رواية حور وتامر الفصل الحادي والعشرون 21 - بقلم جاسمين

شرحلهم المحاضره اللي فاتتهم، وقبل ما يمشوا حور: دكتور تامر تامر: نعم يا حور؟ حور مدت ايدها بفلوس وقالت: فلوس الادويه اللي حضرتك جبتها.. حضرتك مش ملزم تصرف عليا. بصلها ورفع حاجبه وهو بيقول: ايه كمية حضرتك الكتير دي؟ أومال لو مكنتش أكبر منك بسنتين.. كنتي قلتيلي يا أبيه. كارما ضحكت وحور بصتلها فسكتت وهي متابعة الموقف. حور بجدية: اتفضل. تامر: اعتبريهم هدية. حور: بمناسبة إيه ان شاء الله؟ تامر: يا ستي من غير مناسبة.

حور: وأنا مُصره.. لو سمحت خد فلوسك. تامر: وإن قولتي لأ. حور: مش هاخد الدوا تاني. تامر: يعني تتعبى نفسك عشان فلوس؟ حور: آه.. أنا مقبلش إن حد يصرف عليا. تامر بلامبالاة: وهو أنا بصرف عليكي؟ حور: بص.. أنا مش هتكلم كتير.. بس برضو هتاخد الفلوس.. ومليش دعوة. تامر: أيوا عايزة مصاصة يعني ولا إيه؟ كارما ضحكت تاني.. وحور بصتلها. حور: يوووه.. خد فلوسك ومتتريقش. تامر: خلي الفلوس ومش هتريق. حور: انت رخيم ليه؟

تامر: حد يقول للدكتور بتاعه رخيم؟ حور بحرج: احم.. آسفة.. بس هتاخد فلوسك يعني هتاخد فلوسك. تامر بجدية: مش هاخدهم وده آخر كلام. *** وصل بيته وهو بيسأل عن تامر، ومكنش فيه غير يارا بس اللي في البيت. أبو تامر بتعب: أومال تامر فين يا يارا؟ يارا: راح عند حور يذاكرلها شوية المحاضرات اللي فاتتها. أبو تامر: مقلتيش هيرجع إمتى؟ يارا: اتصلت بيه من شوية.. وقال نص ساعة وهييجي.. بس معرفش اتأخر ليه. سمعوا صوت الباب بيخبط..

يارا فتحت وهي بتقول: حمد الله على السلامة.. كملت بتريقة: نص ساعة وجاي بست. تامر دخل وقال: لمضة.. لمضة.. اهدى على نفسك شوية. يارا: ادخل وبطل رخامة. تامر بصلها ودخل قعد قصاد أبوه. أبو تامر: اتأخرت ليه؟ تامر بتعب: عنيدة أوي. أبو تامر: حور! تامر: آه.. حبستني في البيت عندها ومخلتنيش أخرج إلا لما تديني فلوس الدوا بتاعها. أبو تامر: وانت خدتهم!

تامر: فظيعة يا بابا.. بهدلت الدنيا.. وأم صاحبتها كارما نزلت.. ولقيت عم كمال طالع يهدّي فيها.. وهي مُصره إني آخد الفلوس وقلبت الدنيا. أبو تامر بضحك: هي غلبوية بس طيبة. تامر: هو أنا اللي مصبرني عليها غير طيبتها. *** كارما: يا جبروتك يا شيخة. حور: اتمسي وقولي يا مسا. كارما: بقا ييجي لحد عندنا ويشرحلك المحاضرة اللي فاتتك ويشرحلي معاكي.. وفي الآخر تفرجي عليه الناس. حور رفعت كتفها وقالت: ما هو اللي مرضاش ياخد الفلوس.

كارما: يا سلام. حور بجدية: كارما انتي عارفة إني مش بقبل على نفسي إن حد يصرف عليا مليم. كارما: بس يا حور بردو.. مش كدا. حور: مش هو اللي عنيد. كارما: وانتي أعند منه بمراحل. *** يارا على الأكل: عمو.. تامر. بصلها وهما مستنيين منها تتكلم. يارا بكسوف: أنا اتصلت بالشاب اللي عايز يتقدملي.. وقالي إنه هينزل مصر الأسبوع الجاي. أبو تامر: على بركة الله يا بنتي.. لو شاب كويس فإحنا أكيد هنوافق. يارا بتسرع: هو كويس والله أنا عارفة.

