رواية حور العاصي الفصل الثلاثون 30 - بقلم ولاء ابراهيم

حور ابتسمت بسخرية: هه عاصي عاصي مين لاتكون مفكر إن لسه في مشاعر ليا؟ عابد: ما اتحولش تخبي ياحور. حور بصتله بوجع: وأنا قولتلك عاصي انتهى من حياتي. عابد مسك إيدها: وأنا حياتك ياحور أوعدك ها أعوضك عن كل حاجة شوفتيها. حور شالت إيدها من إيده بتوتر: إن شاء الله. وبعدها أردفت: كفاية بس إنك أنقذتني من الشارع أنا وابني واتجوزتني وانت حتى مش مضايق إنك ما أخدتش حقوقك. أنت نعمة بجد وبتمنى تلاقي البنت اللي تحبك بجد. عابد بهيام:

أنا خلاص لقيتها. حور اتوترت من نظارته ورجعت تحضر الأكل. *** هادي: أيوه ياعاصي…… لا إحنا لقينا الملف…… شوية وهتلاقيه عندك مع السكرتير…… تمام مع السلامة. تالين حضنته: وحشتني أوي. هادي لف ليها وحضنها بحب: أنا آسف يا عمري إني بعيد عنك الأيام الشغل كان كتير. آسف. تالين قاطعته لما حطت إيدها على شفايفه: هش ماتقولش آسف دي تاني. أنت كل حياتي يا هادي. بحبك أوي يا سندي ويا عوضي من الدنيا. هادي بكل حب:

وأنا بعشقك يا أجمل هدية ربنا ادهالي. وبخبث: البنت تسنيم نامت. وغمزلها. تالين بضحك ضربته على صدره: هتفضل سافل طول عمرك. هادي: ومافيش أحلى من كده. تالين بصتله بتردد: هادي. هادي: قلبه وعقله وكل حاجة حلوة. تالين: هو هو ماتعرفوش حاجة عن حور؟ هادي اتنهد: لسه سنة عدت ومحدش يعرف حاجة عنها. حتى حتى عاصي سكت. وأنا خايف من بروده ده. مبقاش عاصي اللي نعرفه. اتغير. اتغير من بعد ما حور مشيت. بس مش عارف دماغه فيها إيه. تالين:

أنا متأكدة إن حور هترجع وهترجع أقوى. وبعصبية: أخوك هو الغلطان. خانها يا هادي. والخيانه صعبة. وده بصراحة حقها. الخيانة هي نقطة ضعفها وده حق من كرامتها. عشان الراجل اللي يجرح المرأة وبذات الخيانة بيتهان وبيتهان قوي كمان. فماتستهونش بالمرأة. إحنا آه ضعفاء في المشاعر بس أقوياء في قلوبنا. هادي حضنها: وأنا معاكي في كل كلمة. وعاصي ندم بجد. بس مش عارف هو عمل كده ليه. وبعدها أردف بخبث:

وبعدين إحنا هنفضل نتكلم كتير. تعالي أما أقولك كلمة سر. تالين بدلع: وإيه هي كلمة السر بقا يا سي هادي؟ هادي صفر: حلاوتك يا مدلع. وغمزلها. ماتيجي ونجيب مليجي. تالين: أنت…. هادي: هش. ولسه راح يقرب يبوسها اتفزع لما الباب اتفتح بسرعة وبنته دخلت. هنا وهي بتفرك في عينيها ببراءة: ماما. تالين ضحكت على هادي وشكله وقربت من بنتها: مالك يا روحيه؟ هنا ببراءة: حلمت حلم شرير وأنا خايفة. تالين شالتها:

خلاص الحلو ينام معانا. تعالي يقلب أمك. هادي فتح بوقه: تنام مع مين لمؤاخذة؟ تالين وهي بتاخد هنا في حضنها وحطت الغطا عليهم: معانا يا حبيبي. مش دي بنتك برضو. هادي: لا ده أنا شاطها من قدام جامعتي. تالين ضحكت: تصبح على خير بقا. هادي راحلها ونام جمبهم وخدها في حضنه: وإنتي من أهل الخير يا روحي. وغمزلها: هتتوعضي قريب بس ماتجيش تشتكي في اللي هيحصل معاكي. تالين بخجل: قليل الأدب. هنا بإنزعاج: عايزة أنام ياناس. عندي حضانة.

