رواية حور ياسين الفصل الخامس والثلاثون 35 - بقلم مي

عند حور بعد وقت وصلوا مكان كدا ونزلوا. أول ما نزلوا، قال أحد الحرس: الحارس: أسر باشا، الحاجة جاهزة ندخلها دلوقتي. أسر: أيوه، يلا يا محمد، يلا يا حور. حور: إحنا فين؟ أسر: بصي كدا على الاسم ده. حور بصت: دار أيتام هناء، ده باسم ماما. أسر: أيوه، ماما أسست دار الأيتام ده من عشر سنين. محمد: جيت معاها قبل كدا كتير أنا وأسر، قولنا نجيبك معانا النهاردة. حور بدموع: الله يرحمها.

أسر: حور، بلاش عياط أو دموع، ادعيلها أحسن، يلا ندخل. ودخلوا. جاءت عليهم سيدة كبيرة: صفاء: أهلًا أهلًا يا أسر، نورتوا. أسر: أهلًا بحضرتك، عاملة إيه يا طنط صفاء؟ صفاء: لا لا، إيه طنط دي، اسمي صفاء عادي. محمد: قال طنط قال، واحشتني يا صوفي والله. صفاء بطيبة: وانت كمان يا محمد، يلا تعالوا اتفضلوا.

صفاء عندها 50 سنة، حنينة جدًا، كانت صاحبة هناء. كانت متجوزة وعندها بنت، بس ماتت هي وجوزها في حادثة، ومن ساعتها وهي ماسكة الدار. أسر: يلا، بصي، الحرس معاهم حاجات، خلي حد يدخلهم جوا لو سمحت. أما الألعاب، لا، حور هتوزعهم على الأطفال. صفاء: ما شاء الله، دي حور اللي كانت هناء يتحكيلي عنها. كبرتي وبقيتي زي القمر يا حور. حور: شكرًا. أسر: طب، إحنا في الجنينة، الأطفال هناك صح؟ صفاء: أيوه، اتفضلوا انتوا، وأنا هبقى أجي وراكوا.

محمد: إشطا يا صوفي. ودخلوا الجنينة، والأطفال كلهم جريوا على أسر عشان عارفينه وبيحبوه. حور ادتهم الهدايا، وفضلوا يلعبوا مع بعض كتير ويرسموا، وحور كانت فرحانة أوي وهي معاهم. عند ملك في الجامعة، بعد ما قفلت في وش أدهم. ملك: هو انت عايز إيه تاني؟ فهد: فين حور؟ ومجتش ليه النهاردة معاكي؟ ملك: وانت مالك يا فهد؟ ابعد بقى عن حور، حور خلاص اتجوزت ياسين أخويا.

فهد بعصبية: ملك، متستفزنيش أحسن لك، واقولها إني مش هسيبها كتير وهتبقى لي. ملك بسخرية: بتحلم يا فهد، ملك خلاص بقت حرم ياسين الصاوي. فهد: بكرة تشوفي حور هتبقى مع مين. وبعدين، حور لو مجتش بكرة، فيه حبة صور ليا أنا وهي مفبركهم بطريقة حلوة، أظن لو ياسين شافها هيرمي حور رمية الكلاب. خليها تيجي نتهاون أحسن. ملك: ياسين بيثق جدًا في حور يا فهد، ويلا غور من هنا. فهد: متنسيش تقولي لها سلام.

ملك: أنا لازم أقول لحور، وربنا يستر بقى. ملك راحت السيكشن وهي خايفة وقلقانة على حور. عند ياسين، وصل الشركة ودخل المكتب. السكرتيرة: ياسين بيه، فيه اجتماع عندك النهاردة كمان نص ساعة، وبقيت الاجتماعات بكرة، وفيه ورق عايز حضرتك ترجعه وتمضي عليه. ياسين: تمام يا رقية، هاتي لي بس قهوة، وبعدين هحضر الاجتماع والورق في الآخر، تمام؟ رقية: تمام يا فندم، بعد إذنك. وخرجت. ياسين كان قاعد بيفكر في حور.

