رواية حور عيني الفصل الثالث عشر 13 - بقلم ريبو جودا

يتجمع الجميع حول مائدة الطعام ينتظرون حور. الجارحي: اطلعي يا سنيا شوفي حور ما نزلتش ليه. سنيا: حاضر. راحت سنيا تشوف حور ولم تجدها. سنيا للجارحي: حور مش فوق يا بيه. أميرة بخوف: أومال راحت فين؟ ممكن يكون حصل لها حاجة. نجلاء: أهدى يا أميرة، ممكن تكون راحت الشركة. أميرة لجاسر: اتصل بيها كدا يا جاسر. جاسر: حاضر. رن جاسر على حور، لقى الفون مقفول. جاسر: الفون مقفول. أميرة برعب: يا بنتي راحت فين؟

جاسر: طب استنى أرن على يارا يمكن معها. رن جاسر على يارا، ردت: ألو يا جاسر. جاسر: ألو يارا، حور معاكي؟ يارا: لاء ما شفتهاش النهار ده، في حاجة ولا إيه؟ جاسر ما حبش يقلقها: لاء ما فيش حاجة، كنت عايز أكلمها والفون بتاعها مقفول، قلت يمكن معاكي. يارا: لاء مش معي. جاسر: طيب باي. يارا: باي. أميرة: هتكون راحت فين يعني؟ الجارحي: أهدى يا بنتي، وجاسر ومراد وأسر هيروحوا يشوفوها فين، قوموا يلا شوفوا بنت خليتكم فين.

مراد قام: حاضر يا جدو. وقبل ما يخرج، كانت حور داخلة بس كانت بشكل جديد. أميرة جرت عليها: كنتي فين يا بنتي؟ حور: كنت بجيب. أميرة باستغراب: حد مين؟ دخل كل من إبراهيم وحنان ومليكة. إبراهيم: السلام عليكم ورحمة الله وبركاته. إبراهيم: إزيك يا بابا؟ الجارحي: وعليكم السلام ورحمة الله وبركاته، الحمد لله يا ابني، ما قلتش ليه محدش جابك؟ إبراهيم بحب لحور: حور جت خدتنا. الجارحي باستغراب: وحور عرفت إزاي؟

مليكة: أصل يا جدو أنا وحور كنا بنتكلم بعض على الفيس، وبقينا صحاب، وبعد كدا عرفت إنها بنت عمتو وأنا اللي قلت لها النهار ده. أميرة وقتها عرفت حور كانت عارفة إن الجارحي كان بيدور عليها إزاي. حنان: إزيك يا بابا عامل إيه؟ الجارحي بحنان عشان بيعتبر حنان زي بنته: كويس يا بنتي، يلا تعالوا استريحوا شوية. آية لحور: إنتِ ليه قصيتي شعرك يا حور؟ وقصيتي إمتى؟ إحنا إمبارح كنا شايفينك. أميرة: آه يا بنتي، ليه عملتي كدا؟

إنتِ كنتي بتحبي شعرك أوي. سرحت حور وافتكرت لما صحيت لقت شعرها وقع على المخدة وأنفها ينزف دم. فاقت حور على صوت جاسر: حور روحتي فين؟ حور بهدوء: عادي حبيت أغير. مليكة بمرح: ما زعلتيش عليه؟ دا أنا لما باجي أقص أطراف شعري بعيط. حور بشرود: ما أنا زعلت كتير، جت على دا يعني. ملور: مش فاهمة قصدك. حور: ما فيش حاجة. وبصت لأميرة: أنا هأطلع أغير وأروح الشركة. أميرة: مش هتفطري؟ حور وهي طالعة: هأفطر مع يارا.

كان يتبعها مراد بعينيه وكان حاسس إن في حاجة.