رواية حور الادم الفصل الأول 1 - بقلم عائشة الكيلاني

أنا آسفة يا بابا. ارجوك متزعلش. لاب: ربنا يوفقك ويسعدك يا حبيبتي. حور: انت معملتش حاجة يا بابا علشان ازعل منك. دا نصيب. وبعدين افرد كنت اتجوزت وطلقت، ولا اتجوز عليا. متزعلش نفسك. هروح انا شغلي علشان متاخرش. حور باست ايد ابوها: ويخليك ليا يا حبيبي. حور مشيت في قصر الشناوي. الام: لحد امتى يا ادم؟ ادم: مفيش جواز يا امي، يعني مفيش جواز. الام:

يا حبيبي الله يهديك. فكر في عيالك. ادم عيالك بيكبروا وانت لوحدك. مش هتقدر. دا غير شغلك يا حبيبي. متتوجعش قلبي عليك. بارد قلبي. الله يهديك. ادم لف وشه ليها: اتزوج علشان تجبلهم مرات اب تبيع وتشتري فيهم، مش كدا يا امي؟ انا مش هتزوج بعد ثريا. الام بسخرية: اللي يسمعك يقول انك كنت ميت في حبها. ادم: ومين قال اني مبحبهاش؟ كفاية اخلاقها واصلها وجدعنتها. دا كله يخليني احبها. الام:

طب فكر تاني يا ابني، علشان خاطري. انا مش عايشة العمر كله. ادم قبل ايديها: ربنا ميحرمني منك يا ست الكل. علشان خاطري بلاش الكلام دا واقفل على الموضوع. الام: طب فكر شوية صغيرين. ادم: ممم. هاتيلي واحدة زي ثريا وفي حنيتها. ولو كدا ممكن اتجوز. ممكن مش اكيد. عايزة حاجة؟ الام: عايزك مبسوط ورايق. ادم: طول ما انتي معايا انا بخير. في فندق في المطبخ. ملك: كل دا يا حور؟ هو دا اللي مش هتاخري؟ حور: اعمل ايه يا ملك؟

عقبال ما صحيت وفطرت بابا وعطيته الدواء. والمواصلات والزحمة. هو بايدي؟ ملك: طب خدي وادي الطلب دا على ترابيزة تلاتة. ابوس ايدك بلاش تنكشي في الزباين. هيتخصم ايه اكتر من كدا؟ حور وهى بتخد الصينية بتاعت الطلب: والله يبقوا عملوا فيا معروف. حور راحت وادت الاوردر. بعد شوية. المدير: تاني يا حورية؟ انتي ايه يا شيخة؟ روح قلبك المشاكل. كل شوية تدبي خناقة مع الزباين. ايه مش بتحرمي؟ حور:

يا فندم، هو اللي بدأ. دا بيعاكسني عين عينك كدا. المدير بغضب: وفيها ايه ما يعاكس؟ مش بيعاكس باحترام؟ ها؟ حور: والله انا مش شغالة علشان اتعاكس. وبعدين المفروض تجبلي حقي. المدير: حقك في عينيك يا بعيدة. انتي خليتي فيها حق. انتي مسحتي بكرامة الرجال الارض. حور: يستاهل. المدير:

المفروض اطردك علشان لسانك دا. انا دلوقتي عرفت خطيبك سابك قبل الفرح ليه. لحق نفسه في اخر ثانية وهرب. حقه حقه والله. اذا كان انا مش بستحمل اشوفك دقيقة بلسانك المعوج ده. حور: والله انا مش شغالة عند اهلك. اقولك انا غايرة من هنا. مش مشتغلة هنا تاني. هي موته ولا اكتر. سابني علشان جدعة. مش مقضية مططية ومعاكسات في الرايحة والجاية. المدير دب ايده على المكتب: امشييي من وشي. انتي مرفودة. ولا اقولك؟

عندا فيكي هتشتغلي لحد واحدة ونص بليل. مش هتمشي قبل كدا. عندا فيكي وفي لسانك كله. علشان خاطر ابوكي. حور بصت له بغضب وغيظ وخرجت ورزعت الباب. بليل حور خرجت من الفندق. حور: يييه. مفيش ولا تاكسي. اشوف فيكم يوم يا بعدا. اعمل ايه؟ امشي شوية يمكن القي اي حاجة. حور بعدت عن الفندق بكتير ووقفت بتحاول توقف تاكسي او ميكروباص. حور: لا بقا كدا كتير اوى. دا ايه اليوم ده.

فجأة عربية نزل منها تلات شباب اقتربوا منها عاملين يلفوا حواليها وبعدين وقفوا. الشاب: لا بس حلوة وتنفعنا. الشاب ٢: لا بس جامدة اوى. حور الخوف بدأ يسكن قلبها: امشوا من هنا. منك له. له ياما اصوت والم الناس واخلي اللي ما يشتري يتفرج. الشاب بضحك: لا حلوة منك. طب ما احنا فيها. صوتي. مانتي هتصوتي. بس مش دلوقتي. بعدين.

حور ضربته بالقلم وبعدين بالشنطة بتاعتها وقعدت تجري وتصوت وهما يجروا وراها. فضلت تجري وهما وراها. حور وقعت. ايديها خبطت في ازاز على الارض. الشاب: امسكوها يا شباب. الشاب نزل لمستواها مسك بؤها: بقالي بت زيك تمد ايديها عليا وتهين فيا قدام الناس؟ تو تو؟ مانتي لو تعرفي اللي هيحصلك دلوقتي كنتي خرستي. الشاب ٣: وكدا كدا الحتة مقطوعة ومحدش هيدر بحاجة. انا بقول نخلص دلوقتي احسن. واهو بنتسلى. حور بخوف:

ابوس ايدك خليني امشي. اقولك خليني اكتب ليك وصل امانة او بل.غ عني. بس خليني امشي من هنا. ارجوك. الشاب بضحك: مانتي هتتحب.سي كدا او كدا. بس لما اخد حقي واستمتع انا واصحابي. حور بصقت على وشه. الشباب اقتربوا منها تحت صرختها اللي هزت المكان.