بعد شوية، رقية دخلت ومعاها القهوة وخرجت. وبعدها بربع ساعة، دخلت تاني. رقية: ياسين بيه، الاجتماع دلوقتي. ياسين: تمام، فين أدهم؟ رقية: في مكتبه يا فندم، أناديهولك؟ ياسين: لا، أنا رايح له. وخرج من مكتبه، راح على مكتب أدهم، وخبط. أدهم كان خارج. ياسين: رايح فين؟ أدهم: مشوار كدا وراجع. ياسين: عندنا اجتماع دلوقتي. أدهم: احضر أنت يا ياسين وسيبني أغور في داهية. ياسين: في إيه طيب؟

أدهم: الهانم أختك، كنت بكلمها وبعدين سمعت صوت شخص، وبعدين قفلت الفون. والله لهخلي يومها أسود. ياسين: في إيه؟ أدهم، بتكلم كدا ليه؟ وبعدين، انتوا لسة مفيش حاجة رسمية عشان تكلموا بعض. أدهم: طيب، أنا غلطان إني كلمتها، بس سيبني أروح أشوف مين ده. ياسين: لا. أدهم بعصبية: هو إيه اللي لا؟ ياسين: اتنيل، اقعد وأنا هعرف واقفة مع مين دلوقتي. بس صدقني، أنا عارف ملك كويس.

أدهم: ماشي، وأنا عارفها برضه، بس ممكن يكون حد بيضايقها أو يرخم عليها. ياسين: محدش يقدر، دا أنا أنسفه من على الأرض نسف. ومسك فونة ورن على حد. ياسين: الو، ملك هانم فين؟ الحارس: في الجامعة يا فندم. ياسين: تمام، ادخل شوفها بتعمل إيه بس من بعيد. الحارس: تمام، ثواني يا فندم. دخل الحارس. الحارس: الو يا فندم، واقفة مع واحد. ياسين بعصبية: افتح الكاميرا وريني. الحارس: حاضر يا فندم.

فتح الكاميرا وظهرت ملك إنها واقفة مع فهد وبيتكلموا. ياسين بعصبية: خليك مكانك، أنا جاي حالًا. لو فيه حاجة حصلت، قولي. أدهم: في إيه؟ هي كويسة؟ ياسين: أيوه، بس واقفة مع زفت اللي اسمه فهد ده. أدهم: يبقى أكيد بيضايقها، والله لدفنه. ياسين: أدهم، اعقل كدا، وإحنا هنأدبه. خرجوا الاتنين من الشركة وركبوا العربية واتجهوا للجامعة. عند سيف، بعد ما مودة مشيت. أسماء: مش يلا ولا هتروح معاها؟ سيف: لا، يلا.

ومشي. أسماء كانت غيرانة أوي من مودة، وإن سيف مش قالها إنها بتاعته وهتبقى خطيبته، ففكرت إن سيف كان بيكدب عليها لما قالها بحبك. سيف وأسماء راحوا الكافتيريا. حنان كانت قاعدة. حنان: اقعدوا يلا، خلصتي يا أسماء؟ أسماء: أيوه يا خالتو، خلصت، بس ممكن نمشي عشان تعبانة شوية. حنان: ماشي، يلا يا بنتي. وركبو العربية ومشوا. وسيف كان مستغرب تجاهل أسماء لي. بعد وقت، وصلوا الأقصر، ونزلوا ودخلوا. وكانت منال وإيمان قاعدين.

