رواية حور الفهد الفصل الثالث عشر 13 - بقلم الكاتبة ميسون عبدالمجيد

حور بصدمة: لا لا مش معقول. فهد قرب منها وحضنها من ضهرها: أنا مش قلتلك أعمل أي حاجة في الدنيا عشان أشوف الفرحة اللي في عينيكي دي. حور بحب: بس دا كتير أوي عليا. فهد بابتسامة: مفيش حاجة تكتر عليكي يا حور الفهد. حور بصتله بعدها حضنته جامد. حور فتحت عينيها لقيت يخت كبير جدا تلات أدوار ومليان نور وبلالين معمولة أشكال كتير جدا وفي نصه يافطة كبيرة مكتوب عليها (حور الفهد ♥️♥️) فهد دخل خطوة: هاتي إيدك.

حور بتوتر: بخاف من البحر. فهد رحلها: طول ما أنا معاكي عمرك ما تخافي. حور بصتله واتوترت. فهد: طب استني. فهد بحركة سريعة منه شال حور على إيديه الاتنين وطلع على المكان اللي بيوصل لليخت. حور بخوف وضحك: فهد نزلني. فهد بصلها ومبتسم. حور بضحك: بطل استفزاز بقى ونزلني. فهد بصلها ومبتسم برضو. حور بغيظ: رد عليا عشان مش أديك قفا حلو زي قبل كده. فهد بصلها: تقدري. حور ببراءة: تؤ تؤ أبداً. فهد بصلها وضحكوا. وصلوا أول دور في اليخت.

فهد نزل حور. فهد: بصي يا ستي هنا أول دور للسيد والطبخ وكده. تالت دور للاستجمام والمتعة والأكل. حور: طب وتاني دور؟ فهد بغمزة وقرب من حور: لأ تعالي أقولك على دي في على طول. حور بخجل وتوتر: احم لا خلينا نقعد هنا شوية. فهد قرب منها أكتر: تعالي بس دنا ما صدقت. حور بتوتر: أحسن حد يشوفنا عيب. فهد: اليخت ده بتاعنا إحنا وبس مفيش نملة تقدر تعتبه غير بإذني. حور ابتسمت. فهد افتكر: آه صحيح افتكرت. حور: إيه؟ فهد: استنى.

وحط إيده في جيبه طلع انسيال حور. حور بفرحة: يااااه تصدق بسبب كل اللي حصلنا نسيته. فهد بحب: طب يستي واديني لقيته. حور بدون مقدمات حضنت فهد وفضلت تتثبت فيه بإيديها. فهد شالها وطلعوا الدور التاني من اليخت وقضوا أجمل ليلة في حياتهم كل واحد عبر عن مشاعره للتاني وقد إيه بقى يعشقه. وفهد كان بيعامل حور برقة وحنية جدا كأنها حاجة رقيقة وغالية. *** صباح يوم جديد يملئه العشق. فهد وحور كانوا نايمين.

فهد كان لابس بنطلون بس وحور لابسة فستان قصير لونه أسود ونايمة على صدره. فهد صاحي وعمال يبص لحور ويلعب في شعرها ويتأمل ملامحها الجميلة اللي بتشبه الحوريات. حور بتصحي وبتفرك في عينيها زي الأطفال. بتفتح عينيها لقيت فهد باصلها ومبتسم. حور بابتسامة وخجل: صباح الخير. فهد قرب منها باسها: صباح الفل على أحلى عيون. حور ابتسمت بحب. فهد حاضن حور ومغمض عينيه. حور: طب هنفضل نايمين كده كتير. فهد بصلها: أيوه عايزانا نعمل إيه يعني.

حور: نقوم ناكل أنا جعانة. فهد بقرف: قومي يا حور قومي أطفحك قومي يا فصيلة قومي. حور ببرود وهي بتقوم: الأهه جعانة مكلش يعني. فهد بغيظ: لا ودي تيجي برضه. وسحبها من إيديها: تعالي هنقعد هنا أسبوعين هخليكي زي البطة. حور ضحكت. فهد أخد شاور ولبس بروتوكول بني عليه تيشرت بينك كان جنتل أوي. أما حور أخدت شاور ولبست فستان سموني في حزام أسود عليه طرحة سودة كانت قمر في الحجاب. خرجت فهد شافها قرب منها باسها من رأسها بحب.

