رواية حور ياسين الفصل الرابع والعشرون 24 - بقلم مي

الكل نزل واتغدو. سعاد: في واحد برا بيقول اسمه هيثم وعايز ياسين بيه. ياسين بغضب: دخله مكتبي وأنا جاي. ودخلوا المكتب سوا. وبعد شويا ياسين بصوت عالي وكله غضب: حووووووووور. وخرج من مكتبه. ملك أول ما سمعت صوت ياسين: عملتي إيه يانصيبة؟ حور: والله معرف. ياسين: حور تعالي عايزك. ومسكها من إيدها وخدها معاه المكتب ودخلوا سوا. ياسين: ها، عيد طلبك كدا يا دكتور هيثم؟ هيثم وهو يبلع ريقه: احم، طالب إيد آنسة حور.

ياسين: إيه رأيك يا حور؟ حور: ها. ياسين: شكل الأستاذ ميعرفش إنك مكتوب كتابك. هيثم: نعم؟ مكتوب كتاب مين؟ ياسين: حور اللي حضرتك جاي تطلب إيدها. ومن مين؟ من جوزها يا دكتور. هيثم قام بإحراج: أنا مكنتش أعرف، وحتى مفيش في إيديها خاتم خطوبة أو جواز. ياسين: معلش، أصل حور بتخاف إن الخاتم يضيع منها، فبتشيله. عرفت بقا. هيثم: تمام، أنا آسف. بعد إذنكم. وخرج من المكتب.

ياسين بغضب: حور، امشي من قدامي بدل ما أدفنك هنا دلوقتي. برااااا. حور بعياط: ياسين، والله أنا مكنتش أعرف إنه معجب بيا، ومكنتش بكلم معاه، واسأل ملك. ياسين حاول يهدي نفسه: تمام يا حور، خلاص. حور: طب انت كدا هتمنعني أروح الجامعة صح؟ ياسين بهدوء مصطنع: لا يا حور، هتروحي عادي. حور: طب انت مش زعلان مني صح؟ ياسين: وده هيفرق معاكي يا حور؟ حور: أيوا هيفرق معايا طبعًا. ياسين: ليه؟ حور: ها، بعد إذنك أنا طالعة أوضتي. وخرجت بسرعة.

برا عند الكل، بعد ما ياسين خد حور. ملك: ياترى في إيه؟ منال بخبث: أكيد عملت مصيبة تانية، وهي دي بيجي من وراها خير أبدًا. سيف: خالتي، أظن إن ياسين قالك قبل كدا إن ملكيش دعوة بحور صح ولا لأ؟ حنان: سيف، اتكلم مع خالتك بأدب. إيمان: كل ده عشان ست حور بتاعتكم؟ ملك: أيوا، مش بنت عمنا ومتربية معانا، وكمان مرات أخونا، ولا إنتي نسيتي؟ إيمان بغيظ: شكلك إنتي كمان نسيتي إنها هتبقى مرات ياسين، وهي هتطلق.

ملك: ههههههه. سيف، هي متعرفش ولا إيه؟ منال: إيه هو اللي متعرفوش؟ ملك: ياسين مش هيطلق حور، تؤ تؤ تؤ. يا حرام. وممكن كمان يلغي فكرة جوازكم من بعض. إيمان: إيه اللي إنتي بتقولي ده؟ ملك: اللي سمعتيه يا روحي. إيمان أول ما شافت حور واقفة: للأسف، ياسين بيضحك عليكم عشان حور متفضلش تقول عايزة أطلق لحد ما تتم 23 سنة. ملك وسيف: كدابة. حور طلعت على أوضتها بسرعة. وملك وسيف شافوها وطلعوا وراها. حور فضلت تعيط.

حور: كلكم كدابين، كلكم. وعيطت. دخلو ملك وسيف. سيف: حور، متصدقيش كلامها يا حور، هي كدابة. ملك وهي بتحضنها: أه واللهي، إيمان كدابة، وإنتي عارفة إنها عقربة ومبتحبش لحد الخير أبدًا. وبعدين، ولو صح، إنتي زعلانة ليه؟ سيف ضربها على دماغها: وبتقولي أنا توأمها؟ حور بتحب ياسين ومن زمان، رغم إنها بتخاف منه. ملك: حور مين اللي بتحب ياسين؟ سيف: بت، إنتي غبية؟ هو في كام حور؟ ملك: واحدة.

