رواية حور ياسين الفصل السابع عشر 17 - بقلم مي

حور: الو يا أسر. أسر: حور، انتي كويسة؟ حور: أيوه كويسة، ياسين رجعني مصر تاني. أسر: واحنا بكرة هننزل مصر. حور: ماما كويسة؟ أسر: أيوه كويسة، متقلقيش انتي بس. حور: حاضر يا أسر. أسر: رقم مين ده؟ حور: ده رقم ملك، أخت ياسين. أسر: تمام. حور: أسر... ... : حوووووور! حور بفزع: ياسين! ياسين: ملك، روحي أوضتك. حور بصت لملك إنها متسبهاش. ملك بصتلها بقلة حيلة وخرجت. ياسين قعد على كرسي من اللي في الأوضة.

ياسين: كنتي بتكلمي أسر أكيد، صح؟ حور: والله كنت بكلمه أطمن على ماما، والله. ياسين بسخرية: ومن إمتى الحب اللي نزل عليكوا فجأة؟ الله يرحم لما كنتي مبتكرهيهوش قد كده. هو كله كان تمثيل؟ حور: أنا عمري ما كرهتها، لأن محدش بيعرف يكره أمه مهما عملت. هي أمي. ياسين: طب وأمك دي معاهاش فون تكلميها عليه؟ ولا لازم من تليفون حبيب القلب؟ حور: حبيب القلب... انت قصدك إيه؟ ياسين: هو إيه اللي قصدي إيه؟

انتي بتحبي يا حور وسامحتي هناء عشان تبقي معاه. حور: لا بقا، انت اتجننت! بتتكلم وخلاص. ياسين قام وقف بعصبية: اومال روحتي معاه ليه يا حور؟ حور: عشان تعبت. انت مش واخد بالك إن مامتك مبقتش طيقاني ولا إيه؟ من ساعة ما قعدت مع خالته منال وبناتها، ولا أنا بكذب؟ ده غير كلام خالتك كل شوية. ياسين: كنتي قولتيلي وأنا هتصرف، مش تسيب البيت وتمشي يا حور هانم. حور: مجاش في دماغي غير كده، وبذات إن في الوقت ده كانت ماما محتاجاني.

ياسين بسخرية: ويا ترى بقا محتاجاكي لي؟ عشان توقعي أسر النصار في حبك وكده يبقى معاها فلوس أكتر. حور بعياط وصوت عالي: ماما مصابة بكانسر في الدماغ، مرحلة تالتة، وهتعمل عملية قريب ونسبة خروجها من العملية عايشة 7% بس. شفت بقا ماما اتغيرت، والله اتغيرت، مبقتش زي الأول. وعلى فكرة هي مستعدة ترجعلي كل جنيه خدته تاني وأنا اللي رفضت. يارب تكون فهمت هي محتاجاني في إيه. ياسين لما شاف عياطها بيزيد صعبت عليه، راح عندها ومسك إيدها

وقعد على الكرسي وبهدوء: ياسين: طيب لو هو ده السبب، ليه مقولتليش بدال ما تمشي مع اللي اسمه أسر ده؟ حور: ده على أساس إنك هتصدق، مثلاً. ياسين: أيوه يا حور، كنت هصدقك. وبعدين مش إحنا قبلها بيوم قولنا هنبقى أصحاب ومش هنخبي على بعض حاجة، صح؟ حور: أيوه صح، بس أنا كنت خايفة مترضاش تخليني أسافر لماما. وكمان كانت ماما حنان مش طيقاني، كنت جبت آخري، فا مشيت.

ياسين: متزعليش من ماما، والله هي بتحبك. وبعدين اوعديني إننا هنبقى أصحاب بجد وإنك هتعرفيني كل حاجة ومش هتعملي حاجة من ورايا تاني. حور: ماشي، وعد. ياسين: كنتي بتكلمي أسر قبل ما أدخل، صح؟ حور: صح. ياسين بغيرة: كان بيقولك أستاذ زفت ده؟ حور: أستاذ زفت، لا، هو اسمه أسر. ياسين: حور، بلاش تعصبيني لو سمحت، وقولي. حور: أنا اللي رنيت عليه من فون ملك، كنت بطمن على ماما وقالي إنهم جايين بكرة، بس.

ياسين: تمام، هسيبك تنامي دلوقتي عشان انتي لسه تعبانة. حور: تمام. خرج ياسين من أوضة حور وراح أوضته ينام شوية. عند حنان في أوضتها بتكلم في الفون. حنان: الو، عاملة إيه يا حبيبتي؟ ..: الحمد لله. حنان: متيجي بكرة عشان تلحقي تقعدي يومين. منال: خلاص، ماشي. ياسين عمل إيه في حور؟ حنان: رجعها تاني البيت، يا أما يسيب البيت ويمشي معاها. فا سكت. سبتها تقعد معايا، حاسة إني ظالمها يا منال. منال بخبث: ظالمها إيه بس!

