رواية حور عيني الفصل الثامن 8 - بقلم ريبو جودا

حور لـ أرسلان: اطلع الأوضة يا أرسلان. توجه أرسلان إلى الأعلى وهو ينظر ببرود. ينظر مراد والجارحي بذهول إلى ما يحدث. مراد للجارحي: هو ده بجد ولا بتهيقلي؟ الجارحي بفخر: دي حور، أتوقع منها أي حاجة. يلا يا حور عشان تيجوا معنا، البيت هينور بيكم. حور بنفس البرود: ومين قالك إننا هنيجي معاكم؟ الجارحي: يا بنتي والله كنا بندور عليكوا في كل حتة. حور بصت على أميرة، لقتها بتبصلها بتراجي إنها توافق.

بصت حور على الجارحي: إحنا هنيجي بس عشان خاطر أمي وشايفاها فرحانة بوجودك. وذهبت إلى غرفتها من دون سماع الرد. نظرت أميرة إلى الجارحي: معلش يا بابا، استحمل حور، هي والله طيبة بس اللي شافتُه مش قليل. تعالى استريح على بال ما حور تنزل. مراد بسخرية بصوت واطي: طيبة، آه والله، لأوريها على أهانتها ليه امبارح. الجارحي: سبيها براحتها يا بنتي، بس انتي كنتي فين كل ده؟ أميرة: هحكيلك بعدين يا بابا. نزلت حور هي وأرسلان.

مش يلا ولا إيه؟ هدوم حور. مراد بذهول: انتي هتجيبي الكان ده معانا في القصر؟ حور: الكان ده له اسم، وكمان أجيبه ولا لأ، انت مالك أصلاً؟ انت مين عشان تتكلم؟ مراد بغضب: لأ بقا، أنا سكت لك من بدري وانتي بتظيطي فيها. انتي متعرفنيش لسه.

حور ببرود: مراد محمد الجارحي، عندك 30 سنة، مشهور ببرودك وكمان سريع الغضب ومغرور، ده اللي بيبان لي الناس. واللي الناس متعرفوش إنك زير نساء، وأعرف حاجات عنك جدك اللي مربيك ده ما يعرفهاش عنك. تحب أقولك انت واكل إيه النهارده قبل ما تيجي؟ سكت مراد بغضب، لكن بيفكر لها في حاجة يعملها فيها يرد كرامته من تاني.

نظر لها الجد بفرحة إنها عرفت تقف قدام مراد اللي محدش بيقف قدامه وكل الستات بتحبه وبتتمنى نظرة منه. وفكر إنه يعمل حاجة. وخرج عن شروده وقال: طب يلا بينا بدل ما إحنا واقفين كدا. ذهبوا جميعًا إلى قصر الجارحي. واستقبلتهم نجلاء. أميرة أول ما شافت نجلاء جريت عليها، حضنتها بدموع: وحشتيني يا أختي، وحشتيني يا حتة مني. نجلاء ببكاء: انتي أكتر يا حبيبتي، أخيراً رجعتي. بعدت عنها نجلاء وبصت على جاسر وحور: ولادك دول؟

أميرة: جاسر وحور. راحت نجلاء عند جاسر وحضنتُه وسلمت عليه. وعند حور وحضنتها. حور كانت هتبعد عنها بس حست بالأمان وحضنتها. الجارحي: يلا، سنية هتعرفكم أوضكم فين ونتجمع على الغدا، وكمان تشوفوا أسر وآية.