رواية حور الاسر الفصل الثلاثون 30 - بقلم اية جميل

عمر: لا هتجوزها انهارده بدالك وهتبقي ملكي وساعتها وانت مش هتقدر تعمل حاجة. اسر: ده في أحلامك. وأخذ عمر القناع وارتداه بدل أسر وغادر. اسر: ياسر أنت وجاسر فكوني. جاسر: لا عشان تتجوز حور لا. اسر: العروسة اللي جوه دي مش حور دي دارين وإحنا عاملين مؤامرة عشان نكشفهم. جاسر: حلو الكلام ده بس برضه مش هتضحك علينا. وفجأة جرت حور. حور: جاسر فكوه. جاسر: حور حبيبتي أنتِ كويسة؟ حور: آه كويسة. ياسر: عملك حاجة؟ حور: لا بس فكوه.

جاسر: لا مش هنفكه. حور: جاسر فكّه، إحنا عاملين خطة عشان نكشف دارين وعمر. جاسر: إيه؟ حور: هتعرف كل حاجة دلوقتي بس فكّه بسرعة. جاسر: حاضر. وبالفعل فكوه. اسر: يلا بينا. واستخبوا حتى تم كتب الكتاب وقال المأذون كلمته الشهيرة "بارك الله لكما وجمع بينكما في خير". عمر: جرى على دارين على أساس إنها حور وقال: أخيراً بقيتي ليا وملكي لوحدي. دارين: حتى أنا مش مصدقة نفسي. عمر: مال صوتك يا حوري؟ دارين: أنا مش حور يا أسر، أنا دارين.

عمر: إيه؟ أنتِ بتهزري؟ دارين: لا مش بهزر، وهاوريك كمان. وخلعت النقاب. عمر بصدمة: لااااااااا، إزاي؟ إزاي كل ده يحصل؟ إزاي؟ دارين: أسر، عارفة إنك مصدوم، أنا بحبك يا أسر ومستحيل أخليك لغيري. عمر: اسكتي بقى، اسكتي. دارين: ليه يا أسر؟ عمر: اسكتييييييي، أنا مش أسر، أنا عمر. دارين: عمر؟ أنت بتعمل إيه هنا؟ عمر: أنتِ اللي بتعملي إيه؟ دارين: أنا جاية أتجوز أسر. عمر: وأنا جاي عشان أتجاوز حور، بس إحنا اتجوزنا بعض إزاي؟

المفروض أكون اتجوزت حور مش أنتِ. دارين: وأنا المفروض أكون اتجوزت أسر مش أنت. دارين: إيه؟ عمر: بااااااس، خلاص أنا فهمت. إحنا الاتنين فكرنا نقعد مكان حور وأسر. عشان كده اتجوزنا بعض. دارين: أنت صح. كل ده بسببك. مقلتليش ليه إنك هتعمل كده؟ عمر: أنتِ اللي مقلتليش ليه؟ ما أنتِ دايماً بتقوليلي على كل حاجة.

دارين: عشان أنت مكنتش تعرف إن أسر هو اللي خاطف حور. ولو عرفت كنت هتقتله زي ما عملت قبل كده. وأنت فاكر لما حور تعرف إنك أنت اللي قتلت أبوها هتسامحك؟ اهو هترضى تتجوزك؟ عمر: أنتِ بتتكلمي عليا؟ ما تشوفي نفسك. ما أنتِ خططتي وخدعتي طنط عائشة عشان تتجوزي أسر. ولما ما رضيتش عملتي فيديوهات مفبركة إن حور بتضحك على أسر وكمان بتخونه. وأنتِ خليتك وراها لحد ما صدقتك. دارين: ما أنت كنت معايا في كل ده. عمر: وكان أكبر غلطة عملتها.

