رواية حور الفهد الفصل الثالث عشر 13 - بقلم دنيا احمد

وصلنا لحد ما علي وجهه السلاح. علي حور وضرب طلقة. حور غمضت عينيها، بس حست إن مفيش حاجة حصلتلها. فتحت عينيها لقت إن الرصاصة خدها فهد بداله، وفهد كان على الأرض وسايح في دمه. حور وقعت على الأرض. حور: فهد، فهد اصحى يا فهد، متسبنيش يا فهد. وقعدت تبكي. وعلي حاول يهرب بعد اللي عمله، بس الحكومة جت وخدته هو ورجالته. وحور كانت بتبكي ومش مصدقة كل اللي حصل. الإسعاف جت وخدت فهد وحور على المستشفى.

وصلوا المستشفى وفهد دخل عمليات علطول. وحور وقعت على الأرض وقعدت تبكي. كانت خايفة إن فهد يسيبها. أبو فهد جه وشاف حور بتبكي. أبو فهد: حور بنتي، إيه اللي حصل؟ فهد عامل إيه؟ حور: فهد، فهد يا عمو. واغمي عليها. "نقولها الأوضة." وأبو فهد مش عارف يعمل إيه، خايف على حور وعلى فهد. الدكتور طلع من أوضة العمليات وأبو فهد جري عليه بسرعة. أبو فهد: ابني يا دكتور، ابني حصل له إيه؟

الدكتور: الطلقة جت جنب القلب ونزف كتير أوي، إحنا بنحاول نوقف النزيف. هو مش عاوز غير الدعاء. أبو فهد حزين أوي، خايف يكسر ابنه وبنت أخوه. وحالته كانت صعبة أوي. صاحب فهد جه. سيف: عمي فهد حصل له إيه؟ اللي حصل؟ أبو فهد: فهد بيموت يا سيف، وحور أنا بخسر ولادي يا سيف. سيف: اهدأ يا عمي، فهد وحور هيكونوا كويسين. أبو فهد: يا رب يا سيف، يا رب. سيف راح عشان يشوف حور. لقى الدكتورة خارجة من الأوضة. سيف: دكتورة، لو سمحتي، حور كويسة؟

إيه اللي حصلها؟ الدكتورة: هي حصلها صدمة عصبية. سيف: طب هي هتصحى امتى يا دكتورة؟ الدكتورة: هتصحى بعد شوية، إحنا ادنها مهدئ وإن شاء الله هتبقى كويسة. سيف: شكراً يا دكتورة. عند فهد، حالته كانت بتسوق أكتر والدكاترة بيعملوا كل اللي بيقدروا عليه. وأبو فهد وسيف الخوف مالكهم. سيف خايف يخسر أخوه وصاحبه اللي طلع بيه من الدنيا. وأبو فهد خايف يكسر ابنه وبنت أخوه ومش عارف يعمل إيه. عند حور، كانت بتفتكر اللي حصل وبتهلوس.

ولما افتكرت فهد والرصاصة، قامت وهي بتصرخ باسم فهد. الممرضة دخلت تشوفها بسرعة. حور: فهد، فهد كويس صح؟ طمنيني. الممرضة: اهدي يا مدام، إنتي تعبانة. حور شالت الكانولا من إيديها وخرجت بره الأوضة عشان تشوف حبيبها. حور وصلت لأوضة العمليات وشافت أبو فهد وسيف. حور: عمي، فهد كويس صح؟ أبو فهد: اهدي يا بنتي، إنتي تعبانة وإن شاء الله فهد هيكون كويس. وفي اللحظة دي خرج الدكتور من الأوضة.

الدكتور: إحنا عملنا كل اللي نقدر عليه وقدرنا نوقف النزيف. وخلال 24 ساعة الجايين لو مصحاش هيدخل في غيبوبة. الكلام نزل عليهم بصدمة كبيرة. حور: فهد هيبقا كويس، أنا عاوزة أشوفه. الدكتور: مينفعش يا مدام، حالته مش سامحة إن حد يدخل يشوفه. حور: خمس دقايق يا دكتور، صدقني مش هتطول. أبو فهد: معلش يا دكتور، 5 دقايق بس خليها تشوفه. الدكتور: خمس دقايق بس. بعد شوية هبعت الممرضة تعقمك وبعدين تدخلي له.

وعم الصمت عليهم وحور خايفة على حبيبها أوي. الممرضة جت بعد نص ساعة. الممرضة: اتفضلي يا مدام، أعقمك عشان تدخلي للمريض. حور: حاضر. ومشت معاها أوضة التعقيم واتعقمت. ودخلت عشان تشوف فهد. لقيت حبيبها بين أسلاك كتيرة ووشه باين عليه التعب. حور قربت منه ومسكت إيده وقعدت تبكي وتقوله كلام كتير أوي. قد إيه هي حبته وهو بقى مهم في حياتها ومن غيره متقدرش تعيش.

حور: فهد، اصحى يا حبيبي، مش هقدر أعيش من غيرك. عارف يا فهد أنا قد إيه بحبك. وقعدت تبكي بحرقة. وفجأة حصلت حاجة محدش متوقع إن تحصل.