رواية حور ياسين الفصل الثامن والثلاثون 38 - بقلم مي

عند ياسين ياسين: طب إيه رأيكم بقى إنكم هتخرجوا ومن غيرها كمان؟ يلا برا. أحمد: إنت بتقول إيه؟ ياسين بسخرية: شكلك كده نسيت إنهم كتبوا كتابهم وهو جوزها، ولا إيه؟ صالح: طب نتكلم بهدوء. ياسين: اللي أنا قلته هيحصل ومفيش طلاق. عبدالله: إنت بتقول إيه؟ هي بتحبني أنا مش هو. سيف قرب منه ومسكه من لياقة التيشيرت وضربه وفضل يضربه. أدهم بعد سيف عن عبدالله بالعافية.

أحمد بشجاعة مصطنعة: لا كده كتير بينا وبينكم المحاكم، واختي هتطلق. وشد أسماء من إيدها. سيف شد أسماء من إيده وضربو: إنت مش سمعت هو قال إيه؟ هي مش هتخرج من هنا، غوروا أنتوا. أسماء بتعيط بس سيف اتضايق لما شاف دموعها وقال بغضب: أسماء، اطلعي أوضة ملك. أسماء واقفة مكانها وبتعيط. سيف بغضب أكبر: إنتي سمعتي أنا قلت إيه؟ ولا لاء؟ منال: متزعقش لبنتي. أنا معرفش… ولسه هتكمل، أسماء وقعت أغمى عليها. حنان بصوت عالي: أسمااااء!

الكل جري عليها، وحور وملك نزلوا تحت لما سمعوا صويت حنان. سيف شالها وطلعها أوضته ونيمها على السرير وبيحاول يفوقها. ملك: سيف هات البرفيوم أفوقها بيه. سيف قام جاب البرفيوم وملك وحور بيحاولوا يفوقها. أسماء بدأت تفوق. سيف كان خايف عليها أوي. منال لما شافت أسماء فاقت فرحت: كل ده بسببك إنت. سيف بص لها ومردش عليها. ملك: حبيبتي، إنتي كويسة؟ أسماء: أيوه كويسة. حور: ألف سلامة عليكي. أسماء: الله يسلمكم.

منال: يلا فوقي كده عشان نمشي. سيف: هو إنتي مسمعتيش أنا قلت إيه؟ مراتي مش هتخرج من بيتي ولا عندكوا. اعملوا. أسماء الدموع اتجمعت في عينها تاني. حور: ممكن تتكلموا بره عشان هي تعبانة. سيف: ماشي. خلي بالكم منها. وخرج. منال وحنان خرجوا وراه ونزلوا تحت. ياسين: أسماء عاملة إيه؟ سيف: فاقت فوق كويسة. ياسين: عمي صالح عايزك في المكتب لو سمحت. صالح: ماشي يا ابني. ياسين: أدهم خلي بالك من الوضع هنا. أدهم: تمام.

ياسين خد صالح ودخلوا المكتب. أحمد بستفزاز: أنا معرفش هيكلموا في إيه، هي بتحب ابن عمها يبقى جوازكم ملهاش لازمة. سيف بغضب: تعرف أنا مش هرد عليك عشان مقومش أديك علقة زي اللي إنت وهو لسه واخدنها مني. أدهم: استهدوا بالله بس يا جماعة. حنان: منال لمي الموضوع عشان خاطري. سيف: ماما إنتي بتقولي إيه؟ سيبك منهم. حنان: سيف اسكت إنت. أدهم بهدأو: طنط لو سمحت استني لما ياسين وعم صالح يخرجوا من المكتب وبعدين هنبقى نشوف.

