رواية حور الفهد الفصل الثامن عشر 18 - بقلم الكاتبة ميسون عبدالمجيد

حور بزعيق: ميرااااا زفت! ميرا بغضب طفولي: ميرا واسم ميرا واللي جابو ميرا. حور بزعيق: بنت! ميرا ببرود: سوري. حور بغيظ: اسمها اسفة. ميرا ببرود: اوكي سوري. قصدي اسفة. حور بهدوء مخيف: ميرا. ميرا ببرود: نعم. حور: ادي لعمر التاب بتاعه عشان ميتكسرش. ميرا وهي بتلعب صب واى: لا لسة مخلصتش. عمر بغيظ: ي بت انتي هبلة ولا عبيطة ولا شكلك كدة التاب دا بتاعي يعني المفرود متبصيش عليه اصلا.

ميرا ببرود: لا طبعا مش بتاعك بابي اللي جابه يبقي بتاعنا كلنا. عمر بغيظ شديد: اقتلها. حور: اقتلها وانا معاكم. ميرا ببرود وتكبر: محدش فيكو يقدر يقربلي. حور فقدت اعصابها: ميراااااا! فهد جه عليهم: مالكم مالكم صوتكم عالي ليه؟ حور بغيظ: ابعد البت دي عني هقتلها. فهد: مالك يست ميرا نيلتي ايه تاني؟ ميرا بابتسامة: صباح الفل علي اجمل بابي في الكون. فهد حدفلها بوسة في الهوا: قلب بابي من جوا.

حور بنرفزة: بقولك هقتلها وانت بتحذفها بوسة. فهد بضحك: مالها عملت ايه؟ عمر: واخدة التاب بتاعي ومش راضية تسيبه وعندي محاضرة اون لاين كمان عشر دقايق. ميرا بتطلع له لسانها: ومش هدهولك هه 😌😛😛 فهد: ميرا ادي عمر التاب. ميرا ببرود: لا ي بابي. فهد بحدة: ميرا ادي عمر التاب. ميرا بغيظ: ي بابي بس.. فهد بحدة: ميراااا. ميرا نفخت بضيق: هووو امسك الزفت. حور بزعيق: بنتتت. ميرا وهي طالعة اوضتها: سوري. قصدي اسفة. عمر سابهم ومشيهم.

حور بغيظ: البنت دي هتجنني مفيش كلمة بتسمعها ومفيش حاجة بترضيها لازم تعاند في أي حاجة وخلاص. فهد برفعة حاجب: مش عارف طالعة عنيدة كدة وعصبية لمين. حور باحراج: احم دا كان زمان. فهد بضحك: والله. دي ميرا نسخة مصغرة منك. حور: ي سلام طب ماهي كرما نسخة مصغرة منك. فهد بحب: ياستي ربنا يخليهم. صحيح كوكي ومارو فين؟ حور: كرما في الكلية عشان انت عارف مناقشة الدكتورا بتاعتها خلاص ومروان في التمرين. فهد: اهاا تمام.

بعد وقت كان الكل متجمع على السفرة. ميرا: هات الشوكة دي. عمر: ليه طب ما انتي معاكي شوكة. ميرا بعند: لا أنا عايزة إللي قدامك دي مش عجباني. عمر بغيظ: ي ماما انتي بتجري شكل وخلاص هو انا مدايقك في حاجة قولي قولي. ميرا بعند: هو مزاجي كدة هات الشوكة دي عشان مقومكش. الكل باصلها بذهول. عمر بصدمة: تقوميلي يبنتي انتي عارفة بتقفي جنبي مش بتحصلي ركبتي. ميرا بغرور: أنا صغنونة وحلوة زي الشوكلاته إللي ايس كريم كون.

حور بغيظ وغل: لا وربنا كدة كتير هتجبلي شلل اااه قلبي. كرما: خلاص بقي اتفضلي ي ميرا هانم شوكتي أنا بس بقي عشان ماما متتعبش. ميرا ببرطمة: اهو ابله نظيرة حضرتنا. كرما بغيظ: عارفة ي ميرا لو قمت هجيبك من شعرك. ميرا طلعت لها لسانها بغيظ ووجهت كلامها لعمرو: وانت بقلك هات الشوكة عايزة اكل. عمر قام وقف قدامها: هو انتي فاكرة نفسك مين. ميرا ببرود: ششش لفيني الشوكة عايزة اكل. عمر بصلها بغيظ. حور: اقتلها يبني انا اهو بقلك اقتلها.

