رواية حور وحمزة الفصل الخامس 5 - بقلم ريناد احمد

نادين ببكاء: كنت عايزة أنتقم من عمر. حمزة: عمر مين؟ نادين بصدمة: ... حمزة بهدوء: مين عمر يا نادين؟ نادين بتوتر: ده واحد زميلي وكان بيضايقني، فكنت عايزة أنتقم للي هو بيعمله. حمزة بغضب: اسمه عمر إيه بالظبط، وأنا هجيبهولك تحت رجلك وهعرفه يتعامل معاكي ومع غيرك إزاي. نادين بتوتر: إيه... إيه لا مش مهم خلاص، أول ما يضايقني في أي حتة هقولك على طول.. بلاش مشاكل. حمزة: تمام يا نادين.. تمام. _لا إله إلا الله.

سليم لنفسه: بس أنا بحبها. كل شوية أقوله لا ما تقولهاش. وكل شوية أنا أحاول ما أحبهاش. بس غصب عني، أنا مش عايز أزعل صاحبي مني، ده أغلى واحد في حياتي، شايف حب لين ليا وساكت، أنا غبي، بجد غبي. قاطعته سيهار "أخت سليم": مالك يا سليم؟ سليم: تعالي يا سيهار ادخلي. سيهار: مالك طيب؟ سليم: هقولك بس ما تلومنيش لأني عارف إني غلطان وفي نفس الوقت ما بعرفش أخبي عليكي حاجة. سيهار: قول يا حبيبي مالك؟ سليم حكى لها كل شيء.

سيهار بحزن على حالة أخيها: أنا رأيي إنك تدي فرصة للين وحاولي تحبيها طالما أنت شايف إنها بتحبك. سليم: صح وأنا هعمل كده. وعانق أخته: شكرًا لأنك جنبي. سيهار بابتسامة: لو ما وقفتش جنبك هقف جنب مين يعني؟ وأكملت: مستنية الثنائي الجميل "سليم ولين"، هبقى عمتو حرباية على فكرة. سليم: عقربة. سيهار: الاثنين واحد يا أسطا في إيه. وضحك الاثنان. _سبحان الله وبحمده سبحان الله العظيم. باليوم التالي: سليم: إزيك يا لين؟

لين: الحمد لله وأنت عامل إيه؟ سليم: الحمد لله. سليم: ممكن أخرجك النهاردة ونروح كافيه وأتكلم معاكي؟ لين بفرحة: تمام امتى؟ سليم: بعد الجامعة؟ لين: تمام. حمزة: عاملة إيه يا حور النهاردة؟ حور: الحمد لله أحسن بكتير وأنت أخبارك إيه؟ حمزة: الحمد لله. حور: يدوم الحمد يا رب.. أنا هدخل المحاضرة بقى. حمزة: تمام وأنا كمان. حور: تمام. بعد الجامعة: سليم: تشربي إيه؟ لين: أي حاجة على ذوقك. سليم: بتحبي الآيس كوفي؟

لين أشارت له بالإيجابية. سليم: 2 آيس كوفي لو سمحت. -تحت أمرك يا فندم. سليم: كنت عايز أتكلم معاكي في حاجة. لين: اتفضل. سليم فجأة: لين، تتجوزيني؟ لين بصدمة: إيه! سليم: تتجوزيني؟ لين: ... سليم: شكلك مش موافقة. لين بفرحة: لا بس فاجئتني.. موافقة. سليم: هاتي عنوانك عشان أجي أتقدم. لين بتوتر: حاضر. وقالت له عنوانها. سليم: انتظريني. لين بابتسامة: تمام. _الحمد لله. بعد أسبوع: أحلام: جايلك عريس يا حور.

حور تذكرت عمر وخيانته لها: مش عايزة حد يا ماما. فراس: حد كويس وإحنا نعرفه بالذات أنتِ. حور: بالذات أنا!! فراس أشار لها بالإيجابية. محمود: هو جاي بكرة يا حبيبتي.. شوفيه وقولي رأيك. حور أشارت بالإيجابية. باليوم التالي: أحلام: حضري نفسك يا حبيبتي. حور: حاضر يا ماما. حور ارتدت فستانًا لونه لبني وكانت تشبه الأميرات. أحلام: يلا يا حور عشان تطلعي. خرجت حور للعريس. حور: السلام عليكم.. حمزة!!! أشار لها بالإيجابية.

حور: إزاي حضرتك يا عمو.. إزاي حضرتك يا طنط.. ووقفت عند نادين بصدمة: أنتِ!!! نادين: إيه ده أنتِ!!! حمزة: أنتوا تعرفوا بعض؟ حور: تقربلك إيه دي يا حمزة؟ حمزة: أختي في إيه؟ حور بصدمة: أختك!!! حمزة: آه أختي.. مالك في إيه؟ حور: لا ما فيش. محمود: حور، حمزة شخص محترم وخلوق جدًا ووقف جنبك كتير وبيحبك يا حور. حور: ... حمزة: حور، مش هتتكلمي؟ "عمر: دي.. دي.. نادين: حبيبته وقريب إن شاء الله هبقى خطيبته أنت مين؟

قاطع شرود حور صوت فراس: أنتِ كويسة؟ حور بحزن أشارت له بالإيجابية. محمود: موافقة يا حور؟ حور: ... فراس: حور.. مالك في إيه يا بنتي؟ حور وقفت فجأة: مش موافقة يا بابا.