رواية حور ياسين الفصل الرابع والثلاثون 34 - بقلم مي

حور دخلت أوضتها، خدت دش ولبست ونزلت. كان الكل تحت وياسين معاهم في أوضة السفرة. حور: صباح الخير. الكل: صباح النور. ماعدا منال وإيمان طبعًا. وقعدت. وبعد وقت خلصوا أكل وخرجوا كلهم قعدوا برا. ودخل حد من البوابة: حووووووور. حور بصت اتجاه الصوت وقامت بسرعة حضنته. حور: حبيبي عامل إيه؟ محمد: الحمد لله. وانتي عاملة إيه؟ واحشتني أوي. ليه مكنتيش بتسألي اليومين اللي فاتوا؟ حور: معلش والله يا قلبي كان فيه شوية مشاكل. تعالى أدخل.

وشدته من إيده ودخل. ياسين قام وسلّم عليه. كانت منال وإيمان ميعرفوش ده مين عشان محضروش الجنازة. منال: الله الله. وكمان جايبة حبيب القلب لحد هنا؟ إيه البجاحة دي؟ محمد بص لها بقرف: مين دي؟ وإيه اللي هي بتقوله ده؟ ياسين: خالتي، محمد أخو حور. فيا ريت تسكتي شوية. ده لو سمحت يعني. منال بغيظ: ماشي يا ياسين. وقعدت مكانها تاني. حنان: أهلًا يا ابني نورتنا والله. اتفضل اقعد كل معانا.

محمد: لا شكرًا يا طنط. أنا جاي آخد حور بعد إذن جوزها طبعًا لو معندوش مانع. حور: ياسين أكيد مش عنده مانع. هطلع ألبس وأنزل لك. وهي طلعت. حور ومحمد خرجوا يستنوه في العربية. وياسين عينه احمرت من الغضب وطلع ورا حور. سيف: ربنا يستر. كدا حور عدت الخطوط كلها بأنها تحط ياسين تحت الأمر الواقع. وهو أكيد مش هيزعل أخوها، وبذات إن لسه من فترة عارف إن ليه أخت. ملك: الله يرحمك يا حور. كنتي غالية علينا كلنا والله.

أسماء: انتوا بتقولوا كدا ليه؟ فيها إيه يعني؟ هي حبت تخرج مع أخوها مش فاهمة. سيف: لا فيها. ياسين كان ممكن ميوافقش. بس وافقت وحطته قدام الأمر الواقع. أسماء: انتوا مبالغين في الموضوع شوية. سيف: مبالغين؟ تعرفي يا أسماء؟ أنا لو مراتي فكرت في يوم وعملت نفس حركة حور وهي عارفة إني بغير عليها، هولع فيها. أسماء: ها؟ ليه يعني؟ وبعدين غيرة إيه اللي بالشكل ده؟ دي تبقى اسمها خنقة مش غيرة.

سيف: أنا مش هتكلم تاني. أنا قايم وماشي. سلام. وخرج. ملك: وأنا هطلع أوضتي عشان هروح الجامعة اللي نسيناها أصلًا من زمان. حنان: ماشي يا حبيبتي. ملك طلعت أوضتها، غيرت ومشيت راحت الجامعة. وحنان ومنال وإيمان وأسماء قعدوا يشربوا شاي سوا. عند حور فوق. أول ما طلعت خدت هدوم ودخلت الحمام تغير. وبعد وقت خرجت وهي جاهزة. وكان ياسين قاعد على كرسي وعينه بتطق شرار. حور: في إيه؟ ياسين: ها؟

لا ولا حاجة. مش كنتي تستني تعرفي رأيي على الأقل؟ ولا تقرري من دماغك؟ حور: أكيد كنت هترفض. وأنا محبتش أخويا يزعل. فا قولت إنك موافق. بس... ياسين قام من مكانه. وبكل غضب: طب إيه رأيك بقى إن أقول لأ دلوقتي يا حور؟ ومخليكيش تنزلي. حور: ها؟ لا طبعًا. عشان خاطري يا ياسين متعملش كدا. ياسين: تبقى تقرري تاني يا حور. الساعة دلوقتي 10.3 العصر. تبقي هنا. وكدا. أنا سيبتك كتير أوي أهو. حور: حاضر. حاضر. وجريت على تحت.

