رواية حور ياسين الفصل الأول 1 - بقلم مي

الكل تحت في أوضة السفرة. جودي أول ما شافت ياسين جريت عليه وحضنته. ياسين: روح قلبي، يلا عشان نفطر. حور وياسين: صباح الخير. الكل: صباح النور. سلمي: ياسين، أنا هنزل معاك الشركة النهاردة. ياسين: لا، ارتاحي أسبوع وبعدين انزلي الشركة. سلمي: بسي. ياسين: مبصش، اسمعي الكلام. سلمي بابتسامة: حاضر. إيمان بخبث عشان تغيظ حور: وانتو بقا اتجوزتو إمتى؟ سلمي: مين دول اللي اتجوزوا إمتى؟ إيمان: انتي وياسين. سلمي وياسين ضحكوا على كلامها.

إيمان: انتوا بتضحكوا ليه؟ سلمي: أصلنا مش اتجوزنا أساسًا، هو صاحب جوزي الله يرحمه، وياسين زي أخويا بالظبط مش أكتر. إيمان بغيظ: آه، معلش فهمت غلط. سلمي: لا عادي، ولا يهمك. جه صوت من وراهم: حور! سلمي بصدمة: انت إزاي… : هو انتي. حور: أسر، انتوا تعرفوا بعض؟ سلمي وأسر: لا. حور: أومال هي ليه قالتلك إنت لي؟ وحسيتكم اتصدمتوا لما شوفتوا بعض. أسر: عادي يعني. حور بشك: ماشي، فين محمد؟ محمد دخل: أنا أهو.

حور راحت حضنته: عاملين إيه؟ محمد: كويسين. حور: جايين عشان نخرج؟ محمد: لا، أسر جاي شغل مع ياسين، أما أنا جاي أشوفك. حور: يعني مش هنروح الدار النهاردة؟ أسر: معلش يا حور مرة تانية، بس دلوقتي شغل. حور: أوكي. حنان: طب اتفضلوا اقعدوا افطروا معانا. أسر: لا، شكرًا يا طنطي. ياسين: دادة سعاد. سعاد: نعم يا ابني. ياسين: معلش، دخلي أسر ومحمد أوضة المكتب. حور: لا، روحي انتي يا دادة، أنا هوّديهم. ياسين: حور، انتي لسة مفطرتيش.

حور: حاضر. سعاد: اتفضلوا معايا. محمد وأسر راحوا وراها، وسعاد دخلتهم وهما قعدوا. *** برا عند ياسين، قعدوا كلهم. ياسين بصوت واطي لي حور: حسابنا بعدين يا حور. حور بصتله بضيق. ملك: هنروح إمتى نعمل شوبنج عشان الفرح؟ أسماء: تيجوا النهاردة. حور: اشطا يلا. ملك: سلمي أكيد هتيجي معانا صح؟ سلمي: أكيد. حور: طب نفطر ونلبس ونروح سوا. ياسين: هو أنا مليش رأي؟ حور: لا. ياسين: نعم؟

حور: لا، مش ليك، أنا بقول لملك، لا مش هروح إلا لما ياسين يوافق، صح يا ملك؟ ملك: محصلش. حور: شوفت أهو. الكل ضحك على مرح حور، إلا إيمان اللي كانت هتموت من الغيظ. ياسين: ماشي يا حور، أنا هروح أشوف أسر ومحمد في المكتب، ماما معلش خلي حد يجيب القهوة. حنان: حاضر. ملك: شكلك حلو أوي لما بتخافي يا حور. حور: يا بنتي أنا مش بخاف، أنا مش بحب أمشي كلامي عليه قدامك، إنما أنا مسيطرة. أسماء: يااااسين!

