رواية حور الاسر الفصل الحادي والثلاثون 31 - بقلم اية جميل

الضابط : أيوه يا أسر باشا. أسر : أهم يا حضرة الضابط، وأنا اللي كنت خاطف حور، وتقدر تاخدني معاك. الضابط : ماشي، يلا بينا. وكان أسر ذاهبًا مع الضابط ولكن... حور : أسر، استنى. وذهبت مسرعة إليه. أسر : حور، في إيه؟ اهدي كدا. خلاص تقدري ترجعي مع أمك وإخواتك ومش هتبقي سجينة عندي. حور : طب وانت؟ أسر : أنا هروح آخد عقابي، وبعد كدا أرجع لحياتي الطبيعية. حور : طب وأنا؟ أسر : انتي... انتي...

انتي هتوحشيني أوي، ويلا تقدري تعيشي حياتك، ترجعي لحياتك الطبيعية. حور : لا يا أسر، أنا عاوزاك معايا. ما تتبعظش عني، أنا بحبك يا أسر. أسر : وأنا بعشقك يا قلب أسر. الضابط بضحك : كدا خلاص، أنا مش هقدر أبعدكم عن بعض. بس عاوزكم تيجي تخلصوا شوية أوراق، ابقي عدّي عليا في أي وقت. أسر : تمام، شكراً ليك، وتقدر تاخدهم. حور : استنى يا حضرة الضابط. أسر : في إيه يا حور؟ حور : دول لسه متجوزين يا أسر، معقول هنسجنهم؟

أسر : أمال هنسيبهم يقرقونا؟ حور : مش هيقدروا يا أسر، مش هيقدروا. بص هديتنا ليهم بمناسبة جوازهم هي إننا مش هنسجنهم. أسر : يعني انتي شايفة كدا؟ حور : آه. أسر : خلاص يا حضرة الضابط، وشكراً ليك، تعبناك معانا. الضابط : تعبك راحة، تستأذن إحنا بقى. أسر : إذنك معاك. دارين : حور، انتي عملتي كدا ليه؟ مع إننا أذيناكِ. حور : علشان تعرفي الفرق بيني وبينك. ويلا يا أختي، أديكي اتجوزتي حبيبك عمر.

دارين : أنا آه اتجوزته، بس متنسيش يا حور إن الحب من طرف واحد. حور : بس انتي حاولي، مش تستسلمي، واصبري عليه وهو هيحبك، ماشي؟ دارين : ماشي، وأنا أوعدك إني هحاول أتغير. حور : يارب. دارين : يعني انتي مسامحاني؟ حور : مسامحاكي، بس المفروض تطلبي السماح كمان من طنط عائشة، مش كدا برضه؟ دارين : انتي عندك حق. وتركتها وذهبت إلى عائشة. دارين : طنط عائشة، أنا آسفة، سامحيني. عائشة ضربتها بالقلم وقالت: انتي عملتي معايا كدا ليه؟

أنا عملتلك إيه؟ دارين : والله آسفة، والله خلاص أنا هتغير، والأحسن بس سامحيني، والله اتعلمت من غلطي. عائشة أخذتها في حضنها : انتي هبلة، أنا أمك ومش هزعل منك أبداً. عمرك شفتي أم بتزعل من بنتها؟ دارين هزت رأسها بلا. عائشة : خلاص يبقى أنا هزعل منك إزاي؟ دارين : يعني انتي مسامحاني؟ عائشة : مسامحاكي يا بنتي، مسامحاكي. حور : يلا بقى يا دارين، روحي مع عمر. دارين : حاضر.

وذهبت مع عمر الذي لم يتحدث كلمة واحدة، ويتابع كل شيء بصمت. حور : طب يلا يا أسر علشان نكتب كتابنا. أسر : إيه؟ حور : إيه، مش عايز تتجوزني؟ أسر : لا، دا هيبقى أجمل يوم في حياتي، يلا. وفجأة دخلت ياسمين. ياسمين بتمثيل : إيه ده يا أسر؟ إيه ده؟ انتي بتخوني؟ دا لا لااااا، ليه كدا يا أسر؟ ليه كدا؟ حور بضحك : وحضرتك تبقي مين؟ ياسمين : أنا مراته، اتجوزتي وأم ابنه المستقبلي. حور بتمثيل : بجد؟ إيه ده يا أسر؟ انتي بتخوني أنا كمان؟

آه يا خاين يا ندل، أنا ماشية ومش عايزة أشوف وشك تاني. ياسمين : شكراً ليكي بجد، لأنك مش هتتجوزيه. أنا بقى هشوف شغلي معاه علشان أشوف إزاي يعني يتجوز وأنا مش موجودة. أنا أصلاً زعلانة منه من ساعتها. (ملحوظة: ياسمين كانت مسافرة ساعة جواز دارين وأسر) حور : تؤتؤتؤ، مين قالك إن أنا مش هتجوز؟ يا ياسمين، أنا التمثيلية دي مش هتدخل عليا مرتين، كفاية المرة الأولى. ياسمين : يعني انتي فكراني؟ طب أنا مين؟

