رواية حور العاصي الفصل الرابع عشر 14 - بقلم ولاء ابراهيم

يا حور يلا هنتأخر، كل ده بتجهزي؟ بموت وأعرف ليه البنات بيتأخروا في اللبس كده. وبعدين انت قافلة الباب ليه؟ (قاطعته حور عندما دلفت بجمالها الساحر) حور: في إيه يا عاصي؟ ماتخلي عندك صبر شوية. انت واقف متنح كده ليه؟ اقفل بوقك. عاصي بانبهار: انتِ مين وفين حور؟ (عمال يتلفت حواليه) حور بضحك: انا أهو والله. هو انا لدرجة دي حلوة؟ عاصي بغضب: لا زفت ووحشة. ادخلي غيري الارف ده. حور بصدمة: اومال مين اللي كان مبهر من شوية؟

عاصي بعند: قولت ادخلي غيري. احنا مش رايحين ك*باريه. (حور كانت لابسة فستان جميل جداً وطويل، ضيق من فوق وواسع من تحت وعاري من الكمام، وفاردة شعرها وحاطة أحمر. كانت قمر قمر يعني) حور بعند: وانا مش هاغير حاجة. ولّي عندك إعمله. عاصي بغضب جذبها من خصرها نحوه: انتِ ليه بتتحديني يا حوور؟ انتِ عايزة الناس تتفرج عليكي وانتِ كده. إفهمني. مستحيل استحمل إن أي حد يبصلك نظرة.

حور: والله يا عاصي مش قصير ولا حتى عريان. وبعدين ده مش فرح واحد صاحبك. المفروض أكون حلوة صح؟ عاصي: حلوة بس ليا أنا، مش للناس. حور مزّت شفتيها لقدام وبزعل: خلاص روح انت، أنا ما جايه. (وفكت حصارها منه) عاصي ندهلها: حوور خلاص هنروح بس. (قلع الجاكت ولبسهولها) كده هيبقا كويس وهنروح. حور حضنته: شكراً أوي. عاصي: لسه في حاجة كمان. حور بإستغراب: إيه تاني؟ عاصي: ده. (وشاور على شفتيها وجاب منديل وقعد يمسحلها)

حور بخجل: هات وأنا أمسحه. خلاص بقى. عاصي: هشششس. وبعد شوية كده تمام، يلا. (في العربية) حور: هو اه صحيح، إيه المفاجأة اللي قولتلي عليها امبارح؟ عاصي وهو مركز في الطريق: هتعرفيها بعدين يا حوري. حور: ماتقولها دلوقتي أحسن. عاصي: ولو قولتلك مش هتبقى مفاجأة. حور بنفخة: هوووووووف. بارد. عاصي: حوووور. حور بخوف: خلاص خلاص. سكت. ــــــــــــــــــــــــــ على الناحية الأخرى عند أدهم ـــــــــــــــــــــــــــ

نور: أدهم هو انت دلوقتي هتعمل إيه؟ هتواجه حور امتى؟ أدهم بشرود: النهارده في فرح معاذ، بس مش على أساس أخوها، على أساس إن صاحب عاصي. وبعدها لو في وقت أقولها هاقولها. نور: فعلاً كلامك صح. وأنا متشوقة جداً أعرف مين هي حوور. أدهم: هتعرفيها يا قلبي. يلا عشان منتأخرش. ــــــــــــــــــــــــــ عند عاصي ــــــــــــــــــــــــــــــــــــــــــــــ

كانوا وصلوا وراحوا سلموا على العروسة والعريس. وحور رايحة قاعدة بعيد شوية على ما عاصي ييجي. عاصي بغمزة: والله وعملتها يا شق. معاذ: منتا عملتها انت كمان ومحدش سمي عليك. عاصي: أهو قرك ده جايبني لورا. أبو الصحاب مبروك. معاذ: ادهمي الله يبارك فيك. عقبال عيالك. عاصي بقرف: يا مفرق الـ جمعات انت. اوعى كده. أدهم: إزيك يا عاصي. (وعانقهم) معاذ مقاطعة: اللي قولي يا عاصي انت اتجوزت إزاي ومنعرفش. عاصي: زي الناس يا خوي.

وبعدها اردف: هبقى أحكيلك بعدين. ده الليلة ليلتك يا عم. عند حور كانت قاعدة لوحدها تنظر لـ عاصي بحب. ممكن أقعد معاكي شوية؟ حور بصتلها: طبعاً اتفضلي. أنا نور. حور: وانتِ؟ نور: اخت ادهم. حور بصدمة: انت انت تعرف أخويا ادهم.