رواية هو حقي أنا الفصل التاسع 9 - بقلم دينا رضا

اخر كلام عندي يا آدم، البنت دي تختفي نهائي. *** آدم يمسح على وجهه بضيق: يعني البنت اللي أنقذها واعجب بيها تطلع أكتر واحدة أختي بتكرها؟ بس خلاص، هي دلوقتي مراتي. يارا: قصدك على مين؟ آدم يلف لعندها: يارا. يارا: كنت بتكلم مين؟ آدم بهدوء: عادي، بتعملي إيه هنا؟ يارا: ممم، عادي، كنت بشوفك. آدم بخبث ويقرب منها: ليه بقى؟ يارا ترجع لورا بتوتر: أنا بس كنت... آدم يقرب: انتي إيه؟ يارا تخبط

في الحيطة وتطلع وراها: خلاص، مش عايزة... آدم يحط إيده على الحيطة: تؤ تؤ، قولي. يارا بتوتر: كنت جعانة. آدم بصدمة: جعانة؟ يارا: آه، جداً. آدم: ممم... هطلب أكلك. يارا تنزل من تحت إيده: شكراً. آدم: شكراً... تعالي. يارا: آه آه، وتجري على الأوضة. آدم يضحك: داده سامية، أنا رايح مشوار، خلي بالك من يارا. الدادة: حاضر. *** في مكان آخر... *كويس إنك جيت، كنت هكلمك تيجي يا آدم.* آدم يقعد: ناوية على إيه؟

*ولا حاجة، أهم حاجة عندي يارا تكون بعيدة.* آدم: ليه بالذات يارا؟ طيب مراد، عارفين ليه؟ أما مصطفى، ليه بقى؟ *عشان بحبه يا آدم، ارتحت؟ آدم بغضب: انتي مجنونة صح؟ *مجنونة ليه؟ عشان بحبه.* آدم بزعيق: آه يا حبيبة، عشان بتحبيه وهو جرحك زمان، فاكرة؟ *** فلاش باك في كافيه... مصطفى: حبيبة، عاملة إيه؟ حبيبة بحب: الحمد لله يا مصطفى، انت أخبارك إيه؟ مصطفى: الحمد لله، وبتوتر: كنت عاوز أقولك على حاجة. حبيبة باستغراب: اتفضل.

مصطفى: إحنا مش هينفع نكمل مع بعض. حبيبة بضحك: مصطفى، بطل هزارك البايخ ده. مصطفى: أنا مبهزرش للأسف، أنا محبتكيش وعمري ما هحبك، اتفضلي الدبلة أهي، انتي تستاهلي حد أحسن مني. ويمشي ويسيبها منهارة ومصدومة. *** باك حبيبة تغمض عيونها بحزن. آدم يحضنها: أنا آسف بجد، مش قصدي أفكرك ولا أزعلك. حبيبة تمسح دموعها: عادي يا آدم، مفيش حاجة... المهم لازم نخلي مراد يفضل مشغول في حوار يارا. آدم: تمام، سيبها عليا.

حبيبة تبتسم: كده تمام. مراد مشغول بتدور على يارا... آه صح، انت عملت إيه في مصطفى قبل ما يكتب الكتاب؟ يعني إزاي خدت يارا؟ إزاي؟ آدم بهدوء: بدأ يحكيلها. حبيبة بغضب: إيه؟ ضربت بالنار؟ آدم برفع حاجب: آه. وصوتك أوعى يعلى عليا. حبيبة: يووه... وتقعد. آدم بيأس: أنا ماشي يا حبيبة، أحسن، سلام. حبيبة تفتح الدرج وتطلع صورة مصطفى وتلمس وشه بحزن. *** مراد بغضب: اتجوزت؟ انتي مجنونة صح؟ جنا: تؤ تؤ، اتجوزت يا مراد، وسيبتكم.

مراد: اخرسي يا جنا. جنا: مش هسكت يا مراد... فرحانة فيك، وأنا شايفك ضعيف قدامي بالشكل ده. مراد: مش أنا اللي أكون ضعيف يا جنا، فاهمة؟ جنا بسخرية: لا، واضح انت... وتمسك رأسه. مراد باستغراب: جنا مالك؟ ويمسكها. جنا تتنفس بسرعة: م.. مش عا.. عارفة، دماغي... مراد بخوف: يشيلها، متخفيش، ويخدها المستشفى. *** يارا قاعدة وحاطة رجل على رجل، وفي قمة غرورها، ولابسة فستان أسود لحد الركبة، ورافعة شعرها لفوق. آدم يدخل: يارا، إن...

يطلع عليها بصدمة. يارا: عايز إيه؟ آدم باستغراب: بتكملي كده ليه؟ وإيه الفستان ده؟ يارا بملل: آدم، أنا زهقت بصراحة. آدم: زهقتي من إيه؟ مش فاهم. يارا: أفضل أمثل دور الضحية، أو البنت الغلبانة، والكل بيمثل عليها وهي زي الهبلة بتصدق. آدم: بس انتي مش كده. يارا تقف قدامه: فعلاً، أنا مش كده. ودلوقتي دوري في اللعبة اتكشف، ودلوقتي أقدر آخد حقي من أي حد أذاني... لو هتوصل لأذيتك انت أو أختك اللي بسببها اتجوزتني.

آدم ياخد نفس عميق: انتي مش فاهمة حاجة يا يارا. يارا: هشش، لا فاهمة ومن بدري، بس كنت عاملة نفسي هبلة ومش عارفة... أقولك على خبر أحلى؟ بدأت آخد حقي... خلاص. آدم يطلع عليها: قصدك إيه؟ يارا تبتسم بخبث: قصدي...