رواية حور الفهد الفصل الرابع عشر 14 - بقلم الكاتبة ميسون عبدالمجيد

حور: أنا حامل فهد: 😐 حور بتشاور له: هيييي يا اخويا فهد: 😐 حور بضيق: أيوا يعني أنت كده فرحان ولا زعلان ولا إيه؟ فهد بصدمة: أنتي قولتي إيه؟ حور بابتسامة: حامل فهد بعدم تصديق: لا لا أنا حاسس إني مبقتش أسمع، قولي كده حور بضحك: حاااامل فهد: طب معلش قوليها آخر مرة حور ضحكت جامد: حااااامل فهد قام نط من على الكرسي لدرجة إن الكرسي بعد عنه فهد بصوت عالي وبفرحة: حاااااامل حامل يعني أنا هبقى أب ومن أجمل إنسانة قلبي عشقها

حور بصاله وحاطة إيديها على وشها بخجل فهد قرب منها: قومي يا سنية كل ده والمطعم كله بيتفرج عليهم فهد أخد حور وشالها على إيديه الاتنين فهد بصوت عالي وحب: احم احم معلش هقاطعكم لحظة الكل بص له بانتباه فهد: بصوا البنت اللي شايلها دي مراتي، لا دي حبيبتي وبنتي وصحبتي وأمي وأختي وكل دنيتي، بحبها أوي ونفسي العالم كله يعرف قد إيه أنا بعشقها المطعم كله سقف حور مكسوفة جدا فهد أخد حور اللي كان شايلها وخرجوا بره المطعم

حور بضحك وخجل: يا مجنون إيه اللي عملته ده؟ فهد بص لها وابتسم فهد مشي لغاية العربية وقعد حور عليها فهد بابتسامة: أنتي بتتكلمي جد يعني أنتي حامل؟ حور بضحك: لأ بعمل فيك مقلب، يا ابني هي دي مواضيع فيها هزار؟ آه والله كنت عند الدكتورة الأسبوع اللي فات وأكدتلي ده فهد بعبوس: أسبوع؟ أسبوع بحاله ومش قايلالي؟ حور بحب: قلت أخليها مفاجأة فهد حضنها: أجمل مفاجأة في الكون، بس أنتي حامل في الشهر الكام؟ حور: التاني

فهد: ربنا يكملك بخير وتجيبيلي أطفال كتير أوي وأعشقهم زيك بالظبط حور ابتسمت بحب فهد: بصي بمناسبة الخبر القمر ده اطلبي أي طلب وهنفذهولك حور: أي طلب؟ فهد بثقة: أي طلب حور: أي طلب أي طلب؟ فهد بثقة: أي طلب حور: نفسي نطلع اليخت ونقعد في شوية كده نستمتع فهد: يلا يا حور اتأخرنا لازم نروح ننام حور بغيظ: بطل استفزاز أوي فهد بضحك: أيوا أنتي مجنونة عايزانا نطلع باليخت الساعة واحدة بالليل؟ حور بصت له بزعل طفولي وعدلت وشها الناحية

التانية فهد مسك وشها بحب: خلاص هنطلع بس أظبط أموري وكله يبقى تمام وهنقعد شهر بحاله، إيه؟ حور بابتسامة: Promise فهد بابتسامة: Promise (وعد) فهد: بس بجد قولي أي طلب وأنا هحققهولك حور سكتت شوية عشان تفكر فهد: بس طلب محترم، ها؟ حور: اصبر تاخد حاجة نضيفة فهد بسخرية: مش بعيد تقوليلي هاتلي حتة من القمر حور ببرود: لا ده كلام فاضي، هشوف حاجة أجمد فهد بص لها بغيظ حور بفرحة زي الأطفال: باااااس لقيتهاااااا فهد بخوف: أستر يا رب

حور: ملاهي فهد: نعم يا يختي حور وهي بتنزل من على العربية: ملاهي، لعب، بلالين، غزل البنات، بحر، أغاني أم كلثوم، قهوة فهد: يا مجنونة أنتي دلوقتي حامل الملاهي غلط عليكي حور وهي بتجري قدامه: مش مهم نركب، يكفي إننا نمشي وسط كل دول فهد مسك إيد حور وفضلوا يتمشوا وسط الملاهي وكان فيهم حاجات بسيطة حور وفهد ركبوها حور: هاتلي غزل بنات بلون بينك فهد: بينك؟ حور: اهااا يلا بقا فهد جاب لها وفضلوا ياكلوا هما ماشيين حور وقفت:

