رواية حور العاصي الفصل السابع والعشرون 27 - بقلم ولاء ابراهيم

عاصي بغضب شدها وزقها على السرير وهو فوقيها وبغضب: كنت بخونك يا أحور ارتحتي بقا. أحور بدموع ضربته في صدره جامد: انت إيه يا أخي مش بتحس نهائي. جبروت وقلبك ده إيه جبروت. وببكاء: ابعد عني بقا انا بكرهك. عاصي دفن وشه في رقبتها والكلام ولا أثر معاه وبيـبوسها وبس. حور ببكاء هيستيري: ابعد بقا ابعد حرام عليك انت إيه مش بتحس. اااه تألمت لما عاصي ضغط على خصرها جامد.

عاصي بعد بغضب: انا راجل وأقدر أعمل اللي يعجبني فاهمه ومش هتغير وهتعيشي معايا كده. حور خلاص جابت أخرها وبضعف: انا خلاص مش قادرة أكمل معاك. طلقني وسبني في حالي بقا. عاصي بعصبية شدها عليه: مستحيل اطلقك مستحيل. ما تجيبش السيرة دي تاني. انا بحبك يا حور صدقيني. حور بعدته بعنف: ما خلاص بقا السيناريو الكداب ده حفظته خلاص.

وبإنهيار: كنت متجوز عليا وسكت. عرفت بنات قبلي كتير وكدبت عليا كذا مرة وكنت بسكت واقول بكرة يتغير. بس انت انت إيه شيطان تخووني أنا. تيجي تقولي بحبك وبموت فيكي وتاخد اللي يرضي شهوتك وبس. وأنا زي الهبلة أجري لحضنك؟ بس دلوقتي لا خلاص كل حاجة بانت. أنا اللي كنت عامية ودلوقتي معادش قادرة أعيش معاك. طلقني يا عاصي وريح نفسك وريحني. عاصي: حور انا انا أسف. حور: انتـ

قاطعها رسالة على تليفونها ففتحتها إنصدمت من اللي شافته. نظرت لعاصي نظرة كلها حقد وكرة شديد. عاصي استغرب من نظرتها فشد الفون منها فدااس على سنانه بغل. حور بكل الكرة والحقد اللي في قلبها المكسور ضربته بالقلم: أنا مشوفتش أحقر منك وأزبل منك. لو راجل طلقني ودلوقتي حالا فاهم. عاصي مسك إيده بالعافية وأخيرا نطق: انتي…. *** في بيت نورسين.

ابتسمت بنصر: وأخيرا دلوقتي بعت الصور كلها وعلاقته هتتدمر وعاصي هيرجعلي من تاني. هروح أحتفل بقا. لبست وركبت وراحت النايت كلاب تحتفل بأنها تنتصر. لكن للقدر رأي آخر يا عزيزي. *** في غرفة تالين وهادي. تالين بقلق: انت مش سامع الزعيق يا هادي قوم شوف إيه؟ هادي وهو نايم على السرير: بت اتخمدي نامي مش فايقلك أنا جاي من الشغل عايز أنام. وبعدين مش معنى انتي اللي سامعة. تالين قربت

منه وربعت إيديها وبعصبية: انت معندكش دم ليه بذمتك مش سامع إن في زعيق. ما سمعتش صوت أخوك وحور مراته شكلهم بيتخانقوا. هادي ببرود: واحنا مالنا. وبخبث شدها ووقعت في حضنه: سيبك منهم هما خليكي معايا انتي بس. تالين بمجرد ما بصت في عيونه تااهت وبصتله بحب ونسيت العالم كله حواليها.

أما هادي هو كمان تاه في جمالها وقرب أكتر منها عايز يبوسها ويقرب أكتر. هو بيحبها نعم أحبها بل عشقها وعشق مشاغبتها. اعترف إنه يحبها وسوف يحصل عليها قريبا وتصير زوجته فعلا وأمام الناس. لسه رايح يبوسها الصوت زاد وتالين فاقت فزقت هادي بسرعة وعدلت هدومها بتوتر. هادي: عليا الطلبات انتي مراتي مش شاقطك أنا. تالين: سيبك من الكلام ده تعالي نشوف في إيه. وطلعوا. *** في بيت أدهم.

أدهم بخوف: أنا برن على عاصي بقالي ساعة مش بيرد يا نور أنا خايف قلبي مش مطمن. نور بهدوء: اهدي يا أدهم تفاءل كده. أدهم بتوتر: لا أنا هروح لهم بقا مش مطمن. نور: طب استنى البس وأجي معاك. أدهم بتوتر: بـسـرعة على طول. بعد وقت. نور: اهدي يا أدهم بقا هنعمل حادثة كده. أدهم: أنا خايف ليكون حد جراله حاجة. محدش بيرد على تليفونه حتى حور تليفونها مغلق. نور بإقتراح: ما يمكن الشبكة وحشة. أدهم: يا رب يا رب يا نور. ***

حور بحدة: طلقني يا عاصي لو راجل طلقني. انت خاين ومستحيل أعيش مع واحد خاين وبيرضي شهواته وبس. شوية وتالين وهادي جم وأنصدموا لما عاصي ضرب حور بالقلم. حور والدموع في عينيها: بكرهك. عاصي: وإنتي طالق.