حنان شافت حور بتجري: مالك يا حور؟ بتجري ليه؟ حور: عشان ألحق يا ماما. ابنك محددلي وقت رجوع. سلام. وخرجت. حنان وأسماء ضحكوا. ومنال وإيمان بصوا بغيظ ليها. أسماء: ماما أنا هخرج أجيب شوية لبس. حد يجي معايا؟ حنان: آه استني هاجي معاكي يا سوما. هتيجي يا منال انتي وإيمان؟ إيمان ومنال: لا. حنان: تمام براحتكم. يلا يا سوما نطلع نلبس عشان نخرج. أسماء: يلا يا خالتو. وطلعوا لبسوا. عند حور. خارجة بتجري. محمد شافها ضحك عليها.

محمد: ههههه. إيه؟ بتجري كدا ليه؟ يخربيتك شكلك مضحك أوي يا حور. حور: يلا بسرعة يا خوي عشان نلحق. عشان هبقى هنا الساعة 3 العصر. أخلص. محمد: ياسين صح؟ حور: أيوا. قدري الأسود. وحياة أمك. محمد بضحك: طب يلا يا ختي اركبي. حور ومحمد ركبوا. حور: هنروح فين دلوقتي؟ محمد: نفطر أنا وانتي وأسر في المطعم. وهنروح نوريكي حاجة أسر عملها. حور: ماشي. طب يلا بسرعة بقى عشان هموت وآكل. محمد: حاضر. وساق بسرعة.

عند ياسين. بعد ما مشيت حور راح أوضته ولبس. ونزل. كانت حنان وأسماء خارجين. ياسين: رايحين فين يا ماما؟ حنان: هنروح المول نشتري شوية حاجات. ياسين: طيب تعالوا أوصلكم. وهتصل بسيف يروح المول. وأنا هروح الشركة. وهو يبقى معاكم لحد ما تخلصوا. ويبقى يرجع الشركة تاني. حنان: مش لازم يا ابني تتعب نفسك. ما العربيات كتير أهي. وهخلي أي حد يسوق. ياسين: لا يا أمي. يلا اركبوا. وفعلًا ركبوا. وياسين اتصل بسيف.

عند سيف. كان في الشركة. في مكتب أدهم. بيرجعوا شوية ملفات. وفون سيف رن. سيف: ده ياسين. خير يا رب. أدهم: ههههه. ده على أساس إن بيجي من وراه أخوك خير يا بني. رد قبل ما يتعصب عليك. سيف رد: نعم يا ياسين. ياسين: عايزك في مول***** كمان عشر دقايق. وتبقى تتأخر عشان أطلع عينك. وقفا في وشه. سيف: والله ده متخلف. أما أروح أشوفه. أدهم: فين؟ سيف: في المول. وعايزني كمان عشر دقايق. الحق أطير أنا بقى عشان مستحلفلي. يلا سلام.

وخرج من مكتب أدهم ومن الشركة كلها. وركب عربيته وساق. عند حور. راكبة عربية محمد. ويهد وقت وصلوا. ونزلوا من العربية ودخلوا مطعم كبير أوي. وأسر كان قاعد مستنيهم. وسلمت حور على أسر وقعدوا. حور: اطلبوا بقى أكل عشان جعانة والله. محمد: الله يخربيتك. همك على الأكل على طول كدا. حور: بس يلا اخلص. أسر: بس انتوا الاتنين. أنا هطلب أكل. أسر طلب الأكل. وبعد عشر دقايق الأكل نزل على الترابيزة. واكلوا وسط ضحك وهزار محمد وحور المستمر.

وبعد ما خلصوا. حور: ها؟ هنروح فين تاني؟ بس بسرعة عشان هبقى في البيت الساعة 3. أسر: يبقى يلا نتحرك من دلوقتي. ولما نوصل هتعرفي. حور: أوك. يلا. وركبو العربية. عند ملك. كانت في الجامعة وخلصت المحاضرات. فونها رن. ملك ردت: الو. أدهم: إيه يا ملك؟ عاملة إيه؟ ملك: الحمد لله يا أدهم. في حاجة؟ أدهم: هو إيه اللي في حاجة؟ إنتي بتكلميني كدا ليه؟ ملك: ولا حاجة. بس أنا هقفل. ورايا سيكشن دلوقتي. أدهم: إنتي فين أصلًا؟

ملك: هو إيه اللي فين؟ في الجامعة أكيد. أدهم: ومقولتيش ليه امبارح لما كنت بكلمك؟ ملك: إنت أصلًا سبتني أكلم... .... : ملك. بصدمة بصت وراها.