خرجوا برا اليخت وطلعوا في الهوا. حور: مش بتقول المطبخ تحت. فهد: بالظبط بس انهارده أنا محضر كل حاجة هنشوي سمك في الهوا ونقلي جمبري وحاجة إيه لوز. حور بفرحة: أحبك وأنت قمر كده. فهد بصلها وضحك بحب. طلعوا هما الاتنين آخر دور على اليخت في الهوا. حور: فهد. فهد: نعم. حور بخوف ودوخة: تعالي امسكني مش بحب أقف في أماكن عالية ومفتوحة كده بدوخ. فهد راح لها بسرعة: تعالي ياحوري. فهد مسك حور اللي كانت خايفة أوي وقعدها.

فهد: خدي كده اشربي واهدي عشان إحنا لسه هنعمل أكل وناكل ونرقص ونلعب ونعوم وكله. حور ضحكت. قعدوا شوية بعدها فهد قاعد يشوي السمك وحور بتقلي الجمبري. حور بوجع: اااه. فهد بخوف: مالك. حور بابتسامة: لأ بس الزيت جه عليا. فهد: طب خلي بالك. بعد شوية. حور سابت الجمبري يستوي لوحده وفهد ساب السمك على الشواية. حور وفهد واقفين على طرف المركب. حور قاعدة وفهد واقف قدامها بيبصلها. فهد بابتسامة: تعرفي إني بعشقك. حور بغرور: عارفة غيره.

فهد بحب: لأ بجد والله أنا مش عارف إزاي حبيتك وعشقتك بالشكل ده في المدة القصيرة دي بس بجد وجودك معايا خلى لحياتي طعم يعني أنا لما قلت لباباكي إني هتجوزك كان كل غرضي إن ميطلعش منظرنا وحش قدام الناس وكنت بحسك دايما متكبرة وشايفة نفسك على كل الناس بس وجودك معايا الأربع شهور دول غيروا حاجات كتير فيا حسسوني معنى الحياة ويعني إيه ضحك وهزار وحب كانت كل حياتي روتينية طول اليوم شغل في شغل عمر ما كان في قلبي حب أو الكلام ده بس بقيت بعشقك حبيت فيكي عنادك وعصبيتك ولسانك الطويل اللي مش بيطلع غير شتيمة ودبش بحبك يا حور.

حور بابتسامة: أنا بقي حبيتك أوي يمكن في الأول كنت بحسك معقد ومش بتحب الحياة وكئيب بس طلعت غير كده خالص طلعت قافل على قلبك وكنت فاكراك عصبي أوي وأنانى ومش بتحب غير نفسك ومعندكش رحمة بس وجودك معايا عرفت حنيتك ووقوفك جنبي وإنك خاطرت بنفسك عشان تفديني وأنت السبب الوحيد في إني أتغير للأحسن ١٨٠ درجة بجد حبيتك جدا. فهد قرب منها مسك وشها وباس خدها. فهد: بعشقككككك. حور: بحبكككككك. فهد فضل يبصلها شوية.

فهد بابتسامة: تعرفي إنك قمر أوي. حور بضحك: دنت اللي عينيك حلوة. فهد بيقرب من حور: لأ بجد أنتي مالك احلوتي كده ليه. ولسه هيبوسها تاني. حور: فهد على فكرة السمك اتحرق. فهد بص بصدمة بعدها بص لحور تاني: يبت يخربيت فصلانك. حور ببراءة: الأهه. فهد بغيظ: لأ طبعاً بس عادي نقطع اللحظات الرومانسية مش كده. حور بضحك: اهااا. فهد وحور حطوا الأكل وقعدوا ياكلوا. بعد ما أكلوا. فهد: استنى بقى. حور بضحك: إيه تاني. فهد مسك فونة شغل أغنية

(rambo rambo start to play) فهد قرب من حور ومسك إيديها وفضلوا يرقصوا سلو وسلسا وكانوا مبسوطين جدا وعمالين يضحكوا واتصوروا كتير أوي. *** بالليل. فهد نايم على السرير وواخد حور في حضنه وقاعدين. حور: فهد هو أنت بتحبني. فهد ببرود: لأ. حور اتعدلت وبصتله. فهد بابتسامة جذابة: بعشقك. حور نامت تاني في حضنه وضحكت. حور بحزن: تعرف كان نفسي أوي نعمل فرح كبير وأبين للعالم كله قد إيه أنا بعشقك بس خلاص للأسف الفرح عدى.

