رواية حور ياسين الفصل الخامس والعشرون 25 - بقلم مي

حور زعلت بس ما بينتش. بعد خمس دقايق سعاد دخلت: ياسين، في واحد برا عايزك. ياسين: تمام، أنا خارجله أهو. ياسين قام. ملك لحور: ربنا يستر، كل مرة بتبقى بنصيبة. حور: ها؟ ملك: هو إيه اللي ها؟ إنتي مش معانا ليه يا بنتي؟ حور بتوتر: لا، عادي، مفيش حاجة. ياسين دخل. ياسين: حوور. حور قامت: نعم. ياسين راح عندها: هاتي إيدك. حور باستغراب: نعم؟ ياسين: بقولك هاتي إيدك، إيه اللي مش مفهوم في كدا؟

ياسين مسك إيد حور وطلع علبة من الشنطة اللي كانت في إيده، وطلع خاتم جميل جداً جداً، ولبسه لحور. حور وملك وسيف متنحين لسه. ملك: سيف، هو إيه اللي حصل دا؟ سيف: ملك، لو أنا نايم صحيني. ملك: لا، إنت صاحي أصلاً. ياسين: حور، الخاتم ما يتعنوش من إيدك، إنتي سامعة؟ حور: ها... ياسين: هو إيه اللي ها؟ حور بصت على إيدها اللي فيها الخاتم: هو دا خاتم. ياسين بضحك: لا، عفريت. إنتي سمعتي أنا قولت إيه؟ حور: أيوه.

منال: هو مش المفروض الخاتم دا تكون بنتي اللي لابسا، ولا إيه يا ياسين؟ ياسين: حور مراتي، وأنا حبيت إنها تكون لابسة خاتم. عندك مانع ولا إيه؟ إيمان بغيظ قامت وطلعت أوضتها. ياسين: ماما، أدهم طلب إيد ملك، وأنا موافق. عايز رأيك إنتي وملك عشان أرد عليه. هو طالب إيدها من سنتين، وأنا قولت إن لسه بدري. حنان بفرحة: أنا موافقة. أدهم بقالنا سنين نعرفه، وهو كويس ومحترم، وأنا بحبه. ياسين: وإنتي يا ملك؟

ملك بكسوف: ها، اللي تشوفه يا أبيه. ياسين: لا، أنا عايز جواب منك إنتي. ها، موافقة ولا لأ؟ ملك: موافقة. أسماء: مبروك يا لوكا. ملك: الله يبارك فيكي. حور بفرحة حضنت ملك: مبروك يا حبيبتي. ملك: الله يبارك فيكي. عقبالك. سيف بخبث: قريب أوي، ولا إيه يا حور؟ حور بعدم فهم: هو إيه اللي قريب؟ سيف: ياسين، في واحد صاحبي طالب إيد حور مني، وأنا موافق. إنتي إيه رأيك؟ ياسين: عايز رأيي؟ خد وادلو لكُمّة في وشه.

ونزل فيه ضرب. ملك وحور حاولوا يبعدوهم، معرفوش. حنان: ياسين! ياسين: ... حنان بزعيق: سيب أخوك يا ياسين! ياسين ساب سيف. ياسين بغضب: سيف، لو فتحت سيرة جواز حور، صدقني هفتح دماغك. إنت فاهم؟ حنان: ما إنت وحور هتطلقوا، إيه المانع بقا إنها تتجوز؟ ياسين: أنا قولت مفيش طلاق، حتى لو هي اللي عايزة كدا. سمعتوا! سيف بستفزاز: ليه؟ ما إنت هتتجوز إيمان، مش معنى هي...

ياسين: حور مش هتبقى غير ليا. أما جوازي من إيمان، فدا عشان أمي، غير كدا لأ. منال: يعني إيه؟ ياسين: يعني أنا بحب حور. أدا بنتك لأ، خلاص فهمتي؟ حنان: ياسين، إيه اللي بتقوله لخالتك دا؟ إنت اتجننت؟ ياسين: لا، بس بقول الحقيقة. أنا بحب حووور. حنان: وقولتهالك مرة، يا أنا يا هي، يا ياسين. سيف: يا ماما، دي حور بنتك اللي ربيتيها واللي بتحبيها. حنان: بنتي اللي خلت ولادي التلاتة يقفوا قدامي ويتخنقوا معايا عشانها؟

ولا بنتي اللي ربيتها وكنت معاها وفي الآخر راحت لأمها اللي رميتها ليا وهي صغيرة؟

حور بدموع: أنا عمري ما أخلي حد يرد عليكي. إنتي أمي اللي ربتني، وكانت معايا وقت تعبي ونجاحي وفشلي وعياطي. مسبتنيش ثانية. وأنا إذا كنت ساكتة لـ "منال هانم" وإيمان، فدا عشانك مش أكتر. وآه، صح، لما أنا مشيت ورحت عند ماما هناء عشان هي مريضة، عندها ورم في المخ، وكان لازم أبقى معاها. أنا كنت ساعتها هستأذنك وأقولك، وإنتي يا ماما مكنتيش طايقاني أصلاً، ودا اللي شجعني إني أمشي. بس مهما حصل، أنا بحبك وإنتي أمي. مهما زعلتي مني، مع إني معرفش أنا زعلتك في إيه أصلاً. بس لو إنتي عايزة ياسين يطلقني، خلي يطلقني. وأنا والله ما هتشوفي وشي تاني. حتى لو بعدي عن أغلى الناس في حياتي هيوجع قلبي ويريحكم، أنا مش هفكر ثانية. ودا وعد مني ليكي.