حور بخوف قامت اتفزعت وبصت وراها، الكل فضل يضحك عليها. أسماء: هههههههه، مش قادرة، شكلك حكاية. جودي: حوري الكدابة بتروح النار. حور: بقا كدا يا جودي، ماشى. سلمي: جووودي كدا عيب. حور: خلاص يا سلمي، مفيش حاجة، إحنا بنهزر سوا. حنان: بس بقا، يلا كلو، وأنا هروح أخلي سعاد تعملهم القهوة، يلا. حور: أنا كلت الحمد لله، هروح أعملها أنا. حنان: ماشي يا حور. حور خرجت من أوضة السفرة وراحت المطبخ. إيمان: الحمد لله، أنا كلت وقامت. ***

عند ياسين، دخل المكتب. ياسين: معلش اتأخرت. أسر: لا عادي، خير بقا، قولت عايزني في شغلك. ياسين: إيه رأيك ندخل شراكة في الصفقة الجديدة. أسر: ليه؟ أنا أعرف إن ياسين الصاوي مش بيحب يشارك حد، ولا أنا غلطان؟ ياسين: كلامك صح، بس انت وأنا أقوى وأعلى اسمين في السوق، فبدال منافس بعض نشارك بعض أحسن ونبقى أقوى ونبقى رقم 1 في العالم. أسر بتفكير: كلامك صح، أنا موافق.

وفضلوا يكلموا في موضوع الشراكة هما الاتنين، ومحمد بيستمع ليهم، لحد ما سمعوا صوت… *** عند حور، دخلت المطبخ وعملت القهوة. إيمان دخلت المطبخ: أساعدك؟ حور: لا، شكرًا، أنا خلصتها أهو. إيمان: ماشي. حور شالت الصينية اللي عليها القهوة وخارجة من المطبخ. إيمان ابتسمت بخبث وكعبلتها برجليها. حور اتكعبلت ووقعت، والقهوة وقعت منها، وفي حبة قهوة وقعوا على إيديها. حور بصوت: حور بصوت عالي: آآآآآآآآه! ***

عند ياسين، سمع صوت حور جريوا عليها كلهم. ياسين جري عليها وقعد على ركبته. ياسين: حور، انتي كويسة؟ إيه اللي وقعك؟ حور بعياط: إيدي يا ياسين، بتحرقني، إيدي! محمد مسك إيدها: حد يجيب تلج بسرعة. أسماء جريت جابت تلج من الفريزر. سيف خدها منها وأداها لمحمد. محمد خدها وحطها على إيد حور. ياسين: حور حبيبتي، خلاص اهدي، قومي يلا. وقومها وخرجوا كلهم برا وقعدوا على الأنتريه. ياسين: إيه اللي دخلك المطبخ؟ حور: كنت بعمل القهوة.

ياسين بعصبية: هو أنا قولتلك أعمل حاجة؟ حور: أنا حبيت أعمل القهوة، وبعدين أنا وقعت وأنا خارجة، مش وأنا بعمل القهوة. محمد: خلاص يا حبيبتي، المهم إنك كويسة يا قلبي. حنان: اطلعي نامي شوية يا حور. حور: مش عايزة أنام يا ماما. أسر: بس إزاي اتكعبلتي ومكنش في حاجة على الأرض تكعبلِك أساسًا. حور: معرفش، بس أنا اتكعبلت والله، واسأل إيمان. ياسين بص لإيمان: وانتي كنتي بتعملي إيه في المطبخ يا إيمان؟ دا أنا أعرف إنك مش بتحبي المطبخ.

إيمان: كنت رايحة أشرب. ياسين: تمام، تعالي يلا يا حور نطلع فوق ترتاحي شوية. حور: حاضر. محمد وأسر: إحنا هنمشي، سلام. محمد باس دماغ حور: هرن عليكي شوية كدا، تمام. حور: تمام. ومشوا سوا. ياسين: يلا يا حور. حور قامت وطلعوا سوا في أوضتهم ودخلوا الأوضة. ياسين: نامي يا حور شوية. حور: انت مش كنت رايح الشركة؟ ياسين: أيوه، هروح شوية كدا. حور: تمام. وفعلًا حاولت تنام لحد ما نامت.

ياسين لما شافها نامت قام وباس إيديها اللي القهوة وقعت عليها وخرج من الأوضة. *** الكل قاعدين. جودي أول ما شافت ياسين نازل جريت عليه. جودي: بابي، هي حوري كويسة؟ ياسين شالها: أيوه كويسة يا قلب بابي. حنان: حور نامت يا ياسين. ياسين: أيوه يا ماما. وأنا هروح الشركة، يلا يا سيف. سيف: يلا. ياسين: أسماء، ملك، سلمي، أنا كنتوا خارجين النهاردة؟ ملك: أيوه، بس هنأجلها لبكره عشان حور تبقا معانا. ياسين: مش لازم، روحوا انتوا.