فهد بصلها بحب: طب إيه رأيك لو عملنا سيشن وعملنا شهر عسل تاني. حور بفرحة: بجد. فهد بحب: إن والله نعمل السيشن في أي حتة عادي بس شهر العسل نخليه عمرة. حور بابتسامة فرح: طبعاً أحلى حاجة دنا أتمنى إننا نبدأ حياتنا في مكان طاهر ونضيف زي ده بدل ما نروح بلد كده أو كده. فهد باسها: أحبك وأنتي قمر كده. حور ضحكت. وناموا وهما في قمة انبساطهم. عدى أسبوعين وحور وفهد في اليخت مبسوطين جدا وبقوا يعشقوا بعض أكتر من الأول.

وكمان عملوا سيشن جميل أوي وعملوا عمرة ابتدوا بيها حياتهم. *** وأخيرا رجعوا الفيلا. فهد قاعد في الجنينة بيتكلم في الفون. حور جايه عليه. بس آخر حاجة فهد قالها. فهد: ماشي ياحب سلام. حور بضيق وغيرة: بتكلم مين. فهد بتوتر: ها مش بكلم حد. حور بنرفزة: والله ليه عامية أنا منا لسه شايفاك بتقفل وبتقول (مقلدة صوته) ماشي ياحب سلام. فهد كتم ضحكته. فهد بتوتر: ها عادي يعني كنت بكلم بكلم أي حد.

حور بزعيق: فاااااهد قولي كنتتت بتكلمممم مين بتخوني صح. فهد بتوتر: يعني واحدة صحبتي مكلمتهاش من زمان فا كانت بتسأل عليا. حور بغضب وصدمة: نهارك أسود ومهبب صحبتك ها صحبتك اسمها إيه هاطلقني يا خاين. وعنيها بقت بتلمع بالدموع. فهد بخوف: حور مالك بتقربي ليه. حور بتقرب أكتر بغضب: صحبتك ها صحبتك اسمها إيه هاطلقني يا خاين. وعنيها بقت بتلمع بالدموع. فهد

ضحك على ما آخر ما عنده: ههههه يا مجنونة صحبتي مين ده انتي كنتي مراتي ومكنتش ببصلك هصاحب كمان. حور بغضب: امال كنت بتكلم مين. فهد بضحك: ده هشام كان بيقولي إن طنط نجات عازمانا على الغدا بكرة. حور بصاله بغيظ. فهد: خدي أهو والله شوفي هتلاقي آخر رقم متصل هشام. حور بصتله بغضب وعدلت وشها الناحية التانية بزعل. فهد قرب منها: خلاص طب أنا آسف. حور بصاله بغضب. فهد: خلاص طب حقك عليا هاتي بقك أبوسه قصدي رأسك.

حور بصتله بعدها ضحكت بخبث. حور بصتله وابتسمت وقربت منه. فهد بقلق: في إيه. حور بتلف إيديها حوالين رقبته برومانسية: فهودي. فهد بتوهان: قلبي. حور زقت فهد على ما آخر ما عندها في البسين وده لأنهم كانوا قريبين منه. فهد بصدمة وغيظ: يابنت اللذينة مااشي. حور بتضحك: ههههه خلاص أنا كده أخدت حقي هههه. فهد أخد مياه وفضل يرمي على حور وفضلوا يضحكوا كتير. بتعدي الأيام وحور وفهد بيعشقوا بعض أكتر. وبقالهم سبع شهور متجوزين. *** في يوم.

حور وفهد قاعدين في الريسبشن. حور: بقولك إيه. فهد: نعم. حور: ما تيجي نعمل كزوج وزوجة كده ونروح نشتري طلبات البيت من السوبر ماركت. فهد: طب وعلي إيه الفرهدة دي كلها ما كل دا سامر بيجيبه أول كل شهر. حور: أيوا منا عارفة منا بقولك عايزين نعمل كزوج وزوجة كده ونروح سوا عشان منتعبش سامر المرادي. فهد بضحك: متقوليش إنك عايزة تخرجي بدل اللفة دي. حور بضحك: طب منت فاهم أهو يلا يلا قوم نلبس. قاموا لبسوا هما الاتنين.

