رواية حور الاسر الفصل الخامس عشر 15 - بقلم اية جميل

أسر: يعني إيه؟ حور: يعني الخاتم ده غالي، واكيد هيقولي جايباه منين. أسر: قوليله إن أنا اديتهولك. حور: اديتهولي بصفتك إيه إن شاء الله؟ أسر: إنكِ ملكي وهتبقي مراتي حبيبتي. حور: آه، على أساس إنه عارف أوي. أسر: آه، أنا هاجي أتقدملك بس مش دلوقتي، أنا مستني لحد ما تخلصي. حور: طب وانت مديهولي من دلوقتي ليه؟ أسر: طب خلاص، قوليله خدته هدية أو أي حاجة. حور: مش هيصدق، عشان ده غالي أوي.

أسر: معرفش تتصرفي، أهم حاجة تخليه معاكي على طول. حور: ماشي، أنا عندي فكرة. أسر: إيه هي؟ حور: تعال نروح محل إكسسوارات. أسر: ماشي. أخذها على محل غالي. حور: مش محل من ده، تعال أقولك على محل تاني. أسر: ليه؟ ده أحسن محل. حور: هي دي المشكلة، إنه غالي، إحنا عاوزين واحد رخيص. أسر: ماشي. وذهبوا إلى المحل. أسر: هو ده؟ ده رخيص أوي. حور: استنى بس. نزلت حور واشترت سلسلة رقيقة خالية من أي رسومات. أسر: إيه دي؟ هتعملي بيها إيه؟

حور: شوف دلوقتي هعمل إيه. لفت السلسلة على الخاتم ولبستها سلسلة. أسر: يا مجنونة! إيه اللي عملتيه ده؟ ده مبقاش خاتم. حور: كده مبقاش غالي، وياسر مش هياخد باله إنه خاتم، وكمان هيفضل معايا على طول. أسر بضحك: مجنونة، بس ماشي، يلا بقا نرجع الشركة. حور: ماشي، يلا. عند زين ونيرة...... زين: نيرة، انتي بتحبي حد؟ نيرة: آه، بس هو شكله مش بيحبني، عشان كده أنا خلاص مبقاش يفرق معايا. انت حبيت؟ زين: آه، أنا بعشقها، بس خايف ترفضني.

نيرة بدموع تملأ عينها: نيرة، خد نصيحة مني، روح اعترف لها بدل ما تضيع من إيدك. زين: ماشي يا أختي. نيرة: يلا بقا سلام، أنا هروح أكمل شغلي. زين: بس أنا مخلصتش كلام. نيرة: خلاص نتكلم في وقت تاني. ولسه هتمشي. زين: نيرة، أنا بحبك. نيرة وقفت مصدومة. بصتله لقيته ماسك علبة في إيده فيها خاتم. زين: تقبلي تتجوزيني وتكوني شريكة حياتي؟ نيرة بفرحة: موافقة. زين: هتقدري تحبيني وتشيلى من قلبك اللي بتحبيه؟ نيرة: لاء. زين بصدمة: إيه؟

نيرة: عشان اللي أنا بحبه طلع بيحبني واعترفلي. زين: انتي قصدك إن أنا اللي... نيرة بمقاطعة: آه، أنا بحبك يا مجنون. زين: وأنا بعشقك يا قلب المجنون. وظل حاضنها فترة لحد ما دخل عليه أسر وحور. أسر: اقفش! مسكناك متلبس. حور بتمثيل: وانتي يا نيرة! لاء، أنا مش مصدقة إن صحبت عمري تطلع كدا، أنا انخدعت فيكي، لاء مش مصدقة. نيرة: والله يا حور، ده... زين بمقاطعة: وانت يا أسر، انت وحور عملتوا كدا وأكتر. وغمزله. نيرة: إيه؟

طب أنا حضنته عشان اتقدملي وأنا وفقت، امال انتي عملتي إيه؟ ها؟ عملتي إيه يا بت؟ قولى. حور: أسر بردوا اتقدملي. نيرة بفرحة: بجد؟ حور: آه. نيرة: ألف مبروك. حور: ألف مبروك ليكي كمان. نيرة: الله يبارك فيكي. أسر وزين بردوا باركوا لبعض. أسر: تعالوا نشوف أسد. حور: ليه؟ ماله أسد؟ أوعى تقول إن هو بيحب صافي. أسر: ده بيحبها من زمان أوي، من قبل ما تيجي الشركة، ولا أقولك من أول يوم دخلت صافي فيه الشركة. حور: إيه ده؟ أكيد بيعشقها.