تالين وهادي ضحكوا. هادي مع نفسه اتنهد بحب وبص لعائلته الصغيرة الجميلة: ربنا يديمكم في حياتي. *** في النايت كلب. كان عاصي قاعد ماسك كاسة وقاعد بكل برود. ونورسين جنبه. نورسين: ما تقوم نرقص يا بيبي. عاصي ببرود: ماليش مزاج. نورسين بجرأة حطت إيدها على صدره: طب مالكش مزاج في حاجة تانية خالص. وباسته من خده. عاصي مسك إيدها جامد وطلع بره. نورسين: مالك يا بيبي؟ عاصي مسكها من إيدها ولفها ورا ضهرها بغضب:

مش هنخلص من أم اللعبة دي ولا إيه؟ نورسين بألم: إيدي ياعاصي. آآه. عاصي سابها بغضب: وجعك مش قد الوجع اللي في قلبي. ارحميني بقا. أنا تعبت منك ومن أفعالك. نورسين ببرود: اللعبة ما خلصتش وهتفضل معايا دايما. حتى لو محصلش حاجة ما بينا. وبحب: افهم بقا أنا حبيتك قبلها. عاصي: الحب مش بالعافية. إنتي عايزة تمتلكيني وبس. افهمي. ده. نورسين: لسه بتحب حور برغم إنها اتجوزت غيرك. عاصي:

أنا مش بس بحبها. أنا بعشقها يا نورسين. نفسي ترجعلي تاني. والله ها أعوضها عن كل حاجة حصلت معاها. حتى لما اتجوزت غيري أنا متأكد إنها بتحبني وهترجعلي. أنا متأكد. أنا عرفت اللي اتجوزت من 6 شهور كده وراقبتها فترة وكنت هظهرلها. بس شفت عينيها كان كلها حب وشوق ليا. بس من الوقت ده وأنا مشوفتهاش. اختفت ودورت كتير مالقتهاش. بس لسه عندي أمل إنها هترجع لقلب عاصي. نورسين: لدرجة دي بتحبها؟

طب ليه ما فكرتش إن يمكن حصل حاجة بينها وبين جوزها؟ يمكن تكون حبته؟ عاصي قلبه دق جامد وبعصبية وهيجان: لا لا مستحيل. أنا عارفها. هي هي بتحبني أنا وبس وهترجع. أنا متأكد. هترجع لحضني من تاني. نورسين بألم:

وأنا مستعدة أساعدك من تاني إن إحنا نلاقيها. أنا آسفة عن كل حاجة صدرت مني يا عاصي. أنا السبب في بعدك عن بعض وعملت ده كله عشان تحميها. ولما كل حاجة خلصت لازم ترجع وتلاقيها. وأنا معاك يا عاصي. هتتجمعوا تاني. هترجع لحضنك من تاني. عاصي بدعاء ودموع: ياااااارب يااااارب. وبصوت مبحوح: حووووور. *** عند حور كانت قاعدة ومنيمة بنتها في حضنها وبتلمس على شعرها بحنان. اتفاجأت لما لاقت دموعها نازلة لوحدها وقلبها دق جامد.

مسكت قلبها وقالت بوجع: عااصي. عابد خبط على الباب. عابد دخل: هي تسنيم نامت أخيرا؟ حور اتنهدت: الحمدلله. عابد: هننزل مصر بعد بكرة. عايزك تكوني جاهزة. حور اتصدمت: هـ هننزل؟ هو هو؟ عابد قرب منها واخد تسنيم في حضنه ومشي بيها وبغموض: أيوه هننزل. حور بإشتياق: معققووول هشوفك يا عاصي بعد كل ده؟ لا لا مستحيل. بس بس ليه لا؟ هو ليه الحق في بنته. لازم يعرف إن عنده بنت. بس يا ترى رد فعله هيكون إيه لما يعرف إن اتجوزت؟ بس وهو ماله؟

دي حياتي. هو طلقني يبقى أنا حرة. وأنا بقا لما أرجع هربيه من أول جديد. وبشررر. "هرجعلك يا عاصيي" بس هرجع حور القوية. هندمك على كل دمعة نزلت مني. هندمك على بعدك عني. كل ده وما حاولت تدور عليا. مسحت دموعها واتصلت بمجهول. حور: واااحشتينيي يا أدهم أوي.