منال بتصفيق: خلصتي تمثيل؟ حور بجمود: هه، مش أنا اللي بمثل، وإنتي عارفة ومتأكدة يا "منال هانم". ولو الأول كنت بسكت، دلوقتي لأ. وصدقيني هتزعلي من ردة فعلي، إنتي فاهمة. وطلعت على أوضتها. ملك: أظن كدا كفاية أوي. أنا طالعة فوق. وطلعت ورا حور هي وسيف. ياسين: أمي، أنا مش عايز أخسرك ولا أخسر حور. فبلاش تخليني أموت ببعد حور عني، عشان إنتي عارفة إن محدش يكسب في مقارنة معاكي، وإنك أغلى من الكل عندي. وطلع أوضته.

منال: حنان، إنتي هتسكتي؟ حنان: أنا مش عارفة أعمل إيه. مش عارفة أصدق حور ولا لأ. والله تعبت. أنا خايفة أكون بظلمها وأخسر ابني. منال بخبث: إنتي صدقتيها ولا إيه يا حنان؟ إنتي عارفة إنها بتمثل زي أمها، ولا نسيتي؟ حنان: لا، منستش. بس أنا عارفة حور، أنا اللي مربياها يا منال، وحاسة إن كل كلامها حقيقي، مش بتمثل. منال: يووو، إنتي حرة بقا. لما تبقى تاخد منك كل حاجة، متبقيش تزعلي. أنا طالعة أنام.

منال طلعت وحنان قامت طلعت أوضتها. عند حور، أول ما دخلت أوضتها قعدت بهدوء. ملك دخلت وراها: حور، إنتي كويسة؟ حور: أيوه. ملك: أمال ليه الهدوء دا؟ حور: مش هعيط زي كل مرة. أنا تعبت من حور اللي بتفضل تعيط كل شوية. لازم أبقى أقوى، ولا إيه؟ ملك: كلامك صح. حور: عارفة. المهم، خلي بقا ياسين يحدد الخطوبة قريب. عايزة أحضر فرح بدل الملل دا. ملك: لا والله، لا طبعاً. أنا أتحرج أقوله حاجة.

حور: لا والله، دا على أساس إنك مش بتحبي ولا إيه؟ ملك: يووو، خلاص بقا يا حور. حور: هههههه، خلاص، خلاص، سكت أهو. سيف دخل بستغراب: أنا قولت هطلع ألاقيكم معيطين ومن كلام ماما وخالتي. حور: دا كان زمان. سيف: هعمل نفسي مصدق. المهم بقا، محدش لاحظ حاجة؟ ملك وحور: إيه؟ سيف: أنا بقول إنتوا أغبيا. المهم إن ياسين اعترف بحبه مثلاً لي حور. ملك: أيوه، صح. حور: كان بيكدب؟

سيف: لا، مكنش بيكدب. إنتي مش شايفة خريطة العالم اللي على وشي دي ولا إيه، لما قولت إن حد طلب إيدك مني؟ حور وهي بتبص على وش سيف: هو لو على شكل وشك، فا هو بقى شوارع بجد. وضحكت هي وملك. سيف: لو خلصتوا ضحك، قولولي. ملك: خلصنا. طب هنعمل إيه؟ وبذات إن خالتك مش ناوية تسيب ياسين إلا لما يتجوز إيمان. سيف: أنا بقا هقولك على خطة هتخلي ياسين يقع، بس حور توافق تساعدنا. ملك: بالك عليكي يا حور، وافقي. وبعد نص ساعة محايلة على حور.

حور: تمام، موافقة. سيف: اوف، أخيراً. الخطة هتبقى... عند ياسين، طلع أوضته ومسك فونو ورن على... في أوضة شبه ضلمة. .... 1: ياسين اعترف بحبه لي حور. هنعمل إيه؟ .... 2: إيه؟ إنتي بتقولي إيه؟ .... 1: هو دا اللي حصل. بعد ما مشي دكتور بتاعهم جاب خاتم ولبسه لي حور. وحكت اللي حصل. .... 2: اووووف. اقفلي، غوري يلا. وأنا هتصرف. وقفل. .... 2: مش هتبقي غير ليا يا حور قلبي. حتى لو بموت، ياسين مش هيفرق. المهم إنتي.