رواية حور عيني الفصل الثاني 2 - بقلم ريبو جودا

جاسر: الحمد لله إن مفيش حاجة، طب أنتي فين كده؟ حور: أنا في الشركة بخلّص شغل. جاسر: تمام، هخلّص وأجي آخدك. حور: تمام يا حبيبي، يلا باي. جاسر: باي. أغلقت الهاتف ونظرت إلى الأوراق بتعب، وبدأت تشتغل. لقت حد بيفتح الباب جامد وبينادي عليها: حووووووور! حور ببعض الضيق: إيه يا بقرة أنتي، في حد بيدخل كده؟ رنا بابتسامة بلهاء: أنا. حور ببرود: طب اخرجي زي الشاطرة كده وقفلي الباب وخبطي ومتدخليش غير لما أقولك. رنا

بنفس الابتسامة البلهاء: دانا اللي عملت كده. حور: أيوه، ويلا كده عشان ورايا شغل. رنا بنفخ: حاضر. خرجت وقفلت الباب، وخبطت لحد ما سمعت صوت حور وهي بتقولها: ادخلي. دخلت رنا وهي بتقول: ربنا على المفتري، صحبتك إزاي أنا مش عارفة. حور ببرود: بتقولي حاجة؟ سمعيني عشان مش سامعة كويس. رنا بسرعة: ولا حاجة يا باشا. حور: خير، كنتي عايزة إيه؟ رنا: أبدًا، كنت بشوفك اتأخرتي ليه النهاردة.

حور: كنت عند الدكتورة بكشف عشان دماغي اللي بتوجعني دي، وقالتلي عندك إرهاق بس مش أكتر. رنا: طيب ما كنتيش جيتي النهاردة وخلاص؟ حور: عادي، هخلّص شوية الورق اللي قدامي دول على السريع وأروح. رنا: أشطا، أسيبك بقى وأروح أشوف أنا بعمل إيه، باي. حور: باي. عند مراد وهو داخل الشركة بهيبته المعروفة وأسر جنبه بيعاكس البنات. مراد وهو بيبص بطرف عينه على أسر: امشي وأنت ساكت وبطل فضايح بدل ما أجي أموتك.

أسر: إحم، خلاص أهو، المفروض يكون في احترام أكتر من كده. نظر إليه مراد بسخرية ودخل المكتب. مراد: قولي، عملت إيه مع الشركة اللي المفروض نتعاقد معاها؟ أسر: لسه هكلمهم أهو ونتفق على ميعاد الاجتماع. بس قولي، لقيتها؟ مراد بشرود: لأ مش لاقيها، واللي هيجنني إني دورت في كل حتة، مسبتش حتة مدورتش فيها في البلد اللي سافرت فيها.