رواية حور العاصي الفصل الثالث والعشرون 23 - بقلم ولاء ابراهيم

أدهم: ممكن أعرف بتهمة إيه يا حضرة الظابط؟ الظابط: بتهمة التعدي على بنت المستشار محمد خليفة. أدهم: تمام، أنا جاي معاكم بس دقيقة واحدة. دخل لـ نور اللي سمعت كل حاجة وكانت بتبكي. أدهم أخدها في حضنه: هش، بس يا حبيبتي. دموعك دي بتقتلني والله. نور بدموع: ماتسبنيش يا أدهم. أدهم: يا نور يا حبيبتي افهمني. ساعة كده وهاجي على طول. مشكلة تافهة وهحلها، ماشي يا قلبي. نور بشهقات: بس مين البنت دي؟ وليه رفعت عليك قضية؟

أدهم بشرود: هبقى أحكيلك بعدين يا حبيبتي. أوعي تفتحي لحد غير لما أجي. خلي بالك من نفسك. ومشي مع القوات. شويه وحور وعاصي وصلوا من بعد ما أدهم مشي على طول. عاصي قعد يرن يرن لحد ما نور فتحت ودموعها مغرقة وشها. حور أخدتها في حضنها من بعد ما شافتها كده: مالك يا نور يا حبيبتي؟ فيكي إيه؟ عاصي بقلق: فين أدهم؟ نور بشهقات: أدهم الشرطة قبضت عليه. في قسم ** بسرعة روح له، أرجوك هات لي أدهم. حور بصت لـ عاصي: عـ...

عاصي رجعلي أخويا من غير أي خدش. عاصي: ما تقلقوش، هـرجعه سليم. ده أخويا قبل ما يكون صاحبي. نور بصت لـ حور باستغراب: هو انتِ؟ حور: أيوه، عرفت إن أدهم أخويا وانتي مرات أخويا القمر، صح؟ نور حضنتها: انتي جميلة أوي يا حور. مبسوطة إننا هنتقابل كتير تاني أوي. حور: إن شاء الله. بقولك كده تعالي نقوم نصلي ركعتين عشان يجوا الاتنين سالمين. نور بحزن: يلا. والاتنين اتوضوا. نور لبست إسدال وجابت إسدال لحور من عندها وبدأوا في الصلاة.

عند أدهم كان قاعد مع الظابط. وشويه وعاصي جه وراه. أدهم: عاصي، انت جيت امتى؟ عاصي: إحنا كنا جايين أصلاً أنا وحور. وإزاي ما تقولش على حاجة زي دي؟ أدهم اتوتر جامد ومش عارف يرد. عاصي حط إيده على كتفه: ما تقلقش، هتطلع منها. وبص لـ الظابط: فين البنت اللي بلغت؟ البنت دخلت بهيبتها وثقتها في نفسها وبكل جمود: أنا هنا. أدهم بص لها بغضب. الظابط: هي دي البنت يا عاصي بيه. عاصي بص لها بقرف ورجع بص لـ الظابط: ممكن أقعد معاها شوية؟

مش هتأخر. الظابط: تمام، اتفضل. وأدهم واقف هايموت يجيبها من شعرها والشرر باين من عينيه. عاصي: انتي عايزة كام من الآخر؟ البنت قربت من عاصي بمياعة ومشت إيدها على صدره: انت عارف أنا عايزة إيه كويس يا عاصي. عاصي بعدها عنه: تمام أوي يا نور سين. هااعملك اللي انتي عايزاه، بس تطلعي منها أدهم ومالكيش دعوة بيه. فاهم؟ نور سين بشغف: وأنا أعمل أي حاجة عشانك وانت عارف كده كويس.

عاصي ساعتها مش قادر يصبر أكتر من كده. كان عرقان مية من كتر السخونة وعايز أكتر بس مش قادر. مش عايز يخون حور تاني ومستحيل واحدة تأثر عليه كده غير حور بس. نور سين مش زي أي بنت. دي أجمل وأحلى بكتير. عاصي فاق وبعد نور سين بسرعة. والعسكري دخل بس كان حاطط وشه في الأرض. نور سين نظرت للظابط وغمزت له. نور سين ببراءة: حضرتك أنا بتنازل على المحضر. الظابط: تمام، تتفضلوا تمشوا بقى انتوا. أما انتِ هتفضلي هنا شوية.

أدهم وعاصي مشيوا. وأدهم مش فاهم حاجة من كل ده. بس قبل ما عاصي يمشي، نور سين حطت ورقة في جيب عاصي وغمزت له من غير ما حد ياخد باله. نور سين قربت من الظابط على الكرسي وبصت له بشر: عايز حاجة مني يا حضرة الظابط؟ الظابط بخوف: لا لا، اتكلي على الله. نور سين ببراءة خبيثة: طيب، شكراً ليك جدا. الظابط وهو بيفك أزرار قميصه وبتنهيدة: أوووف، يخربيت كده. عند عاصي وأدهم في العربية. أدهم: الا قولي ياعاصي، هي إزاي وافقت تتنازل؟

عاصي ببرود: مش شغلك. وبعصبية: إزاي البنت دي قابلتك؟ احكيلي كل حاجة حصلت، وإياك تكذب. فاهم ولا لأ؟ أدهم بتوتر: هااقولك. بس نزلني هنا على أي كافيه نقعد نتكلم الأول. عاصي: ها، احكيلي بقى.

أدهم: كانت هتبقى شريكة في شركتي، واتقابلنا كتير. وبتوتر وبصراحة، أنا أنا أول ما شفتها انبهرت بحلاوته وجمالها وكنت معجب بيها، فـ حاولت أقرب منها كتير، بس مش عارف. كان بتبقى حاجة جوايا مانعاني. في تاني يوم لقيتها رافعة قضية، وانت عارف الباقي بقى. عاصي بغضب: وانت إزاي تسمح لنفسك تقرب منها؟ انت مش عارف نور لما تعرف هيحصلها إيه؟ أدهم: منا والله ماكنتش في وعيي. بعمل حاجات بستغرب نفسي منها. عاصي: بقالك قد إيه كنت معاها؟

أدهم: 3 أيام. عاصي: وما قلتش حاجة زي دي ليه؟ قوم يلا نروح، زمانهم قلقانين. نور أول ما شافت أدهم جريت عليه وحضنته جامد. وكمان حور كانت بتبكي وجريت لحضن أدهم. حضنته، بس بعد ما نور بعدته طبعاً. عاصي هيموت من الغيرة. أدهم بحب: حور حبيبتي، أخيراً. واحشتيني أوي يا غالية. حور ببكاء: انتي أكتر يادومي. واحشتيني أوي. عاصي بغيرة شدها من حضن أدهم: مش كفاية بقى ولا إيه؟

كلهم ضحكوا وقعدوا مع بعض وسهروا لحد 11 بليل. وعاصي أخد حور وروحه. في غرفة عاصي. حور وهي بتخلع الجاكت لعاصي: مين البنت اللي رفعت القضية على أدهم يا عاصي؟ عاصي غير الموضوع: النتيجة هتطلع بكرة. حور: ااا... قاطع كلامها لما لاقت ورقة: إيه الورقة دي؟ عاصي بعد ما افتكر إن نور سين هي اللي ادتهاله أخدها منها. سيبك من الورقة: انتي واحشاني أوي. بقالك فترة بعيدة عني. وأخدها لعالمه الذي لا يوجد فيه إلا العشاق.