رواية حور عيني الفصل التاسع عشر 19 - بقلم ريبو جودا

لاااء حوور الكل اتجمع على صوت أميرة الجارحى بقلق: في أي يا أميرة؟ أميرة بصت على الجارحى بدموع: بنتي يا بابا، حور. الجارحى بستغراب: مالها حور؟ أميرة: الدكتورة دي بتقول أن بنتي أنا عندها ورم في المخ. الكل واقف مصدوم من اللي أميرة قالتُه. جاسر: أي اللي بتقولي دا يا أمي؟ في الأوضة اللي حور فيها، كان أرسلان واقف قدام حور اللي كانت لسه نايمة. أرسلان كان راح لحور لما أميرة كانت بتتكلم.

العيلة قعدت على الأرض جنب حور، كان بيبصلها و عينه بتدمع ومش عارف يمنع دموعه. بس دي حب عمره وكل حاجة ليه. هتمشي وتسيبه؟ مكنش متخيل إن يوم ما يرجع يرجع يلقيها كدا. مسك إيديها وطبع قبلة رقيقة عليها، ودموعه نزلت على إيدها واتكلم بصوت واطي: حوريتي، انتي مش هتسبيني وتمشي صح؟ مش بعد ما خلاص اتجمعنا سوا هتمشي وتسبيني كدا؟ أنا من غيرك ولا حاجة. أنا كنت...

أنا ما صدقت إني بقيت معاكي خلاص. انتي عارفة أنا لما كنت مسافر كنت بتابعك في كل خطوة. كنت باعت ناس تاخد بالها منك، كانت خايف يحصلك حاجة وأنا مش معاكي. كنت بحميكي في كل خطوة بتروحيها. متسبنيش بالله عليكي. حور كانت بدأت تفوق وحطت إيدها على شعره. أرسلان حس بيها وقام بسرعة وبصلها بقلق: انتي كويسة؟ فيكي حاجة تعباكي؟ أجيبلك الدكتورة؟ حور مسكت إيدو وقالت بصوت هادئ: متخافش، أنا كويسة.

وحاولت تقوم وأرسلان ساعدها وقعد جنبها وفضل باصص عليها بخوف إن يحصلها حاجة. حور مسكت إيدو: مالك خايف كدا ليه؟ أنا كويسة أهو مفيش حاجة. وكملت بمرح وحنان عشان تهديه: مالك؟ بس أول مرة أشوفك. كنت بعرف بس إمتى عندكوا. أرسلان بهدوء: انتي كنتي عارفة؟ بصتلو حور بستغراب: عارفة أي؟ أرسلان: أنا مش هعيد السوال تاني. انتي كنتي عارفة إنك تعبانة؟ حور فهمت هوا قصدُه أي بس كانت متوترة: مش فاهمه قصدك أي.

أرسلان ببعض العصبية: حور، ما تصعبيش. انتي كنتي عارفة إنك تعبانة صح؟ حور بدموع: آه، كنت عارفة. أرسلان بيحاول يهدى عشان ميخوفهاش: من امتى؟ حور دخلت في حضنه وبتعيط: من قريب. أرسلان كان لسه هيتكلم بس دخلت أميرة مرة واحدة. أميرة: حور حبيبتي. حور بعدت عن أرسلان وأميرة حضنتها: انتي كويسة ياقلب أمك؟ حور: كويسة يامي. مراد كان بيبص على أرسلان بغضب وغيره عشان كان شايف اهتمام أرسلان بـ حور وظهوره مرة واحدة وحور كانت متعلقة بيه.

مراد بغيره: وانت مين انت كمان؟ من ساعة ما جيت وأنت عمال تزعق وداخل وخارج في الأوضة عند حور، ولا كأنها بيتك.