سيف: هي الواحدة دي اللي بتحب ياسين أخونا، فهمتي؟ ملك: حوووووور. نهارك أسود. من غير ما أعرف. حور بعياط: بس هو مش بيحبني، هو بيحب إيمان. ملك: يعني كلام سيف صح؟ يعني تقولي لي سيف وأنا لأ يا حور؟ مش أنا توأمك؟ حور: أنا مقولتش لسيف، ومعرفش أصلًا هو عرف منين، ومكنتش ناوية أقول. لقيتو هو عارف. ملك: وإنت عرفت منين يا سيف؟ سيف بسخرية: يلا يا بت من هنا، مش ناقصة هبل. ملك: يعني مش هتقول؟ سيف: لأ. ملك: ماشي يا سيف.

سيف: اخرسي بقا. هنعمل إيه؟ ملك وحور: في إيه؟ سيف: إنتو الاتنين أغبا من بعض والله. ملك: ليه كدا بس؟ سيف: يعني هنعمل إيه؟ عايزين نبعد إيمان عن ياسين. ملك: بس إزاي؟ ياسين: مش عارف لسه، بس لازم نفكر. حور: لا، ولا نفكر ولا منفكرش. ياسين بيحب إيمان وخلاص يا سيف. ويلا بقا برا عشان عايزة أنام. سيف وملك خرجوا برا. وحور حضنت صورة أبوها ونامت. عند ياسين. ياسين: عايز الحاجة النهاردة، إنت فاهم. ...

: حاضر ياياسين بيه، هنبعتها حالاً على قصر حضرتك. ياسين قفل. وفونه رن. ياسين: نعم. أدهم: نعم الله عليك. ها، كلمتها؟ ياسين: لأ. أدهم: ياسين، لو إنت مش موافق، قولي على الأقل، مفضلش متأمل على الفاضي. ياسين: لأ. وقطعه أدهم: خلاص يا ياسين، بدال رفضت، اعتبرني مكلمتش أصلًا في الموضوع ده. ياسين: اخرس يا زفت، وسيبني أكمل كلامي. لا، هكلمها النهاردة وهقولك. أدهم: إنت بتتكلم جد؟ يعني إنت مش بتهزر، صح؟

ياسين بضحك: لأ مش بهزر. اقفل بقا، سلام. وقفل. ياسين: ههههه. مجنون والله. ومسك ملفات وكمل شغل. ملك: سيف، هنعمل إيه؟ دا حتى حور مش هتساعدنا. سيف: مش عارف. أنا طالع أوضتي، سلام. ودخل أوضته. وملك دخلت أوضتها. عدى خمس ساعات والكل نزل. وياسين خرج من مكتبه. حنان: يلا يا ولاد، العشا جاهز. كل قعد على السفرة. ياسين: أومال فين حور؟ ملك: بتسأل ليه؟ ياسين: هو إيه اللي بسأل ليه ده؟ في إيه؟

ملك: سؤال عادي يعني يا أبيه. حور في أوضتها. ياسين: تمام، أنا هطلع أنزلها. وطلع خبط على الباب. حور: ادخلي ياملك. من امتى الاحترام ده؟ ياسين دخل: منزلتيش ليه؟ حور: مش جعانة. ياسين: طب يلا يا حور، خليني آكل. حور: مش جعانة. هو بي بالعافية يعني؟ ياسين: أيوا يا حور، ويلا. ومسك إيدها وشدها ونزل. حور قعدت. وياسين قعد مكانه. منال: حنان، إحنا كلها يومين ونروح بيتنا. إنتوا هتيجوا معانا ولا بعدنا؟

حنان: لا، هنيجي بعدكم يا منال. مانتي عارفة ياسين طول الفترة دي سايب الشركة هو وسيف وملك سايبة جامعتها. يعني كمان أسبوع ولا اتنين بالكتير ونبقى عندكم. منال: ماشي يا حنان، ربنا يكملها على خير ويبعد العدو عن فرحتنا يارب. ياسين: لو الكلام خلص، ناكل بقا ولا إيه؟ حور زعلت بس مبينتش. بعد خمس دقايق سعاد دخلت. ياسين: يابني، في واحد برا عايزك. ياسين: تمام، أنا خارجله أهو. ياسين قام. ملك لي حور: ربنا يستر. كل مرة بتبقى بمصيبة.

حور: ها. ملك: هو إيه اللي ها؟ إنتي مش معانا ليه يا بنتي؟ حور بتوتر: لا عادي، مفيش حاجة. ياسين دخل: حوور.