رواية حور عيني الفصل السادس عشر 16 - بقلم ريبو جودا

فى صباح يوم جديد، الكل قاعدين يتكلموا بصوت واطي. داخل عليهم مراد، سكتوا مرة واحدة. مراد باستغراب: غريبة، كنتوا بتتكلموا دلوقتي وسكتوا لما أنا دخلت؟ في حاجة ولا إيه؟ إنجلاء: كنا بنحسبك حور. مراد: طب وفيها إيه؟ ما هي حور. حورانية: أصل عيد ميلادها النهارده وكنا عاوزين نعملها مفاجأة. مراد باهتمام: طب هتعملوا إيه؟ الجارحي: وانت بتسأل ليه؟ هو انت من امتى بتهتم بالجات دي؟ مراد: احمم، عادي، مش بنت خالتي برضه.

وأكمل بحماس: هتعملوا إيه بقى؟ مليكة بضيق: تعالى اقعد وانت هتعرف. في غرفة حور، تقف أمام المرآة تنظر إلى نفسها. أخذت قرار أنها تروح للدكتور وتتعالج وتبدأ من جديد مع أرسلان. توجهت إلى الأسفل. شفتها أميرة وهي نازلة: رايحة فين يا حور؟ حور: رايحة الشركة، محتاجة حاجة؟ أميرة بحب: لأ يا حبيبتي، خدي بالك من نفسك، بس ابقي تعالي بدري النهاردة عشان عاوزاكي في حاجة. حور: تمام، يلا باي. توجهت حور إلى الدكتور عشان تشوف هتعمل إيه.

بعد نص ساعة، تجلس حور أمام الدكتور. الدكتور: بصي يا حور هانم، إحنا دلوقتي هنعمل لك تحليل وأشعات عشان نعرف إذا كان الورم دا خبيث ولا لأ، عشان أنا مقدرش أقولك تعملي حاجة ولا تاخدي كيماوي غير لما نحدد الورم نوعه إيه. حور: تمام. الدكتور: اتفضلي معايا عشان نعمل الأشعة. ذهبت حور مع الطبيب وعملوا الأشعة. حور: النتيجة هتظهر امتى كدا؟ الدكتور: بعد أربع ساعات على الأقل، تقدري تستني، أو لما تظهر نتصل بحضرتك. حور: تمام، شكراً.

مشى الدكتور، وحور حبت تروح الشركة لحد ما النتيجة تطلع. في قصر الألفي، الكل بيجهز لعيد ميلاد حور. جاسر وآية وأسر بيعملوا الزينة، ومراد ومليكة بيجيبوا تورته لحور. ونجلاء وأميرة وحنان حبوا إنهم يعملوا الحلويات اللي حور بتحبها. والجارحي وإبراهيم في المكتب. عند مليكة ومراد في العربية رايحين يجيبوا التورته. عم صمت في المكان. مراد حب يكسر السكوت ده ويتكلم. مراد: احمم، وانتي عاملة إيه في الكلية يا مليكة؟

مليكة: كويسة الحمد لله. مراد بمرح: على كده شاطرة ولا بتعيدي السنة زي أسر؟ مليكة بحماس وفخر: شاطرة، طب ده أنا بجيب كل سنة امتياز. مراد بإعجاب: جدعة والله. عند جاسر وآية وأسر. كان أسر واقف على السلم بيعلق الزينة، وآية بتساعده. جاسر وهو بينفخ في البالونة: يبقى أنا جاسر الألفي، آخرتي أقعد أنفخ بلالين كده. أسر بشماتة: أحسن عشان أنا متعلق كده، على الأقل انت قاعد. وبعدين بدل ما انت قاعد تندب كده، خلاص انت بس.