ما ليش غيرك. مش عارفة إزاي حبيته، لأ، مش ده مراد اللي حبيته، مستحيل يكون هو. يقطع تفكيرها يدخل واحد من اللي خطفوها. مجهول يطلع عليها نظرات جريئة. يارا يبان عليها الخوف وتمثل القوة. مجهول: تعرفي إنك حلوة أوي. ويقرب منها. يارا تصرخ: اخرج بره حالا. مجهول: مش هقدر أخرج وأسيب الجمال ده كله. يارا بزعيق: لو قربت مني هموتك. مجهول يضحك بخبث: مش مهم عش... يقطع كلامه شخص. مجهول 2: يخربيتك، بتعمل إيه؟

لو مراد بيه عرف هيموتك. مجهول 1: هي جميلة أوي. مجهول 2: هشش، اخرس. ويشدو معاه لبره. يارا تاخد نفسها: الحمد لله. وبعد كام دقيقة تسمع ضرب نار. يارا بخوف تحاول تفك نفسها بسرعة. وفجأة حد يدخل عليها. يارا: انت مين؟ شخص: مش مهم دلوقتي. ويفكها. يلا تعالي معايا. يارا تطلع عليه بخوف: متخافيش، أنا عايز أساعدك. تعالي معايا وأنا هفهمك. يارا: للأسف معنديش حل غيرك. وتروح معاه. في العربية.

يارا: هتقول انت مين وعرفت مكاني إزاي، ولا تنزلني هنا؟ مش همشي معاك زي العامية. شخص: هششش، اسكت شوية. أنا آدم، بالنسبة لـ... عارف مكانك إزاي؟ المزارع اللي كنتي فيها، أنا بيتي جنبها. كنت جاي أغير جو شوية، وبعدها سمعت صوت حد بيصرخ، ولما قربت كان الصوت راح، بس شفت اتنين واقفين قدام المزرعة. يارا: لحظة بس، إنت موتهم؟ أنا سمعت ضرب نار. آدم يضحك: لا. آه، صح، تعرفي مين عمل فيكي كده؟ يارا بغموض: لا. آدم بشك: تمام، فين بيتك؟

يارا: بيتي... في سرها. لو روحت البيت ممكن مراد يجيبني تاني. آدم: روحتي فينا؟ يارا: هااا، مفيش، ممكن تليفون حضرتك أكلم حد من أهلي؟ آدم: أكيد، اتفضلي. يارا: تتصل على مصطفى. عند مصطفى كان في القسم. مصطفى بغضب: عايزكم تدوروا عليها، ومش مهم أي حاجة. ظابط: أستاذ مصطفى، اح... (يقطع كلامهم رنة تليفون مصطفى) مصطفى: يووه. ويقفل. كمل كلامك. ظابط: زي ما قلت لحضرتك، إحنا بنعمل اللي علينا و... مصطفى بغضب: هي مش ناقصة. ولسه هيقفل.

ظابط: لحظة، أستاذ مصطفى، رد. ممكن حد من اللي خاطفها، أو حد ممكن يساعدنا. مصطفى بتفكير: ممكن. ويرد. يارا بفرحة: مصطفى. مصطفى يقوم: يارا، إنتي كويسة، صح؟ فيكي حاجة؟ يارا: آه، في حد أنقذني، ممكن تيجي تاخدني؟ (يارا كانت بتتكلم مش واخدة بالها من الشخص اللي سرحان فيها) مصطفى: أكيد، إنتي فين؟ يارا: لحظة، هو إحنا فين؟ آدم بتوهان: هااي. يارا: إحنا فين دلوقتي؟ آدم: أحم، إحنا على طريق... يارا: ماشي. وتقول لمصطفى.