منال بفرحة: أسماء، تعالي بسرعة. أسماء: خير يا ماما؟ منال: اقعدي يا أسماء، وانتوا كمان اقعدوا. حنان: في إيه؟ منال: إحنا هنرجع بكرة صبح. حنان: ليه؟ ما انتي قلتي امبارح هنقعد كام يوم كمان. منال: أصلي دكتور أحمد، ابن عم أسماء، رجع من أمريكا وطالب إيد أسماء، وأبوها قال لازم نرجع عشان نقرأ الفاتحة ونعمل خطوبة. سيف سمع كلام منال ووشه قلب غضب. حنان بفرحة: مبروك يا سوما، بجد فرحتلك أوي. منال: ها، موافقة صح؟

وبعدين، انتي من زمان وانتي متعلقة بأحمد وزعلتي أوي لما سافر. أسماء وهي بتبص لسيف وعينيها فيها دموع: أيوه يا ماما، موافقة. وطلعت أوضتها بسرعة. حنان: كسفتيها يا منال، مش كده؟ منال: بجد فرحانة أوي يا حنان. سيف: بعد إذنكم، أنا طالع أوضتي شوية. حنان: ماشي يا حبيبي. سيف طلع وساب منال وحنان وإيمان يتكلموا.

عند أسماء في أوضتها، أول ما طلعت عيطت. وبعدين الباب اتزق واتفتح وسيف دخل، والغضب والعصبية متملكين وعيونه حمرا من كتر الغضب. سيف بغضب: إيه اللي أنا سمعته ده؟ أسماء مسحت دموعها: إيه؟ سيف مسك دراعها جامد: هو إيه اللي إيه؟ انتي إزاي توافقي وإنتي عارفة إننا بنحب بعض؟ أسماء: قصدك كنت أنت بتمثل عليا الحب. سيف: إيه اللي انتي بتقولي دا؟ أسماء: اللي سمعته، واتفضل اخرج برا. سيف: يا بنتي، هو انتي مجنونة بحالاتك؟

يعني انتي من يومين بس اعترفتيلي بحبك، دلوقتي إيه اللي جد؟ أسماء: مكنتش أعرف إنك بتكدب عليا وبتمثل عليا دور الحب يا سيف بيه. سيف: مين قال كدا؟ والله أنا بحبك، طيب إيه اللي يثبتلك إني بحبك؟ أسماء: معرفش. سيف: أسماء، انتي بتحبيني أنا ولا هوا؟ أسماء بدموع وحزن: للأسف، أنت. سيف وهو بيحاول يبقى هادي: طب، ليه للأسف؟ أسماء: يعني انت مش شفتش نفسك وانت بتحضنها. سيف: مين دي؟ قصدك مودة؟

والله دي زميلتي، بس مش أكتر. ولو هي اللي مزعلاكي، اعتبريني معرفهاش تاني، بس انتي تهدي. أسماء: ماشي، حتى لو هديت، بابا موافق على أحمد. سيف بعصبية: يوووه، متجبش سيرة زفت دا. أسماء: متشتمنوش. سيف: تعرفي؟ أنا هغور من وشك قبل ما أضربك دلوقتي. ولما يجي ياسين، هخلي يكلم باباكي ويقنعه. سلام. وخرج من الأوضة. وأسماء فرحانة أوي.

عند ملك، كانت خلصت السيكشن وكانت خارجة خلاص من الجامعة، بس لقت عربية ياسين واقفة ونزل منها أدهم وياسين. ياسين: ملك، كنتي واقفة بتعملي إيه مع فهد؟ ملك بتوتر: فهد؟ وأنا هقف معاه ليه؟ أدهم بغضب: ملك، متكدبيش، عشان شوفناكي. ملك: عادي، كان بيسألني على حاجة مش أكتر. ياسين: وإنتي تقفي معاه ليه أساسًا؟ اركبي يا ملك، وحاسبنا في البيت. ركبوا التلاتة العربية. وبعد وقت، وصلوا الأقصر. ياسين: ملك، تعالي المكتب. ملك: حاضر.