حور : هتكوني مين يعني غير أخت جوزي؟ ياسمين : دا انتي عندك ذاكرة قوية. حور : سمي يابت. ياسمين : طب أنا عاوزاكي تاخديلي حقي منه. حور : بس كدا، عنيا اللي الاتنين. جاسر مصدوم من جمال ياسمين: إيه ده؟ بجد القمر ده تبقى أختك؟ أسر : آه. جاسر : حلو أوي. حور : إيه رأيك أجبهلك رقمها؟ جاسر : ياريت والله. أسر : هو الله اللي ياريت. إنت أهبل؟ دي أختي، وإنتي يا حور بتشجعيه؟ حور : إنت حسابك معايا لسه مخلصش. أسر : أنا عملت إيه؟

حور : يعني يبقى عندك أخت مزة كدا ومتحضرش فرحك؟ جاسر : الحمد لله إنها محضرتش. أسر : اسكت يلا، وإنتي يا حور، يعني أنا مش حلو زيها؟ جاسر : ولا تيجي حاجة جنبها. أسر : لم لسانك، أنا ماسك نفسي بالعافية. جاسر : لا خلاص، كفاية، أنا لسه واخد واحدة قبل كدا علشان خاطر حور. ياسمين بضحك : أحسن. جاسر : إيه الضحكة اللي تاخد القلب دي؟ ياسمين بكسوف : لم نفسك. أسر : يلا بقى. حور : هنروح فين؟ أسر : هنكتب كتابنا، يلا يا حضرة المأذون.

المأذون : يلا. أسر : يلا يا حوري. حور : ماشي. أسد : أنا الأول. زين : لا، أنا. أسر : ولا انت ولا هو، أنا الأول، ويلا يا ياسر. ياسر : يلا. وفاقت حور على (بارك الله لكما وجمع بينكما في خير) أسر ذهب بسرعة إلى حور وقبلها بحب. أسر : مبروك يا قلبي. حور : الله يبارك فيك يا روحي. زين : كفاية بقى، يلا يا نيرة. المأذون : وكلتي مين يا بنتي؟ نيرة : أنا مليش حد غير أمي. جاسر : أنا هكون وكيل ليها، هي بردوا زي حور بالنسبالي.

المأذون : موافقة يا بنتي؟ نيرة : موافقة. وتم كتب الكتاب، وسمعت نيرة كلمة المأذون الشهيرة. (بارك الله لكما وجمع بينكما في خير) زين : مبروك يا روحي. نيرة : الله يبارك فيك. أسد : يلا يا صافي. زين : أنا هبقى وكيل صافي. المأذون : (بارك الله لكما وجمع بينكما في خير) أسد : مبروك يا صفصف. صافي : الله يبارك فيك. المأذون : في حد تاني؟ جاسر : فاضل واحد بس. الجميع : مين؟ جاسر : أنا وياسمين. جاسر : تتجوزيني؟

ياسمين وهي تنظر لأسد : موافقة. جاسر : يلا بسرعة يا أسر. ضحك الجميع على جاسر، وتم كتب الكتاب. المأذون : (بارك الله لكما وجمع بينكما في خير) جاسر : ألف مبروك يا سمسمة. ياسمين : الله يبارك فيك. جاسر : بحبك. ياسمين : إيه؟ جاسر : حبيتك من أول نظرة، سرقتي قلبي. ياسمين : وأنا كمان بحبك يا مجنون، من أول نظرة. جاسر : وأنا بعشقك يا قلب المجنون. أسر : كفاية بقى. جاسر : كفاية إيه؟ دي خلاص بقت تخصني، خليك انت في حور.

ياسر : بااااس، كفاية، كلكوا اتجوزتوا إلا أنا، طب راعوا مشاعري. حور : خليك سنجل، بيقولوا السنجلة جنتلة. ياسر : أنا مش عاوز أبقى جنتل، أنا عاوز اتجوز. وفجأة صدمت فيه فتاة شديدة الجمال تبكي. الفتاة : أنا آسفة. وتركته وذهبت تسلم على حور. حور : قمر. قمر : ألف مبروك يا حور. حور : الله يبارك فيكِ، بس انتي عرفتي إني هتجوز إزاي؟ قمر : نيرة اتصلت بيا وقالتلي أجي. حور : شكراً ليكي يا نيروو.

ياسر بصدمة من جمالها : استنى بس يا حور، مين دي؟ حور : انت مش عارفها يا ياسر؟ ياسر : لا، بس اللي أعرفه إنها قمر. وضحك الجميع على ياسر. أسر : شكلك وقعت يا ياسر. ياسر : اسكت انت. قمر بضحكة وعيونها مليئة بالدموع : لا، ما يعرفنيش، أصل عمره ما بصلي، وخد باله مني. ياسر : هو القمر ده زعلان ليه؟ البنات : مش تقول عليا قمر، انت هتعاكسني، وانت بتسأل ليه؟ ياسر : دا انتي شكلك لمضة، أنا بقول عليكي قمر. قمر : مش عاجبك؟

ياسر : لا، عاجبني، دا حتى اسمك قمر، وانتي قمر فعلاً، قوليلي بقى كنتي بتقولي كدا ليه؟ قمر : .......