حنان: ماشي يا ابني. عند حور وملك وأسماء أسماء بعد ما خرجوا عيطت تاني. حور: مالك بتعيطي ليه؟ إنتي عايزة تطلقي من سيف؟ أسماء: لا مش عايزة أطلق بس مش عايزة أخسر أهلي، وبطريقة سيف دي أنا هخسر في الحالتين. ملك: وإنتي عايزاه يعمل إيه يعني؟ أسماء: مش عايزاه يعمل حاجة يا ملك. حور: ملك اخرسي. وإنتي يا أسماء متخفيش هتتحل. أسماء بعياط: لا مش هتتحل. حور: ليه بتقولي كده؟

أسماء: ماما مش هتخلي الجوازة تتم إلا لما إيمان وياسين يتجوزوا، غير كده لا. أنا سمعتها وهي بتقول كده لإيمان امبارح بعد ما إنتوا مشيتوا. حور: طيب ممكن تهدي وإن شاء الله خير. أسماء وملك: يارب. عند ياسين في المكتب دخلوا وقعدوا. صالح: خير يا ابني. ياسين: خير. إنت عارف إني بحب أسماء وهي زيها زي ملك، صح ولا لأ؟ صالح: أيوه عارف. ياسين مسك تليفونه وفتحه: خد شوف كده الفيديو ده.

صالح خد الفون واتفرج بصدمة. كان عبدالله وهو بيعترف إنه عايز يتجوز أسماء عشان نصيبها في الورث مش أكتر، وإنه بيحب واحدة تانية. صالح: هو إزاي كده؟ وإنت جبت الفيديو ده منين؟ ياسين: كنت مخلي حد من رجالتي مراقبه من ساعة لما حضرتك رفضت سيف عشانه. ها، إيه رأيك؟ لسه مصر على طلاق سيف وأسماء؟ صالح: مش عارف أقولك إيه، بس لو هي بتحبه يبقى الفرح في ميعاده، أما لو مش بتحبه يبقى هنوقف كل حاجة. دي بنتي وأنا عمري ما أكون سبب في زعلها.

ياسين: وأنا موافق. وعايزك تتأكد إن أسماء أختي وأنا دايماً معاها. متخافش. وحضرتك تقدر تاخدها تسألها. صالح: تمام، ماشي. وخرجوا الاتنين من المكتب. عند سيف والباقي برا أحمد: كل ده بيتكلموا في إيه؟ عبدالله: أكيد بيتحايل عليه، وميعرفش إنه برضه هتكون ليا. سيف كان لسه هيرد، جه صوت صالح من وراه. صالح: إنت بذات تخرس خالص وغور من هنا. أنا مش عايز أشوفك بعد كده، وده يبقى الأحسن ليك. عبدالله: أنا يا عمي؟ لي كل ده؟

هو أنا عملت حاجة؟ صالح: بقا عايز تتجوز بنتي عشان نصيبها، يعني عايز تورثني كمان وأنا عايش؟ أحمد: بابا إيه اللي بتقوله ده؟ صالح: الحقيقة. يلا خلي يغور من وشي حالاً، وإنت اسبقني على البيت. أحمد شد عبدالله وخرج من المزرعة كلها. منال: إنت بتقول إيه يا صالح؟ صالح: قلت هي دي الحقيقة، وإسكت بقى. ياسين: سيف اطلع نزل أسماء من فوق. سيف: بسي. ياسين: مبقاش. اخلص. سيف: حاضر. وطلع. عند حور وأسماء وملك سيف خبط. حور: ادخل. سيف دخل.

سيف: إنتي كويسة؟ أسماء: أيوه. سيف: تمام. طب يلا عايزينك تحت. أسماء: حاضر. ونزلت هي وحور وملك وسيف. وقعدت جنب صالح. صالح: حبيبتي، إنتي كويسة؟ أسماء: أيوه يا بابا. صالح: طيب، إنتي دلوقتي عايزة تكملي مع سيف ولا لأ؟ أسماء بصت لـ منال وصالح فهم إن منال رافضة. صالح: أسماء، أنا بسألك إنتي مش حد تاني. ودي حياتك. أسماء: أيوه عايزة أكمل مع سيف. بس بس مش عايزة أخسركم يا بابا. صالح حضنها: ومين قالك إننا ممكن نخسرك؟

دا إنتي روح قلبنا من جوه. أسماء حضنت صالح أوي. منال بغيظ: بس الجوازة دي مش هتم غير لما أختها الكبيرة تتجوز الأول. ياسين: خالتي لو سمحت، أنا هحدد ميعاد مع عمي، غير كده حضرتك متدخليش، ياريت. صالح: وأنا هحدد ميعاد للفرح النهارده. ياسين: تمام. الفرح هيبقى بعد شهر ونص من دلوقتي. وكمان أسبوعين خطوبة ملك وأدهم. صالح: وأنا موافق. على خيره الله. حنان بفرحة: مبروك يا حبايبي. سيف: الله يبارك فيكي يا ست الكل.