تامر ضحك وبصلها وقال: طب احترمي إني قاعد. يارا: اسكت انت يا بتاع حور. أبو تامر بصلها وضحك.. ويارا كذلك ضحكت. *** عدى يومين وحور كانت بتقعد في البيت تذاكر وتكلم كارما.. وكان العمال هما اللي بيشتغلوا في الورشة ومحدش كان بيشتغل على عربية تامر بأمر من حور. تامر قعد فترة مش بيشوفها عشان يسمحلها تذاكر زي ما هي عايزة من غير ما يعطلها. وهي كان كل اهتمامها بالمذاكرة لأنها نفسها تكون معيدة في الجامعة.

خلاص بكرة الامتحان.. قعدت في البيت وهي بتذاكر وبتحاول تتكلم قصاد المراية عشان بكرة الامتحان شفوي ومينفعش تقول أي كلمة عربي. نامت من كتر تعب المذاكرة وصحيت لوحدها الساعة ٦ الصبح. قامت صلت الفجر وقرأت قرآن وبعدها صلت الضحى. مسكت الكتاب قرأت فيه تاني. معاد الامتحان الساعة ١٠. الساعة دلوقتي ٩. كارما خبطت عليها وهي كانت لبست وجهزت. أول ما كارما خبطت عليها خرجت بسرعة وقفلت الباب ومشيت معاها. كارما في محاولة إنها تهدّي

حور من التوتر اللي هي فيه: اهدّي يا حور.. إن شاء الله خير. حور بصتلها وهي بتقول: إن شاء الله. وهي ماشية قابلت عم كمال. عم كمال: ربنا يوفقك يا بنتي.. ويكتبلك النجاح يا رب. حور: تسلم يا عم كمال.. معلش أنا مستعجلة.. يالا يا كارما. ركبوا الأتوبيس ونزلوا قدام الجامعة. دخلوا وكل واحد مستني دوره عشان يدخل يكلم الدكتور. واحد نادى وهو بيقول: كارما محسن عبد التواب. كارما دخلت وفضلت حور واقفة مستنية دورها. حور جمال عبدالله.

دخلت وكان الدكتور اللي هتعمل معاه الامتحان الشفوي هو تامر. بصلها بابتسامة وهي قعدت. وكانت بتلعب في ضوافرها. تامر: اهدّي يا حور.. وكان بيناولها ميه. حور: مش عايزة. رجع الميه مكانها وهي أخدت شهيق وزفير. وقالت: اتفضل يا دكتور. بدأو يتكلموا ألماني وحور كانت بتحاول تركز قدر الإمكان. تامر سألها سؤال بره الامتحان وكان: Haben Sie jemals geliebt? عمرك حبيتي قبل كده! حور: Nein. تامر ابتسم بارتياح وقال: fertig. Bitteschön.

خلصنا.. اتفضلي. قامت حور وخرجت برا القاعة. وكانت كارما واقفة مستنياها. *** حور خرجت وقبل ما تروح راحت مع كارما فكت الخيط. وبما إن فيه ٣ أيام على الامتحان التحريري اشتغلت. *** تامر روح بعد اليوم الطويل ده. يارا كانت قاعدة مستنياه. يارا: إيه التأخير ده كله؟ تامر: امتحانات.. فترة امتحانات أعمل إيه! يارا: طيب.. هو جاي بعد أسبوع. تامر رفع حاجبه وقال: مين؟ يارا ضربته على كتفه وقالت: تامر بطل استهبال.. أنت عارف.

تامر ضحك وقال: ينور في أي وقت. *** وهي في الورشة تليفونها رن وكان أياد. ردت وهي بتقول: ازيك يا أياد عامل إيه؟ أياد: الحمد لله بخير.. عاملة إيه وحشاني. حور: أنت أكتر. أياد: حور.. أنا نازل مصر بعد أسبوع. حور: هستناك.