رواية حور الصعيد الفصل الرابع عشر 14 - بقلم منة السيد

في الصباح، حور حست إنها مقيدة. فتحت عيونها لقت فارس حضنها من خصرها ووجهه مقابل لوجهها. بصتله بحب وفضلت تتأمله وتتحسس ذقنه. فارس صحي على إيد بتلعب في دقنه. بصلها بابتسامة وقالها: صباح الخير. حور شافته صحي شالت إيديها بسرعة وقالت بارتباك: صباح النور. فارس بخبث راح قايلها: مقابلها من خدها. حور قلبت طماطم وقالتله: ااا أنا عايزة أروح الحمام. راح قايم فارس وشايلها. حور: طب استني هاخد هدوم. فارس وهو بينزلها في البانيو:

ماشي أنا هروح أجيب. فارس راح عند الدولاب وفتحه. لقى فستان بنفسجي بعد الركبة بشوية وفيه فيونكة بيضة ستان. راح واخده وأداهولها. علقهالها ورا الباب وقالها: أنا هقفل الباب أنا وإنتي غيري. وخذي شاور ولما تخلصي ناديني. حور هزت دماغها. فارس طلع وقفل الباب. قعد حوالي ربع ساعة لقاها مخلصتش. نده عليها. فارس: حور... حور إنتي لسه مخلصتيش. حور من الحمام: ثانية واحدة.

فارس قعد شوية كمان. لقاها مطلعتش. راح دخل عليها لقاها قاعدة على البانيو ولافة الفوطة على جسمها وبتعيط. فارس بقلق: في إيه؟ حور: مش عارفة، حاسة إني مش عارفة أتحرك النهاردة كويس. فارس: خلاص يا حوري متعيطيش. وراح ناحيتها وأخد الفستان ودخله في رقبتها وهي لابسة الفوطة ودخل إيديها من الكمام. وبعد كده نزل الفستان وحور شدت الفوطة بكسوف وهو قفلها السوستة من ورا وربطها الفيونكة. وبعد كده شالها وقعدها على السرير.

وراح جاب السيرم والفرشة وقعد هو كمان على السرير وسرحلها شعرها. وبدأ يكلمها وهو بيسرحلها. فارس: حور. حور: نعم. فارس بابتسامة: تحبي تكملي تعليم. حور راحت ملتفتاله بصدمة: بجد؟ فارس: أيوه بجد. حور بطفولة: هييييييييي. وراحت مقبلاه من خده وحضنته. فارس هو كمان شدد من احتضانه ليها. حور بعدت بكسوف. فارس: بصي بقى يا حور الصعيد. حور بابتسامة جميلة: أنا حور الصعيد. فارس:

أيوه حور الصعيد يا حوريتي. المهم لسه الدراسة فاضل عليها شهر. تحت، هنية ماسكة ودان فاطمة. هنية: متعمليش حاجة يموكوسة. هتسيبيها تاخده منك؟ فاطمة بضيق: مش عارفة أعمل إيه يا خالتي. هنية: إحنا لازم نخليه يا يطلقها يا أما يتجوزك عليها. فاطمة بتوعد: لسه أيامها الجاية كتير. نروح عند الأطفال. صحوا من النوم نزلوا تحت وكانت هنية وفاطمة في المطبخ بيحضروا الفطار. الأطفال نزلوا باسوا جدهم. المحمدي: حبايب قلبي جدو. فين أبوكم وأمكم؟

إياد: إحنا مش طلعنا يا جدو. المحمدي: خلاص يا حبايبي روحوا شوفوهم. هينزلوا يفطروا. وفارس وهو شايل حور. فارس: إحنا نزلنا النهاردة يا أبوي. ونزلوا قعدوا على السفرة. ومريم ومازن نزلوا برضه.