حور لبست فستان أبيض منقوش بورد نبيتي وعليه خمار نبيتي وكوتش أبيض وظبطت خمارها لأنها دلوقتي بقت مستحيل تخرج من غيره. وفهد لبس بنطلون جينز عليه قميص أزرق ورفع الأكمام لغاية الكوع كان قمر أوي. خرجوا هما الاتنين وركبوا العربية ووصلوا الماركت. نزلوا وأخدوا عربية وعمالين يجيبوا حاجات كتير وماشيين يتمشوا. حور لفهد: تعرف نفسي أعمل إيه دلوقتي. فهد: إيه. حور بهمس: اركب في العربية دي وتفضل تزقني. قالتها هزار.

فهد بص حواليه وسحب عربية تاني. حور: هتعمل إيه. فهد مردش عليها وشالها حطها في العربية. حور بكسوف وضحك: يبني بطل بقى والله كنت بهزر. فهد بحب: وطول ما انتي معايا مش هخليكي نفسك في حاجة. حور بحب وخجل: طب الناس طيب تقول إيه. فهد وهو بيزق حور: يقولوا اللي يقولوه ميهمنيش حد. فهد فضل يزق حور بالعربية ولف بيها الماركت كله وحور مبسوطة جدا. بعد وقت. حور قاعدة على طرف العربية وفهد بيزقها وبيحطوا. اختاروا حاجات.

حور: بص شوف أنت هنا هلي ما أدور أنا في الكورنر ده. كل واحد فيهم مشي في اتجاه. فهد واقف بيبص لفوف وبيشوف الأنواع. بنت بمياصة: احم لو سمحت. فهد بجدية: نعم. البنت بدلع: ممكن تلاقيني العلبة اللي فوق دي مش قادرة أطولها. فهد لنفسه: عليا النعمة لو حور لمحتك هتجيبك من شعرك. فهد بضيق: أنهي واحدة. البنت بدلع: أهي دي. فهد يمد إيده يجيبها ليها وجابها وبيلفها. فهد: اتفضلي. وهنا حور جت بصت للبنت بضيق والبنت بصتلها كذلك ومشيت.

حور بضيق: وده إيه ده إن شاء الله. فهد بخوف: كنت بلافيها العلبة مش طيلاها والله. حور بضيق: ومش في ناس شغلهم كده ولا هو دلع وخلاص. فهد قرب منها: خلاص بقى متبقيش بومة وبدوري على أي خناقة وخلاص. حور بصدمة وغضب: تقصد إن أنا بومة. فهد بخوف: إيييه قطع لسان اللي يقول دنتي قمر القمرات. حور: أحلى حاجة فيك إنك بتثبتني بكلمة. فهد بصلها وضحك وكملوا لف. خلصوا وراحوا مطعم راقي جدا وقعدوا مستنين الأكل.

فهد: صحيح عايز أقولك على مفاجأة. حور: آه صح وأنا كمان بردوا. فهد: طب قولي. حور: لأ قول أنت الأول. فهد: لأ أنا الكبير وأنتي الصغيرة قولي بقى. حور: لأ قول أنت وبلاش حركات العيال دي. فهد بضحك: ماشي. بصي هي مش مفاجأة كده يعني أوي بس حاجة جامدة بالنسبالي. حور: لأ أنا مفاجأتي جامدة جمودة. قول يالا. فهد بابتسامة: جهزي نفسك عشان تروحي معايا بكرة أرويكي مقر الشركة الجديدة. حور بعدم فهم: شركة شركة إيه وبتاعت مين.

فهد بابتسامة: شركتي. حور بصدمة وفرحة: لأ بجد بتهزر صح. فهد بحب: لأ والله كنت بجهز فيها كل ده قلت لازم يكون لي كيان وكير كده لوحدي. حور: يعني معنى كده إنك هتفصل الشراكة اللي بينك انت وبابا. فهد: لأ طبعاً بس هيبقى عندي أسهم مع باباك وليا شركتي لوحدي. حور مسكت إيده بحب: ياروحى ألف مبروك عقبال ما يبقى عندك مجموعة شركات في كل العالم. فهد بحب: ربنا يخليكي ليا يا أجمل زوجة في الكون. حور ابتسمت بحب. فهد: آه صح أنتي مقلتيش.

حور: احم احم احم. فهد: لا منتي مش هتغني أخلصي. حور بضحك: الأهه استنى. فهد بتشويق: اها اخلصي. حور بابتسامة: أناااا حاااااامل. فهد: ...