عمر بدون مقدمات مسك ميرا من ضهرها وشالها زي الأنبوبة وحط وشها في الارض. عمر وهو بيخرج: تعاليلي بقي انا هعلمك الادب عشان انتي اخر العنقود دي مابينسو يربوه وانا بقي هربيك. عمر خرج بيها الجنينة والكل بيضحك عليهم. فهد بضحك: جننتهم. حور: لا وانت الصادق دي تجنن بلد بحالها. فهد لكرما: وانتي ي كوكو اخبار جامعتك ايه؟ كرما: اهو اخيرا الحمدلله خلصنا البروجكت. حور: مناقشة الدكتورا امتى؟ كرما: كمان اسبوعين باذن الله.

فهد بابتسامة: بخير ي حبيبي. كرما: اممم اوعي يكون مليش مكان في الشركة. فهد بابتسامة: ي قمر ده انا اجيبلك شركة واتنين لوحدك. كرما حدفتله بوسة في الهوا. مروان بضيق: طب يلا ي ماما نسيبهم عشان ياخدوا راحتهم تحبو نجيب شجرة واتنين لمون. فهد بضحك: بس ي سوسة انت. كرما: تعشق انك تولع الدنيا. مروان بغرور: ربنا يقدرني على فعل الخير. فهد: وانت ي استاذ ايه اخبار مذاكرتك ودروسك؟

مروان وهو بيقوم: كله تمام وميت فل. اذنكم بقي عشان الحق يارا في الجيم. فهد بصدمة: يارا وجيم! اقف ي ولد هنا انت رايح فين؟ مروان بضحك: في ايه ي بابا انا بلعب ببجي مع يارا اون لاين وسايبها لوحدها. وسابهم وطلع. عمر وهو داخل: انا طول عمري اقول الواد دا مش تبعنا. فهد باستغراب: فين ميرا؟ عمر بارتياح: غرقتها في البسين. كلهم بصدمة: اييييه! ميرا من ورا رجل عمر: هاااي انا هنا مش هسيبكم ابدا. كلهم ضحكوا.

حور بضحك: طب تعالي ي زفتة عشان ناكل اقعدوا. وقعدوا كلهم. حور بتوزع: خدي ي ميرا. يلا ناكل. ميرا: لا مش عايزة دي. حور: امال. ميرا: إللي قدام عمر. عمر بصلها وقرب يطق: تاخدي روحي ي حبيبتي والله لو دا هيريحك اتفضليها. فهد: ميرا بلاش عند ويلا كلي. ميرا: لا مش هاكل غير بتاعت عمر عجبتني. عمر حطها قدامها: اتفضلي ي حور اطفحي أما نشوف اخرتها معاكي. حور ابتسمت بغرور واكلوا كلهم. النهاية. بعد مرور اسبوعين.

كل واحد في اوضته بيلبس عشان مناقشة كرما. حور بتعب من ميرا: بس ي وفته اهو خلصتي. ميرا بضيق طفولي: على فكرة ليا اسم اسمي ميرا مش كل شوية زفتة زفتة. حور بغضب: امشي ي زفتة من قدامي عشان مديكي قلم عدل لسانك ده. فهد بضحك: تعالي ي ميرا احطلك برفيوم. ميرا وهي بتجري على برا: لا هحط من عند عمرو. خرجت. حور بضحك: اموت واعرف إللي بينها وبين عمرو. فهد بيقرب منها: اسكتي بس سيبك من العيال دول. المهم. حور بخجل: اها.

فهد بابتسامة: وحشتيني. وقرب منها. حور بخجل: بس بقي عيب كده احنا كبرنا خلاص. فهد وهو بيحضنها: كبرنا مين بس ده انتي قمر. سيبهم يحبو في بعض. عند عمر واقف قدام المرايا بيظبط لياقة قميصه. ميرا بأمر: يلا حطلي برفيوم بس يكون نوع حلو وغالي. عمر بص لانعكاس صورتها في المرايا: هشش ي عسل هنرش مي. ميرا: يلا حطلي. عمر: ي حبيبتي ده برفيوم رجالي وانتِ هتتهيألي بنتي. ميرا ببرود: ملكش دعوة حطلي بدل ما اقول لباب.

