رواية حور العاصي الفصل الحادي والثلاثون 31 - بقلم ولاء ابراهيم

حور بحب: واحشتيني أوي يا أدهم. أدهم: حور، انتي فين يا قلبي؟ طمنيني عليكي. حور بحزن: أنا هرجع يا أدهم. أدهم: هترجعي؟ طب طب... حور قاطعته بقوة: هرجع عشان بنتي وبس، وعشان مش عايزة أبعد بنت عن أبوها. أدهم: منتظرك يا غالية، ومعاكي وفي ضهرك. حور: ربنا يخليك ليا يا سندي، انت الوحيد اللي كنت معايا في كل حاجة، انت أجمل أخ في الدنيا. أدهم: يديمكِ في حياتي يا رب، وأقدر أعوضك وآخد حقك من اللي آذاكي. حور: أدهم، قولي عاصي هو هو؟

أدهم: كويس يا حور وعايش، بس هقولك هو بيحبك يا حور، وبكرة تتأكدي بنفسك. حور بتوتر: طب أنا عايزة أنام، هكلمك بكرة. وقفت. وقتها قلبها دق جامد ودموعها نزلت بوجع، فضلت تبكي كتير أوي، وفضلت كده أكتر من نص ساعة، قامت اتوضت وصَلت ركعتين وإشتكت لربنا كتير أوي، وبعدها نامت بكل راحة وطمأنينية وعرفت هي هتعمل إيه. *** عند أدهم. نور: كلمت حور؟ أدهم: أه يا حبيبتي، كلمتها وهترجع. نور: تفتكر لما يقابلوا بعض إيه اللي هيحصل؟

أدهم بشرود: مش عارف، مش عارف يا نور، ربنا يستر. نور حضنته جامد أوي وبصتله: هو انت ممكن تخوني في يوم يا أدهم؟ أدهم رفع حاجبه بإندهاش: في إيه يا نور؟ هنرجع في نفس الموال؟ نور: رد يا أدهم، زي ما سألتك وريحني. أدهم: هرموناتك بدأت أهي. مسك إيديها وقعد على السرير، وهو قعدها على رجله وبصلها: عارفة يا نور؟ نور: اممم.

أدهم بحب: أنا لو شفت بنات العالم كله من جمال ودلال، بس مايمليش عيني غير واحدة بس، هي انتي، تغنيني عن كل ده، هما مصطنع، يشيلوا بس اللي على وشهم هتلاقيهم جعفر، أما إنتي بدر منور، نضيفة من جوه وجواكي بياض يساع العالم كله، يا نور انتي أول حب وآخر حب ليا، انتي النفس اللي بتنفسه، انتي اللي شايلة حتة جواكي مني، انتي النجوم وانتي القمر وانتي النهار والليالي، انتي الشتاء وانتي الصيف، انتي كل حاجة في حياتي. عارفة كل راجل بيضعف قدام الستات اللي بتبين جسمها للرجالة، بس إنتي بضعف لما بس بشوف نظرة عيونك، مش بضعف قدام أي واحدة ست قد ما بضعف قدام دمعتك، بحبك وهافضل أحبك لاخر نفس فيا.

نور حضنت أدهم بحب: وأنا بحبك يا أدهم، وهفضل أحبك طول العمر، ومستحيل حد يفرق بينا. أدهم باسها بشوق ولسه رايح يتمادي، افتكر كلام الدكتورة، بعد بضيق. نور: إيه يا أدهم؟ أدهم طلع البلكونة. نور حضنته من ضهره وباسـ*ته من عنقه بحب: مالك يا حبيبي؟ أدهم بعدها عنه وبصلها: بصراحة كده، أنا بنفذ كلام الدكتورة، لازم أبعد فترة عشان اللي في بطنك. نور رفعت حاجبها: وانت من إمتي بتسمع كلام حد؟

أدهم: ضروري يا نور أسمع كلامها طالما ده بيخصك انتي وبيخص حياتك. نور: طيب. أدهم: أوماال فين إياد؟ مش سامعاله صوت. نور: نام من بدري. أدهم: طب تعالي احنا كمان ننام. وخدها في حضنه ونام. *** في صباح يوم جديد. بعد خمس ساعات. الطيارة هبطت أرض مصر ووصلت لوطننا العزيز. كانت حور ماسكة إيد بنتها تسنيم وبتشم الهوا النقي اللي افتقدته من سنة. (آخيراً رجعت) وعابد كان بيبص لحور وشايف في عنيها فرحتها إنها رجعت. بصلها بحزن وسكت. ***

عند عاصي في الشركة. كان قاعد وهو بيراجع ملفات، فاجأة قلبه دق جامد، مسك قلبه كده وقال في سره: "معقول رجعت؟ "في حاجة يا أستاذ عاصي؟ عاصي: لا، ما فيش حاجة، اتفضل. *** تالين كانت قاعدة ماسكة تليفونها بتقلب فيه بملل، بس فاجأة جتلها رسالة، إنصدمت لما شافتها.