صالح: تمام. نمشي إحنا بقى. ياسين: تمام. عمي، إحنا هنرجع القاهرة بكرة. هنعدي ناخد أسماء عشان تجهز لفرحها مع ملك وحور. منال: لا طبعاً. صالح بص لها: ماشي يا ابني. منال: خلاص، بدل وافقت أنا وأختها هنكون معاكي. ياسين ببرود: تنوري. صالح: بعد إذنكم. ياسين: اتفضلوا. ومشوا. وياسين والباقي قعدوا. ملك: ياسين، خالتو هتحاول توقف الجوازة عشان إنت مش هتجوز إيمان. ياسين: عارف. سيف: طب وهتعمل إيه؟

ياسين: مش عارف، بس أكيد مش هيبقى فيه جديد والفرح هيتم في معاده. حور: بعد إذنكم هطلع أرتاح شوية. حنان: ماشي يا حبيبتي، اطلعي. حور طلعت فوق في أوضتها. ملك: ياسين، حور زعلت على فكرة. ياسين: عارف. سيف: طب وهتعمل إيه؟ مش هتصالحها؟ ياسين: مش دلوقتي. لو طلعت هتشغل الشريط وتقولي طلقني وهنتخانق، وأنا دماغي مش عايزة نكد. حنان: ياسين، معلش اطلع شوفها. ياسين: حاضر يا ماما. وقام طلع. سيف: بقولكم إيه؟ أنا زهقان. متيجوا نخرج.

أدهم وملك: إشطا. ملك: بس حور لازم تيجي معانا. سيف: أكيد. نطلع بس نجهز، وبعدين نقولهم. وأنا هروح أجيب أسماء. إشطا. أدهم وملك: يلا. سيف: وإنتي يا ماما؟ حنان: أنا مش قادرة أخرج أصلاً. روحوا إنتوا. سيف: ماشي يا ست الكل. وقاموا يلبسوا. عند حور أول ما طلعت تليفونها رن وردت. حور: ألو، ميدو عامل إيه يا قلبي؟ واحشني. محمد: أي ميدو دي؟ وبعدين إنتي فين ومبتكلمنيش ليه؟

حور: معلش يا حبي، أنا سافرت مع العيلة نحدد فرح سيف وأسماء وملك وأدهم. محمد: أه، مبروك. المهم هترجعي امتى؟ حور: بكرا يا قلبي. محمد: هو إيه اللي ليه؟ عايز أشوف قلب أخوها. طبعاً... الباب فتح وياسين دخل. حور: خلاص يا حبيبي، أنا هرجع بكرة وتيجي تاخدني نقعد يوم سوا. إشطا. محمد: ههههه، إشطا. بس تعرفي لو أسر سمع إشطا دي، هيقول إنك عديتي ههههه. حور: ههههه، حصل. يلا هشوفك بكرة أو بعده يا حبي. محمد: سلام يا قلبي. وقفلي.

ياسين: هو إيه اللي يا قلبي ويا حبيبي؟ وتاخدني؟ هو إنتي سألتيني الأول أصلاً؟ حور: معلش، المرة الجاية هسألك. ياسين بعصبية هادية: هو إيه اللي المرة الجاية؟ حور: يوووه يا ياسين بقى خلاص. معلش، أنا آسفة. ياسين بتنهيدة: حور، بطلي أسلوبك ده معايا. حور: حاضر يا ياسين. وراحت تنام. ياسين: حور. حور: نعم؟ ياسين: إنتي زعلانة صح؟ حور: لا يا ياسين، عادي، مفيش حاجة. ياسين لسه هيتكلم، الباب خبط. ياسين قام فتح. ياسين: نعم يا زفتة؟

عايزة إيه؟ ملك: سيف بيقولكم اجهزوا عشان هنخرج كلنا. ياسين: ماشي. انزلي وإحنا هننزل وراكي. ملك: أوك. ونزلت. ياسين: حور، قومي اجهزي عشان هنخرج. حور: عايزة أنام. ياسين، روحوا إنتوا. معلش. ياسين: قومي يا حور، اخلصي. حور بتنهيدة: حاااضر. وقامت عشان تلبس. عند سيف وحنان وملك وادهم تحت جهزوا ونزلوا كلهم. سيف: أنا هروح أجيب أسماء عقبال ما ياسين ينزل. ملك: ماشي. سيف مشي. أدهم: كان ماسك في تليفونه وبيضحك.