اديكي شوفتي سيف وملك لما علوا صوتهم عليكي وزعلوا منك عشانها، وده النهاردة كانت هتخلي ابنك يبعد عنك. تبقي ظالمها إزاي بقا؟ حنان: معاكي حق. يلا، أنا هقفل وهستناكي تيجي بكرة. منال: خلاص، ماشي. بكرة بإذن الله هتلاقيني عندك. سلام. وقفلو. حنان لنفسها: يارب ما أكون ظالماكي يا حور، مع إني منال معاها حق، أنا ولادي بدأوا يتقلبوا عليا من ساعة ما مشيتي. عدى ساعات وحور نايمة وياسين صحي ونزل تحت، كانت ملك وسيف وحنان قاعدين سوا.

ياسين: اومال فين حور؟ ملك: لسه مصحيتش، وسيف عايز يطلع يصحيها. ياسين: ملك، اطلعي صحيها عشان تتعشى. ملك: حاضر يا بيه. سيف: خديني معاكي. ياسين: اقعد مكانك يا زفت. سيف بخوف: خلاص، اطلعي انتي صحيها وانزلوا بسرعة. ملك: ماشي، وطلعت. دخلت أوضة حور. ملك: حور.. حور.. حوووووور! حور بفزع: إيه، في إيه؟ البيت بيولع؟ ملك: لا، ياسين بيقولك انزلي يلا عشان تاكلي. حور: مش جعانة يا ملك. ملك: يلا بقا يا حور، بالله عليكي.

حور: أوووف، حاضر. قومت أهو. وقامت دخلت الحمام تاخد دش. وملك فضلت مستنياها. عند ياسين بعد ما ملك طلعت. سيف: هتنزل الشركة بكرة؟ ياسين: أيوه. حنان: هو إيه اللي أيوه؟ انت نسيت إن خالته وبناتها جايين بكرة؟ مين اللي هيخرجهم؟ ياسين: سيف هيبقي معاهم. أنا أخدت إجازة كده كتير، وفي شغل كتير متعطل. حنان: يعني لما انت سافرت عشان تجيبها مكنش فيه شغل متعطل؟ ياسين: لا، فيه ولازم أنزل عشان أعوض تأخيري الأيام اللي غبتها عن الشغل.

حنان: ياسين، عشان خاطري خليك بكرة موجود، مينفعش يجوا ضيوف وميكونش انت هنا. ياسين: يا ماما يا حبيبتي، هما جايين عشانك انتي، أنا مالي، هقعد ليه؟ حنان: ياسين، أنا قولت اللي عندي. ياسين: حاضر يا ست الكل، كلامك يمشي. حور وملك نزلوا. سيف أول ما شافها قام حضنها. ياسين بغضب: سيف، لو حصل الهبل ده تاني هتزعل. سيف: دي أختي الصغيرة يا عم. ياسين: أنا قولت اللي عندي. حنان: خلاص، انت وهو يلا عشان العشا جاهز.

راحوا كلهم وقعدوا على السفرة وبدأوا أكل، بس حور مكنتش بتاكل، كانت بتلعب في الأكل وبس. ملك: مالك يا حور؟ حور: ماليش، بس زهقانة شوية. سيف: إيه رأيك نخرج أنا وانتي وملك ونتصل بتاليا تيجي معانا؟ حنان بجمود: لا، مفيش خروج النهاردة. انت وياسين وملك تشوفوا وراكو إيه وتخلصوه عشان خالتك وبناتها جايين بكرة، وأكيد هتخرجوهم. ملك: أنا مش فاضية اليومين دول، عندي محاضرات مهمة جداً ولازم أحضرها.

سيف: وأنا عندي شغل كتير، ياسين عايزني أخلصه كمان أربع أيام، يعني هكون مشغول جداً. حنان: بطلو تمثيل انت وهي، وفضوا نفسكم، وده آخر كلام عندي. ياسين: سيف، ملك، اسمعوا كلام ماما. حور زعلت جداً ومكلمتش. حور: الحمد لله. وقامت، وبعديها ملك، بعديها سيف. ياسين: ماما، مينفعش كده. مش كل ما تشوفيها تزعليها بالكلام. حنان: انت شوفتني وجهت ليها كلام؟

ياسين: لا، بس حضرتك مقولتيش الكلام ده إلا لما سيف قال تعالوا نخرج، وانتي عارفة إن ياسين أكيد هقولهم لأ، بس حبيتي تضايقي حور. حنان: بتدافع عنها يا ياسين؟ بتيجي في صفها على أمك؟ هي دي آخرة تربيتي ليك؟ ياسين قام مسك إيدها وباس إيدها ودماغها: يا حبيبتي، ولا عشت ولا كنت اليوم اللي أجي فيه عليكي عشان حد، وانتي عارفة كده كويس. عموماً يا ماما، أنا آسف. حنان: خلاص يا حبيبي، مش زعلانة.