وفجأة خرجت حور من مخبئها. عمر بصدمة: حور! حور: أيوه حور. حور اللي قتلت أبوها وهي عندها تسع سنين. ليه؟ ليييييه؟ هو عملك إيه؟ عملك إيه؟ ليه قتلته؟ عمر: ..... حور وهي تضربه في صدره: قول لي، قول لي ليه قتلته؟ ليه؟ هو عملك إيه؟ قووووول لي ليييييه؟ عمر بعصبية: عشان كان دايماً بيحضنك ويبوسك. وكمان لما قولتله مبتعملش كده قالي "ملكش دعوة، دي بنتي". عمر: عمو ينفع مش تبوس وتحضن حور تاني؟ عمه: ليه بقا؟ دي بنتي وأنت مالك؟

أبوسها ولا لأ؟ عمر: لا عشان بغير عليها وأنا بحبها وهتجوزها لما أكبر. عمه: لا يا ناس، حبيبتي مش نخليها تتجوز وتعيش معايا طول العمر. وأنا معنديش بنات للجواز. عمر: طب هتجوزها وهخليها تعيش جنبك هنا. عمه: لا، هتتوزها يا عمر، ويلا ومشوفكش بتتكلم معاها تاني. عشان وكمان عيب اللي أنت بتقوله ده، حب إيه؟ أنت لسه صغير ومتفهمش في الكلام ده. عمر: لا أنا مش صغير. عمه: لا صغير، ويلا بقى. عمر: ساعتها أنا قررت أقتله عشان اتجوزك.

حور: ليه؟ ليه ليييييه؟ هو أب زي كل الآباء بيخاف على بنته وبيحبها. وساعتها هو قالك كده عشان كان مفكر إن دي فترة إعجاب وبس مش حب بجد. أنا إيه؟ أنا بكرهك، بكرهاااااااااااك. عمر: حوري، اهدي عشان خاطري. حور: ابعد عني، متلمسنيش. إيه عني؟ ابعااااااااااد. وفجأة خرج أسر هو الآخر. دارين: أسر حبيبي، كنت فين؟ اسر: ابعدي عني. وذهب إلى حور. اسر: حور، أنتِ كويسة؟ حور: آه كويسة، بس عايزة أستريح شوية. عمر: ابعد عنها، متلمسهاش.

حور: ابعد أنت عني، ابعد وملكش دعوة بيه. ولعلمك أنا هتجوزه. اسر شعر بفرحة من كلام حور وأكمل: وكمان هنكتب كتابنا النهارده. عمر: لا، لا مستحيل. دارين: أسر حبيبي، أنت مش هتسبني؟ حور: ابعدي عنه. هو أنا عملتلك إيه عشان تأذيني كده؟ دارين: قولي معملتيش إيه؟ حبيت عمر وطلع بيحب. وقولت أتجاوز أسر وأخد فلوسه. بس أسر حبك وعايز يتجوزك. ليه؟ ليه أنتِ خدتي مني كل حاجة؟ ليه؟ أنتِ أحسن مني في إيه؟

اسر: في إنها طيبة وبتضحي بكل حاجة عشان راحة غيرها. أنتِ عارفة مكنتش عايزاني أطلق وأتجوزها، بس أنا قولتلها إننا هنعمل خطة عشان نكشفكم. عمر: نكشفنا؟ اسر: آه. اسر: ماما، دارين فين؟ عائشة: جوه في الأوضة. اسر: ماشي. وعندما أن يفتح الباب سمع دارين وهي تتحدث. دارين: أيوه يا عمر، كل حاجة تمام. الخطة ماشية، وخلّيته طنط عائشة تكره حور، ولسه نخليها تكرهها لحد ما تكرهها حتى تشوفها قدامها.

اسر: سمعتها في اليوم ده وتابعت الموضوع لحد ما عرفت خطتكم. وفي الآخر أنا قلبت الخطة عليكم. حور بضحكة مليئة بالسخرية: بس تصدقوا، أنتوا لايقين على بعض. في مثل طول بيقولوا... عارفين إيه؟ أنا هقولكم. بيقول: (الطيور على أشكالها تقع) . ههههههه، بس والله المثل لايق عليكم. وفجأة دخلت الشرطة. اسر: أهم. دارين: لا يا اسر، لااااااااااااا. الضابط: .....