ملك: أدهم، إنت بتضحك على إيه وفرحان كده ليه؟ أدهم: لا، مفيش. وقفل تليفونه. ملك: ماشي يا أدهم. عند سيف بعد وقت وصل بيت أسماء وصالح استقبلوه. سيف: معلش يا عمي، أنا جاي آخد أسماء عشان هنخرج كلنا سوا. منال: ماشي، بس هتاخدوا إيمان معاكم. سيف: ودا ليه بقى إن شاء الله؟ صالح: روحوا يا ابني، بس مفيش تأخير. روحي خلي أسماء تجهز. منال طلعت عند أسماء وخلت أسماء وإيمان يجهزوا. وبعد وقت نزلوا الاتنين. أسماء: أنا جهزت.

إيمان: وأنا كمان. سيف بضيق: ماشي، يلا. وخرجوا التلاتة سوا. عند عيلة الصاوي بعد وقت دخل سيف وأسماء وإيمان، وكانت ملك وأدهم وحنان قاعدين. سيف: هما لسه منزلولش. ياسين من على السلم: نزلنا أهو. والكل بص على السلم، وكان ياسين ماسك إيد حور ونازلين من على السلم. أدهم وسيف صفروا. ملك: يخربيت كده، مطقمين زي بعض. الله يسهلهم. حنان بضحك: الله أكبر في عينكم. في إيه إنتوا التلاتة؟ ياسين: دا حسد، عينك عينك قدام.

ملك: مش بيأثر، وحياتك. ياسين: غوري يا بت من هنا. ويلا بقى لا هتلغوا الخروجة وهنقضيها حسد. سيف: لا، يلا. وخرجوا كلهم. ياسين: أنا وحور وأدهم وملك هنركب سوا، وسيف وأسماء وإيمان هيركبوا سوا. سيف: إشطا. وركبوا. تحت غيظ وحقد وغل إيمان. ياسين وأدهم راكبين قدام، وملك وحور ورا. وحور كانت ساندة دماغها على الشباك ومش معاهم تماماً. بعد وقت وصلوا عند مطعم كبير ودخلوا وقعدوا. ياسين مسك إيد حور وهمس في ودنها بصوت واطي.

ياسين: مالك يا حور؟ حور: بصوت واطي: ماليش. ياسين: هعمل نفسي مصدق. قعدوا وطلبوا كلهم عصير. ملك: المكان هنا جميل، ولا إيه يا حور؟ حور: ها، أيوه، جميل. ياسين بغزل: عشان عينك شافتها. سيف وأدهم: أيوا بقى. ياسين: اخرسوا يا أما مفيش جواز وإنتوا حرين. سيف وأدهم: ها، لا، الطيب أحسن. حور: ياسين، ممكن أخرج أتمشى برا شوية؟ ياسين: تعالي، هنخرج نتمشى سوا. حور وياسين قاموا. إيمان بغيظ: هتروحوا فين؟ ياسين: وإنتي مالك إنتي؟

وخد حور وخرج يتمشى. ياسين: ها، مالك بقا زعلانة ليه؟ حور: مش زعلانة ولا حاجة. ياسين: حور، متكدبيش عليا يا حور. حور: أنا خايفة. ياسين: من إيه بقى؟ حور: خايفة تسيبني وتتجوز غيري. ياسين: ياسين، أجوز غيرك إيه؟ إنتي نسيتي إننا متجوزين أصلاً ولا إيه؟ وبعدين يا ستي أنا بحبك إنتي ومش شايف غيرك إنتي، ومش هحب غيرك إنتي. حور: بجدي؟ ياسين: أيوه يا ستي، بجد. وبعدين مش عايز أشوفك زعلانة تاني. ماشى. حور: إشطا.

ياسين: الله يخربيتك يا ياسين الزفت. إنت عدّيتلي البت، خليتها بيئة زيك. حور بضحك: لا، مش سيف بس، ومحمد كمان. ياسين: أه، هي كانت ناقصة. حور وقفت فجأة: يااااااااسين! يااااااااسين!