رواية حور الفهد الفصل الثاني عشر 12 - بقلم دنيا احمد

وصلنا لحد ما كان فهد وحور في المطعم بيحتفلوا بعيد ميلاد حور. وفجأة حصلت حاجة غير متوقعة. ظهر ناس كتيرة ومعاهم سلاح. حور: في إيه؟ مين دول؟ فهد: متخافيش يا حور، إنتِ معايا. فهد: إنتوا مين وعاوزين إيه؟ واحد من الرجالة: إحنا اللي جايين ناخد روحك. حور حضنت فهد جامد عشان كانت خايفة عليه أوي وخافت يحصله حاجة. فهد: إنتوا تبع مين ومين اللي بعتكم؟ واحد تاني من الرجالة: حالاً هتعرف كل حاجة يا فهد يا دمنهوري.

وفجأة ظهر واحد وتقريباً ده المعلم بتاعهم. فهد: إنت ي خالد؟ علي: أيوه أنا، أنا اللي جاي أقتلك وأرتاح منك. فهد: عملت لك إيه عشان عاوز تقتلني؟ ده إنت اعتبرتك صاحبي. علي: إنت عمرك ما اعتبرتني صاحبك؟ إزاي يا فهد الدمنهوري تصاحب واحد معندوش حاجة من كل اللي عندك؟ إزاي تصاحب واحد أقل منه؟ وإنت عارف إني بكرهك أوي، عارف ليه؟ عشان عندك كل حاجة، حتى اللي حبيتها راحت لك. إنت عشان معاك فلوس.

فهد: أنا عمري ما فكرت فيك كده، ليه بتقول الكلام ده دلوقتي؟ علي: وحبيبة مين اللي أخدتها؟ أنا ما أخدتش حاجة من حد، هي اللي كلبة فلوس، جريت ورايا عشان معايا فلوس، وهي واحدة خاينة. لما لقت الأغنى مني راحتله، جاي ليه تقولي الكلام ده دلوقتي؟ فهد: عشان زمان ما كنتش أقدر أقولك أي حاجة. علي: بس دلوقتي أقدر أقول وأعمل أي حاجة أنا عاوزها. كل حاجة بقت معايا، فلوس ورجالة وسلاح وكل حاجة.

فهد: عاوز تنتقم مني عشان واحدة خاينة بتاعت فلوس؟ لو هي كانت بتحبك ما كانتش جت لي. علي: خلص الكلام يا فهد يا دمنهوري، جه الوقت اللي أنتقم منك على كل حاجة. حور مش مستوعبة أي كلمة من اللي بتتقال. فهد وقف قدام حور عشان مش تتأذى. علي: ههههه، بتخبيها مني؟ بس مش همشي غير لما أحرق قلبك يا ابن الدمنهوري. هحرق قلبك زي ما حرقت قلبي. فهد: إياك تقرب منها وأنا أقتلك يا علي.

حور كانت بتبكي بهستيريا، مش عشان خايفة تموت، عشان مش هتشوف فهد تاني. فهد فهم هي بتفكر في إيه. فهد: إنتي هتفضلي جنبي ومحدش هيقدر يأذيكي. وخدها في حضنه. وفجأة علي وجه المسدس على حور. فهد: أنا مستعد أعملك أي حاجة، بس إياك تقرب منها. علي: عشت وشفت فهد الدمنهوري بيحب وبيخاف على حد كده. فهد: قولي عاوز إيه، بس حور بره الموضوع. علي: وأنا مش عاوز غير أحرق قلبك. وعشان أحرق قلبك لازم أقتلها. علي وجه المسدس على حور وفهد.

فهد خبى حور وراه ضهره. علي: بتخبيها يا فهد يا دمنهوري. حور وقفت قدام فهد. حور: أنا مستحيل أخلي حاجة تحصلك. اضرب، مش عايز تقتلني؟ اقتلني. علي رفع المسدس وضرب طلقة. ياترى الطلقة جت في حور؟ ولا حد تاني؟ وياترى حب فهد وحور هيدوم ولا حبهم كده خلص؟