رواية حور عيني الفصل التاسع 9 - بقلم ريبو جودا

على مائدة الطعام، يجلس الجميع يترأسها الجارحي وبجانبه حور، وعلى الجانب الآخر مراد وآية التي تعرفت على الكل، ونجلاء وأميرة وجاسر جنب حور. دخل أسر بمرحه المعتاد: يا جماعة يا اللي هنا، أنتم فين؟ نظر إلى حور: إيه الجمدان ده؟ ثم نظر إلى مراد: مين الموزة دي؟ نظرت إليه حور بقرف: هو ده أسر؟ أسر وهو يغمز لها: أوبا، أنتِ تعرفيني؟ هو أنا مشهور قوي كده؟ مراد بضيق: اترزع وبطل رغي، دي حور بنت خالتك. أسر بغباء: خالتي مين؟ مراد:

خالتك أميرة يا غبي. أسر بتفاجؤ: إيه ده! أنتم لقيتوها؟ نظر إلى حور: وبعدين أنا حاسس إني شفتها قبل كده. حور بغرور: حور الألفي، أكيد سمعت عني. أسر بذهول: أنتِ صاحبة شركات الألفي جروب؟ حور بغرور: آه. مراد بضيق: ما خلاص تعارف بقى، وبعدين سلم على خالتك. أسر بحرج: إزيك يا خالتو؟ أميرة بحب: الحمد لله يا حبيبي. أسر لجاسر: ومين الشبح؟ جاسر بمرح: بيقولوا ابن خالتك. أسر بمرح: باين علينا هنتفاعل مع بعض.

بعد شوية، الكل قاعد في غرفة الجلوس يشاهدون التلفاز. تم القبض على رجل الأعمال يوسف الأنصاري بتهريب المخدرات خارج البلاد. أميرة بصدمة: هو اللي سمعته ده بجد؟ الجارحي باستغراب: في إيه يا بنتي؟ أميرة نظرت لحور: أنتِ ليكي دخل في اللي حصل ده يا حور؟ حور ببرود: أنا ما عملتش حاجة، أنا رحت قدمت للبوليس ورق وصور ليه، وهم قاموا بالواجب. أميرة بعصبية: وأنتِ إيه اللي دخلك في الكلام ده؟ عايزة تجيبي لنفسك مشاكل وخلاص. حور بحدة:

أومال أسيبه يضرب علينا نار وكان هيموتك؟ وأسيبه؟ ذهبت حور قبل ما أميرة تتكلم تاني. الجارحي بحدة لأميرة: اقعدي فهميني كده في إيه، وأنتِ تعرفي يوسف الأنصاري منين، وإيه دخله بيكو؟ أميرة بقلة حيلة قعدت: يوسف كان جوزي وأبو حور وجاسر اللي أنتَ طردتني بسببه. الجارحي بصدمة وغرابة: نعم! إزاي ده؟ في مكان تاني، تجلس حور تبكي ويرقبها أحد. تقدم نحوها مراد: حور، أنتِ بتعيطي؟ مالك؟ حور قامت مسحت دموعها: أنتَ مالك؟

وإيه اللي جابك هنا؟ مراد: كنت بتمشى و.. شفتك. مالك؟ لو حابة تتكلمي أنا موجود. حور انفجرت في العياط، صعبت على مراد وخدها في حضنه. حور بانهيار: أنا تعبت قوي. انهارت في العياط ومراد بيمسح على شعرها لحد ما بعدت ومسحت دموعها وتكلمت بجمود: اعتبر إن ما حصلش حاجة، أنا بس كنت مخنوقة. مراد ما حبش يضغط عليها واتكلم بحنان: براحتك، وأنا موجود لو عايزة تتكلمي. هناك من يراقب من بعيد ويشعر بالغيرة.