مصطفى: مسافة الطريق وأكون عندك. ويقفل. لازم أروح. وشكراً ليك. ويروح بسرعة. يارا تبتسم: اتفضل، شكراً. آدم بابتسامة: العفو. هو مصطفى جوزك ولا خطيبك؟ يارا: ولا ده ولا ده. وتغمض بتعب. آدم يطلع عليها ويسرح فيها. بعد فترة مش طويلة، أخيراً وصل مصطفى. مصطفى بشغف: يارا. يارا تفتح عيونها، مصطفى وتنزل تروح عنده. مصطفى يشدها لحضنه جامد: إنتي كويسة، صح؟ يارا تنصدم: وتبعد براحة. آه، كويسة. مصطفى: آسف، آدم. آدم واقف بضيق.

يارا: مصطفى، ده آدم، هو اللي أنقذني. مصطفى بغموض: شكراً ليك. يلا يا يارا. يارا بابتسامة: شكراً يا آدم، باي. آدم يبتسم: باي. في عربية. مصطفى: مين عمل فيكي كده يا يارا؟ وبلاش كدب. يارا بتوتر: هتساعدني آخد حقي؟ مصطفى: أكيد، أنا معاكي في أي حاجة. بس احكي لي كل حاجة. يارا تاخد نفس عميق: وتبدأ تحكي لمصطفى كل حاجة من أول جواز مراد من جنى لحتي خطفها اليوم. مصطفى بغضب: أقسم بالله هموته. يارا: عايزة انتقم منه.

مصطفى: هساعدك، بس قبل أي حاجة، لازم نعمل أهم حاجة عشان أقدر أحميكي. يارا بتعجب: إيه؟ مصطفى: نتجوز يا يارا. وقبل ما تردي، فكري كويس. لو اتجوزنا، مراد مش هيقدر يعملك حاجة، وهتكوني في بيتي وتحت حمايتي. يارا بتفكير: مفيش حل غير كده. مصطفى: لأ. يارا، إيه رأيك؟ يارا: ممكن تسبني أفكر. مصطفى: تمام. اعملي حسابك هتنامي في الفيلا عندي لحد بكرة. مش هقدر أسيبك لوحدك في بيتك، ومتخافيش، فيه حارس وبنتي والدادة.

يارا: تمام. وتطلع على شباك. مصطفى يطلع عليها بحب: آه صح، تليفونك. يارا تاخده: شكراً، كنت بحسب وقع مني هنا. مصطفى يكتفي بابتسامة. مصطفى بحب: يارا، اصحي. يارا بنعاس: ها. مصطفى: اصحي، وصلنا. يارا تفرك في عيونها: صحيت. وتنزل. مصطفى يضحك ويقول في سره: طفلة. تعالي يلا. ويدخلوا الفيلا. يارا معاهم. مصطفى: دي أوضتك، وده أوضة سيلا، وده أوضتي. لو في أي حاجة، خبطي عليا. يارا: ماشي، تصبح على خير. مصطفى: وإنتي من أهلي. ويروح.

يارا تبتسم: وتدخل. (تكون الأوضة كبيرة فيها حمام خاص وواسع، ألوانها بيبي بلو وبينك، وفيها دولاب كبير. يارا فتحته لقيت فيه هدوم كتير أوي ليها، وفيه سرير كبير لونه أسود وحاجة آخر حلاوة) يارا: تنام على السرير بتعب. أخيراً اليوم ده خلص. وتفتح تليفونها. تطلع على السقف وتفكر في كلام مصطفى. تنام من كتر التعب. تاني يوم الصبح، يوم مليان بالمفاجأت. مصطفى قاعد مع يارا. مصطفى: إيه رأيك؟ يارا: موافقة يا مصطفى.

مصطفى يبتسم بفرح: هكلم المأذون يجي ونكتب الكتاب على طول. يارا: يارب يكون ده الصح. مصطفى: المأذون وصل، يلا. ويمسك إيديها وينزل. مأذون يبدأ يكتب: امضي هنا يا أستاذ مصطفى، وإنتي يا مدام يارا، امضي هنا. مصطفى يبتسم: ويمضي. يارا تمسك القلم. مصطفى: يارا، مالك؟ يارا: ها؟ مفيش، همضي أهو. (يقطع كلامها دخول شخص) شخص: ازاي تتجوزي غيري، وإنتي مراتي أصلاً، يا مدام يارا؟ يارا بصدمة: إنت؟