ياسين: طيب يا ست الكل، أنا هروح أشرب قهوة. أخليهم يعملولك معايا. حنان: ياريت، يلا نخرج سوا. وخرجوا. عند حور بعد ما قامت من على الأكل طلعت أوضتها. ملك طلعت وراها ودخلت أوضة حور. ملك: حور، انتي زعلانة من ماما؟ حور: لا طبعاً، مقدرش أزعل. ملك: كدابة يا حور، بتضحكي عليا. قطع كلامهم دخول سيف وماسك شنطتين. سيف: هلا وغلا وعلا وأي هبل على ماشي. ملك وحور ضحكوا. سيف: بقولكم إيه يا نكد انتي وهي. ملك: مين دول اللي نكد؟

سيف: انتو، عندك مانع يا بت. ملك بمرح: لا، معنديش مانع يباشا، براحتك اتفضل. حور بضحك: والله انتوا مشكلة. ملك: المهم يسطا، إيه الحاجة اللي في إيدك دي؟ سيف: خدي يا زفتة انتي وهي، يكش يطمر فيكو. (شعار أي أخ مصري بعد ما يجيب حاجة لأخته 😂) ملك: إيه ده؟ سيف قعد: شيبسي وشوكولاتة وكل حاجة بتحبوها. ملك: أخويا اللي في القلب. سيف بضحك: أختي المصلحجية منورة، هههه. حور: حصل، وأنا شاهدة.

وفضلوا يهزروا ويضحكوا، وعدى وقت كتير وحور حكت لهم على كل حاجة من أول خروجها من المزرعة لحد ما جت قصر الصاوي تاني. عند ياسين تحت. حنان: أنا هطلع أنام عشان بكرة هصحى بدري عشان خالتي. ياسين: ماشي يا ست الكل، تصبحي على خير. حنان: وانت من أهله يا حبيبي. وطلعت أوضتها. وياسين طلع، وكان رايح أوضته، سمع صوت ضحك سيف وملك وحور. خبط على الباب. ملك: ادخلي يا دادة. ياسين دخل: بس أنا مش الدادة، أنا ياسين. سيف: بتقول بعد ما دخلت.

ياسين: كفاية كده، يلا روحوا ناموا. ملك: أنا هحتل الأوضة دي النهاردة وهنام مع حور. سيف لسه هيتكلم. ياسين قطعه. ياسين: إيه حضرتك؟ ناوي تحتل الأوضة انت كمان؟ سيف: ياريت. ياسين بصوت عالي: على أوضتك يا حيوان. سيف قام بمرح: مبقدرش يستغنى عني ثواني. ملك: ههههه، لا ما هو باين. سيف: خلاص، أنا هروح أوضتي، انتوا عالم نكد. ياسين: يلا يا زفت من هنا. سيف: مخلاص يا عم، أنا غير أهو. وقام خرج من أوضة حور ودخل أوضته.

ياسين: تصبحوا على خير. ملك وحور: وانت من أهله. خرج ياسين من أوضة حور ودخل أوضته. ياسين لنفسه: هتبقى أيام ما يعلم بيها إلا ربنا. ونام. حور وملك ناموا. تاني يوم الصبح صحيت حنان وخدت دش وأدت فرضها ونزلت تحت. حنان: سعاد.. يا سعاد. سعاد: صباح الخير يا هانم. حنان: صباح النور، حضري الفطار عشان نجهز الغدا عشان جايين ضيوف النهاردة. سعاد: حاضر يا هانم. عند ياسين صحي وخلص روتينه اليومي ونزل تحت. ياسين: صباح الخير يا أمي.

حنان: صباح النور يا حبيبي. سيف نزل. سيف: صباح الخير. ياسين: صباح النور. سيف: اومال فين ملك وحور؟ حنان: لسه نايمين فوق. سيف: أشطة، هطلع أصحيهم. ياسين: اقعد يا زفت مكانك. دادة سعاد. سعاد: نعم يا بني. ياسين: معلش، اطلعي صحي حور وملك. سعاد: حاضر يا بني. وطلعت تصحيهم. سعاد خبطت على الباب خمس دقايق. ملك بنوم: مين؟ سعاد: أنا يا بنتي، ياسين بيه بيقولك انزلوا يلا عشان تفطروا. ملك: حاضر.

نزلت سعاد وملك صحت حور وقاموا أدوا روتينهم ونزلوا تحت. ملك وحور: صباح الخير. الكل: صباح النور. حنان: يلا عشان نفطر. ملك: غريبة، هنفطر بدري النهاردة. يعني. حنان: عشان خالتي جاية، يعني هفطر وأقوم أجهز الغدا مع الخدم، مانتي عارفة خالتي مش بتحب تاكل من إيد حد. ملك: أيوه، طب يلا نفطر. راحوا وقعدوا على السفرة وأكلوا سوا. وهما بياكلوا سعاد جت. سعاد: ............ ياسين: إيييييييي؟