أسر: آه، زي ما أنا بعشقك كدا. وغمز ليها. حور: طب يلا نروح. عند أسد...... أسد: صافي، أنا عاوز أقولك على حاجة. صافي: اتفضل. أسد: أنا بحبك. تتجوزيني؟ صافي بدموع: لاء. وثبت ومشت بسرعة وهي تبكي. أسد بصدمة وقلبه انكسر: ليه لاء؟ أنا لازم أعرف ليه. ودخل أسر وزين. أسر: أنا يا أسد عملت إيه؟ خليتها تخرج بسرعة كدا؟ أسد: لم يرد. وراح وراها بسرعة. شافها ضامة نفسها وتبكي بشدة وانخض من شكلها. جري عليها. أسد: مالك يا صافي؟

صافي: ابعد عني. سيبني، متلمسنيش. أسد: أهدي بس الأول، وتعال معايا. خدها أسد وراح على البحر. أسد: ممكن تقوليلي رفضتيني ليه؟ صافي: مفيش. أسد: لاء، أنا من حقي أعرف.

صافي: ماشي، هقولك. كنت بحب واحد وأنا في الجامعة، وهو جه اتقدملي واعترفلي بحبه، فأنا وفقت عشان كنت بحبه. وفي يوم قالي تعالي في المكان ****** عشان عندي ليكي مفاجأة. لما روحت لقيته مع أقرب صديقة ليا، وطلعوا متفقين مع بعض عليا. وأخدني وحاول يتهجم عليا، بس في واحد لحقني وأنقذني. ومن ساعتها أنا بكره نفسي ومش بصدق أي حد بيقولي أنا بحبك. فأنا مش هقدر أديك السعادة اللي بتحلم بيها. أنا آسفة. ولسه هتمشي. أسد وقفها.

أسد: بس أنا مش زيه، أنا بحبك. يمكن بحبك دي قليلة، ده بعشقك من أول يوم دخلتي فيه الشركة. ده أنا كنت بـ... وهنا دخل الجميع. أسر: انتوا بتعملوا إيه هنا؟ أسر: لحقناك لما مردتش علينا. حور: صافي، أسد بيحبك ومش هيخدعك. أسر: ده بيحبك من أول يوم دخلتي فيه الشركة. وكان بيعمل أي حاجة عشان يشوفك. نيرة: وافقي عليه يا صافي. زين: أنا متأكد إنه مش هياذيكي. ولو زعلك تعالي قوليلي. اعتبريني أخوكي الكبير. أسد: قولتي إيه يا صافي؟

أنا والله بحبك. صافي بضحك: موافقة. أسد شالها ولف بيها ونزلها وحضنها. صافي وهي حاضناه بصوت منخفض: وأنا كمان بحبك. بس كنت خايفة إنك تجرحني. أسد بصدمة: أنا عمري ما هجرحك. أنا بعشقك يا صافي. صافي: وأنا كمان يا روح صافي. أسر: مش كفاية بقا. إحنا واقفين على فكرة. حور: وكمان بتقولوا إيه لبعض ها؟ وغمزت لصافي. صافي بضحك: عقبالكم يا بنات. حور بفرحة: أنا أسر اتقدملي. نيرة: وأنا زين اتقدملي. صافي بصدمة: إيه؟ بجد؟

ألف مبروك يا بنات. وحضنوا بعض. حور: أنا عندي فكرة. أسر: إيه هي؟ حور:.........