عمر برفعة حاجب: هتقوليله ايه. ميرا ببرود: هقله انك كنت بتكلم شمس. عمر بغيظ: يابنتي انتي هبلة ولا عبيطة ولا ايه بالظبط شمس دي زميلتي وكنت باخد منها المحاضرة. ميرا: ايوا قدامنا بتاخد منها المحاضرة يا عالم من ورانا بتاخد منها ايه. عمر بيسمعها بصدمة: ميرا شايفة الشباك ده. ميرا: اها. عمر: هرميكي منه لو ممشيتيش دلوقتي. ميرا ببرود: متقدرش. عمر مثل الغضب وقرب منها. ميرا بتجري: عاااااا ي باااابااااا.

وطلعت تجري وعمر عمال يضحك. بعد وقت كان الكل قاعد في المكان المحدد وبيسمعوا كرما بانتباه وكانت ممتازة جدا ولائقة. بعد فترة كانت كرما حصلت على شهادة الدكتوراة. كرما في المايك: احم تسمحولي اقول كلمة. الدكتور: اتفضلي. كرما بصت

لعيلتها وقالت في المايك: عايزة اوجه رسالة شكر لأجمل عيلة في الدنيا بجد هما بس الفضل يجرالهم بعض ربنا. أنا ابويا راجل اعمال كبير ومعروف باسم فهد العمري وأنا كمان كنت ممكن اشتهر باسم كرما العمري بس لأ أنا مليش دعوة بالاسم ده لان الاسم ده ملوش علاقة بيا. إللي ليه علاقة بيا هو فهد طارق العمري إللي لما بروح أي مكان بفتخر بإسمه ومش بقول غير كرما فهد لان هو الوحيد إللي تعب فيا واكيد مش هذكر لان لو قعدت من هنا لاخر حياتي مش هخلص.

فهد بصلها بحب. كملت كرما: أما الحب كله بقي فا هي حور سالم نصر امي واعظم ام في الدنيا. أنا مش هقول على تعبك معايا طول ٢٥ سنة دول لان عمري ما هقدر اوفيكي حقك بس كفاية إنك حملتي فيا واستحملتي وجع وولادة وحاجات صعبة أكتر. بجد بحبك أوي. حور بصلها بحب شديد وبعتتلها بوسة في الهوا لان حور بتعشق كرما لانها طلعت نسخة مصغرة من فهد في جديته وتفهمه وذكائه وعقله الكبير وحنيته. بتموت فيها.

أكملت كرما: أما عمر فا ده حبيبي وقلبي كله. صحيح أكبر منك بأربع سنين بس ديما بحس إنك أكبر مني وسندي في الحياة بعد ربنا وبابا. وأي حاجة مع بعض فيها ربنا يخليك ليا ي حبيبي. عمر بصلها وحرك شفايفه بكلمة بحبك. أكملت كرما: أما مارو بقي فا ده دماغ لوحده وديما بعيد عننا بس طبعًا إحنا ملناش غير بعض وأنا وهو أصحاب أوي واستحالة تحصل معاه حاجة وميقليش عليها. بحبك ي مورو. مروان بصلها وابتسم بحب.

أكملت كرما: أما بقي آخر حاجة ودي أغلى طبعًا فا هي ميرا آخر العنقود وفكهة البيت كله. اليوم إللي مش بتبقي قاعدة معانا البيت بيبقى كئيب وممل. هي أساس البيت على قد جننها وعنادها بس كلنا بنعشقها ليه؟ لانها نسخة من ماما زمان. ميرا بصوت عالي: بحببببك ي كووكووو. كرما: وبس كده دي نبذة صغيرة أوي عن عيلتي الجميلة إللي بموت فيها ومن غيرها مقدرش أعيش. بحبكم أوي. كلهم وقفوا وسقفولها كتير.

فهد وحور واقفين جنب بعض فرحانين جدا وفخورين بنتهم. خلصوا وخرجوا كلهم برا القاعة. ميرا: بمناسبة اليوم الجميل ده لازم نحتفل. مروان: صح ي كوكو ولا إيه ي بابا. فهد: ومين قال بقي إننا مش هنحتفل. ده انا محضرلكم مفاجأة ومحضر لكوكو مفاجأة قمر زيها. كرما بحب: ربنا يخليك ليا ي أجمل بابا في الدنيا. فهد حضنها. بعدها وقفوا فهد جنب حور في نص التربيزة وجنب فهد واقف ميرا وكرما وجنب حور وقف عمر ومروان. قعدوا يحتفلوا ويغنوا شوية.

فهد لحور: بحبك ♥️ حور لفهد: بحبك ♥️ تمت النهاية.