ودخلوا التلاتة المكتب، وحنان مستغربة إن ياسين متكلمش. ياسين: ملك، كنتي واقفة مع زفت ليه؟ ملك بتوتر وخوف: كان عايز يسأل على… ياسين: على حور، صح؟ ملك: أيوه، وقال… وحكت له كل حاجة فهد قالها. ياسين: حور متعرفش حاجة عن الكلام ده. ملك: بس… ياسين: ملك، اللي قولته يتسمع. ملك: حاضر، أنا طالعة أوضتي. ياسين: اتفضلي. ملك خرجت. أدهم: يلا نروح الشركة. ياسين: يلا. وخرجوا من المكتب. حنان: رايحين فين؟ ياسين: الشركة. فين سيف؟

سيف: أنا أهو. ياسين: يلا على الشركة. سيف: يلا يا أخويا. يلا، هرجوا التلاتة من الأقصر وركبوا العربية واتجهوا للشركة تاني. وبعد ما طلعوا المكتب. سيف: ياسين، عايز أقولك على حاجة. أدهم: وأنا كمان. ياسين: مش وقتها دلوقتي. لما نخلص، نبقى نتكلم، وابقى قولوا اللي انتوا عايزينه كله. أما دلوقتي، هموت وأنام. أدهم: تمام، بكرة، يلا سلام. وخرج وركب عربيته ومشي. سيف: يلا يا ياسين. ياسين: ماشي. وخرجوا. ركبوا عربيتهم واتجهوا للقصر.

عند حور، كانت لسة في الدار بتلعب مع الأطفال هي ومحمد. صفاء: شكلها طفلة أوي وحنينة بجد، ربنا يحميها. أسر: يارب. صفاء: أسر، ما تتجوز حور. أسر: حور مكتوب كتابها على ابن عمها أصلًا. صفاء: يا خسارة، يلا مش مشكلة، ربنا يسعدها ويسعدك يا ابني. أسر: يارب. محمد: حوووور، ارمي الكورة ليا. حور: لا لا. وحدفتها للطرف التاني. وكانت بتلعب بطفولية ونسيت كل حاجة. طفلة: ممكن لو سمحت ترسمي معايا؟ حور: من عنيا. انتي اسمك إيه يا قمر؟

الطفلة: جودي. حور: الله، اسمك جميل جدًا يا جودي. جودي: وانتي كمان. حور: طيب يا أحلى جودي، هترسمي إيه؟ جودي: مش عارفة. حور: طب إيه رأيك نرسم ورد وأشجار؟ جودي: ماشي، يلا. وبدأوا الاتنين يرسموا. ومحمد كان طول الوقت بيصورها وبيصور الأطفال. بعد وقت، خلصوا رسم. جودي: الله، الرسمة جميلة جدًا. حور: أيوه، برافو عليكي. محمد وأسر راحوا عند حور. محمد: يلا نتصور صورة لينا كلنا. حور: يلا.

حور قعدت على الأرض جنب الأطفال هي ومحمد واتصوروا سوا. أسر: يلا يا حور، انتي ومحمد. حور بزعل: هنمشي؟ أسر بابتسامة: أيوه. وبعد كدا هنيجي كل أسبوع يوم. حور: ماشي. بس هي الساعة كام؟ محمد بص للساعة: نهار أسود، الساعة 5:30. حور: يلهوي يلهوي، ياسين هيولع فيا. أخلصوا روحوني. أسر: طب يلا، اركبوا. محمد وأسر وحور ركبوا ومشوا، اتجهوا لقصر ياسين الصاوي. عند ياسين، كان خلص الاجتماع وبعدين تعب. ياسين: أنا هروح. سيف: وأنا.

أدهم: وأنا كمان. ياسين: طب يلا. أدهم: ياسين، أنا عايزك في موضوع. ياسين: خلي بكرة، انت وهو، هقعد معاكم وأبقى قولوا اللي انتوا عايزينه كله. أما دلوقتي، هموت وأنام. أدهم: تمام، بكرة. يلا سلام. وخرج وركب عربيته ومشي. سيف: يلا يا ياسين. ياسين: ماشي. وخرجوا. ركبوا عربيتهم واتجهوا للقصر. عند حور، وصلوا وسلمت على أسر ومحمد ودخلت الأقصر. ياسين: لسة بدري يا هانم. حور: ها، أنا و…