الله الله الله فهد بخضة: في إيه يا بنت الناس حور: بلالين هليوم فهد راح اشترى لها كتير حور: بقلك إيه؟ فهد: اممم حور: تعالي ناخد كل واحد نفس هليوم ونتكلم فهد بضحك: تصدقي فكرة، نفسي أعملها من زمان فهد سحب بلون من اللي حور ماسكاهم وفتحها وأخد نفس كل ده وهما ماشيين في الشارع فهد أخد نفس كبير فهد بصوت كوميدي وعالي: بعشقااااااك ي حوووووور حور واخدة هي كمان نفس حور بصوت كوميدي وعالي: بحباااااااك ي فاااااهد

الشارع كله كان بيبص لهم وبيضحك على جنانهم خلصوا كل ده وراحوا مكان هادي كان شبه كافيه شاب جايب عربية عملها بيت وحاطط فيها أنوار هادية جدا على البحر وجايب كام فنجان قهوة وعود الشاب ده كان قاعد على الأرض وساند على عربيته ومسك العود وبيغني أغنية "كان لك معايا" لام كلثوم وحاطط صف فناجين قهوة لسه سخنة أي حد يجي ياخد فنجان ويقعد يسمعه قعدت أنا وفهد في جنب على البحر فهد قعد وأنا ساندة راسي على كتفه كان أحلى من العظمة

قضينا أجمل يوم في حياتنا، لا إحنا حياتنا كلها بقت جميلة أصلا واحنا مع بعض *** في يوم فهد قاعد على السرير حور جت عليه: فهدي فهد وهو باصص للكتاب: اممم حور قربت منه: فهدي فهد وهو باصص للكتاب: اممم حور قربت منه بغيظ ومسكته من شعره رفعت راسه لفوق حور بضيق: لما أنادي عليك أو أكلمك ترد عليا، سامع؟ فهد: شعري طيب براحة حور نفخت بضيق فهد: نعم، عايزة إيه؟ حور بضيق: أتكلم بطريقة أحسن من كده، مش بشحت منك أنا فهد بهمس:

يا الله يا صبر أيوب حور: بتقول إيه؟ على صوتك سمعني فهد بيضغط على شفايفه بغيظ: مبقلش، اتنيلي كنتي هتقولي إيه؟ حور ببراءة: هحطلك ميك أب فهد بصدمة: نعممم!!! حور: لا متفهمش غلط، أكيد مش هحطلك ميك أب كده، هرسم لك على وشك فهد بزهق: حور وحياة أمك طلعي هرمونات الحمل دي عليا أنا مش طايق نفسي حور بطفولة: هرسم لك كلب فهد بصدمة: نعمم حور: احم خلاص خليها قطة فهد: ده أنيل حور: طب فيل فهد: حور: طب حصان فهد: حور بغيظ: خنزير

فهد بصوت عالي: قلت لأ يعني لاااااا بعد مرور ساعتين حور: باااس كده خلصت، رسمت لك كلب إنما إيه؟ فهد بهمس: أقتلها وأرتاح، دي يعني يا ربي حور: بتقول حاجة يا روحي؟ فهد بابتسامة غضب: ابدا يا عمري، بقول هقوم أغسل الهباب اللي عملتيه ده حور: لا استني فهد: إيه تاني؟ حور: أتصور معاك وأنت كده فهد ضحك على الطفلة اللي قدامه

بتعدي الأيام وحور بطنها بدأت تظهر، بقت في الشهر الرابع من مرور الوقت بتتجمن أكتر لكن فهد مستحملها وعارف إن ده هرمونات حمل *** في يوم حور قاعدة على السرير بتقرأ مجلة فهد وهو طالع على السلم وبيزعق: حوووووور حور اتفزعت من مكانها حور بخضة: في إيه مالك بتزعق كده ليه؟ فهد دخلها بغضب: ممكن أعرف إيه ده؟ حور بخوف: ...