أسماء: لا، حور هتزعل، هنروح بكره وخلاص. ياسين: تمام، سلام. وخرج. حنان: ربنا يحميكوا يا رب. الكل معاد إيمان: آمين يا رب. *** عند ياسين، ركب العربية هو وسيف، وبعد نص ساعة وصلوا الشركة ودخلوا الشركة وطلعوا الأسانسير. ياسين: رقية، هاتي القهوة بتاعتي وجدول مواعيد النهاردة، وخلي أدهم يجي لي. رقية السكرتيرة: حاضر يا ياسين بيه. وبعد شوية دخلت بالقهوة. رقية: اتفضل القهوة حضرتك، النهاردة عندك 4 اجتماعات وفي ورق عايز إمضتك.

ياسين: تمام يا رقية، هو أدهم فين؟ رقية: أدهم بيه بيمر على الشركة وهيجي لي حضرتك. ياسين: تمام، اتفضلي انتي. رقية خرجت وياسين بدأ يراجع الملفات وخلصهم. الباب اتفتح ودخلوا أدهم وسيف سوا. ياسين: أنا مش قولت مليون مرة بلاش تعامل البهايم دي، مش تخبطوا يا بهايم انتوا! سيف: من امتى واحنا بنخبط يعني؟ ياسين: أنا مش هحرق دمي بالكلام معاكم، المهم. أدهم: خير، اللهم اجعله خيري.

ياسين: خير يا خوي، هنشارك ولاد نصار في الصفقة الجديدة، إيه رأيكوا؟ سيف: ليه؟ ياسين: عشان إحنا دلوقتي هنبقى أقوى وأعلى اسمين في العالم، بدل ما حد غيرنا يشارك ونبقى منافسين، نشارك إحنا ونبقى الأقوى، وكمان أسر ناجح. أدهم: فكرة حلوة، بس هو هيوافق؟ ياسين: هو وافق. أدهم: اومال بتاخد رأينا دلوقتي ليه؟ ياسين: عشان عارف إن دماغنا زي دماغ بعض. أدهم وسيف: تمام. ياسين: يلا عشان عندنا اجتماعات دلوقتي. أدهم وسيف: يلا.

دخلوا أوضة الاجتماعات وبدأوا شغل. *** عند حور، صحيت ملقتش ياسين في الأوضة، عرفت إنه راح الشركة، فقامت ونزلت تحت وكانوا الكل قاعدين. حنان: حور، عاملة إيه دلوقتي؟ حور: كويسة يا ماما، حرق بسيط والحمد لله، مسبش علامات ولا أي حاجة. حنان: الحمد لله. حور: مالكم قاعدين زي المطلقين كدا ليه؟ ملك: عادي يعني، هنعمل إيه. حور بمرح: ولا حاجة، نشغل أغاني ونفرح شويا بما إننا متجمعين كلنا سوا. جودي: يلا يا حوري، شغلي أغاني.

حور: حاضر يا قلب حوري انتي. وشغلوا أغاني وفضلوا يرقصوا ويهزروا ويغنوا مع الأغنية، وإيمان بتبصلهم بحقد. إيمان لنفسها: مش هخليكي تفرحي يا حور، أنا هحرق قلبك، وبكرا تشوفي. وقامت من مكانها وطلعت أوضتها، وهما مخدوش بالهم منها أصلًا. ووووو… *** أدهم وسيف بتعب قعدوا. ياسين: معلش، فاضل اجتماع واحد بس. سيف: والله تعبت، حرام عليك، اجلوه لبكره. ياسين: لا مينفعش، هو واحد بس ومش هياخد وقت كتير، تمام. أدهم فونو رن، رد: الو.

: في إيه؟ …………… أدهم: ياسين! حصل… ياسين بخوف وعصبية: حووووووووور!