رواية حور ياسين الفصل السادس 6 - بقلم مي

حور اتصدمت وعنيها قفلت ووقعت مغمى عليها. ياسين سمع صوت حاجة اترزعت على الأرض جامد، بيبص لقى حور واقعة على الأرض، قام بسرعة وشالها ونيمها على السرير وجاب برفان وحاول يفوقها. بعد دقيقتين فاقت. ياسين: حبيبتي مالك؟ انتي كويسة؟ تعالي البسي عشان نروح المستشفى. حور مسكت الفون: إيه ده يا ياسين؟ كمان متجوز عليا؟ ولا كمان عندك أولاد؟ طلقني. ياسين: طلاق إيه؟ انتي اتجننتي ولا إيه؟ وبعدين ولاد مين ومتجوز مين؟

هي الواقعة أثرت على دماغك؟ حور: مش ده فونك؟ خده أهو والرسالة أهي. ياسين مسك الفون وشاف الرسالة. حور: مراتك دي ولا إيه؟ وكمان عندك ولاد؟ ياسين: ... حور بدموع: طلقني يا ياسين. ياسين: انتي اتجننتي؟ طلاق إيه ورسالة إيه؟ أنا معرفش حاجة عن الهبل ده. ولو على الرسالة تلاقي حد بعتها بالغلط يا حور، فا اهدي كدا وبطلي هبل. حور: هبل؟ ماشي يا ياسين. ياسين مسك الفون وركز في الرقم شوية. *** تحت، بعد ما حور وياسين طلعوا، أدهم جه.

حنان: عامل إيه يا أدهم؟ أدهم: الحمد لله يا طنط. هو فين ياسين؟ سيف: فوق يا خويا، تعالى اقعد. أدهم قعد جنبهم بس لاحظ إن ملك مدايقة. أدهم: مالك يا ملك؟ مدايقة ليه؟ ملك: ولا حاجة. أدهم: اللي بتكلم بنات الشركة كلهم؟ ملك: ده عادي يعني، كل كلامنا بيبقى عبارة عن شغل وتعليمات ينفذوها مش أكتر، ده الطبيعي. حمزة: حصل، إحنا في شغلنا بنتعامل مع بنات.

سلمي: بسيط كدا، بيبقى كل كلامهم شغل وبس، يا لوكا والله وبعدين اللي انتي وحور عملتوه في سيف هيطلع عليكي ولا إيه؟ حمزة: عندي فكرة. سيف: إيه هي؟ حمزة: نعمل فيهم مقلب. هنبعت من رقمي الجديد رسالة لياسين، وأكيد حور هتشوفها عشان قاعدة جنبه. ملك وأسماء وإيمان: أشطا، موافقين. حنان: لا بلاش أحسن يتخانقوا سوا وإحنا مش ناقصين والله خناق. هما يدوبك لسه حالهم هيتعدل. سيف: متخفيش بس، طلع يا حمزة الفون. أدهم: ما بلاش ياسين مش بيرحم.

حمزة: بطل خوف واسكت انت. أدهم: تمام، أنا برا المقلب ده، مش ناقص أنا عايز أتجوّز مش عايز أُقتل. حمزة مسك الفون وبعت الرسالة. سيف: ها، اتبعت؟ حمزة: واستلمها كمان. حنان: ربنا يستر من ياسين لو عرف. سيف: لا متخافيش، هو كدا كدا هيعرف بس بعد ما يتربى على اللي مراته عملته فيا. قامت أسماء عليا. *** عند ياسين وحور. ياسين مسك الفون وركز في الرقم شوية. ياسين افتكر إن الرقم ده رن عليه قبل كده، افتكر مين صاحب الرقم.

ياسين لنفسه: والله لأوريك يا كلب. اتمسك بإيد حور وخرج بيها من باب الأوضة. حور: في إيه؟ سيب إيدي كدا هتوديني في... ياسين: مش كنتي عايزة تعرفي مين مراتي وولادي؟ هوريهملك، تعالي. حور: يعني الرسالة صح؟ وانت كنت بتكذب عليا؟ ياسين مردش عليها وشد إيدها ونزل. *** تحت. قاعدين مش سامعين صوت. شافوا ياسين نزل هو وحور، وساب إيد حور اللي قعدت جنب حنان وملك، وهو قعد في النص ما بين سيف وحمزة. ياسين: أمي، عرفتي مش أنا طلعت متجوز؟

لأ وكمان عندي ولاد؟ وكمان سايبهم؟ حنان بتوتر وخوف على حمزة وسيف: إيه؟ إمتى ده؟ ياسين: أصلي جاتلي رسالة من مراتي اللي قاعدة جنبي، وأكيد هي مش بعتتلي إلا لما يكون حد مشجعها، ولا إيه يا حمزة باشا؟ ياترى بقى من ولادي؟ أكيد سيف باشا وأدهم بيه؟ ولا أنا غلط؟ حمزة: بص، هو مش إحنا. ياسين: يا راجل. سيف: أيوه، مش إحنا. أدهم بضحك: طب نسمع الريكورد الحلو ده. الريكورد كان فيه صوت سيف وملك وأسماء وحمزة وهما بيتفقوا. سيف

وحمزة وأسماء وملك بصدمة: إيه ده؟ ياسين: إيه رأيكم؟ سيف: بص، إحنا كنا بنهزر والله، صدقني. حمزة: آه والله بنهزر. ياسين: والهزار مع ياسين الصاوي بيقتل. وبما إنكم إخواتي الصغيرين مش هيبقى موت، بس هيبقى عقاب صغير كدا. انتو الأربعة، سيف وحمزة، الأقصر كله يتمسح ويتروق، عايزهم يبرقوا. أسماء وملك، انتو الاتنين اعملوا الأكل النهاردة، ويبقى ميعجبنيش عشان ألغي جوازكم دي نهائي، وانتو حرين.

سيف: أومال لو مكنش أخوكم، أنا مستحيل أعمل كدا. ياسين: أحسن برضه، أهو ألغي فرحك يا حلو. حنان: يابني مش كدا. ياسين: ماما، لو سمحت متدخليش. حنان: بس يا ياسين، ملك مبتعرفش تدخل المطبخ، وكمان حمزة وسيف رجالة، فا أكيد مش هيعرفوا ينضفوا. ياسين: اللي عندي قلته. سلمي: المهم يا ياسين، أنا هنقل بكرة للشقة بتاعتي. حمزة: وأخيراً، الشقة اتجهزت. ياسين بجمود: طب جودي. سلمي: مالها جودي؟

ما هي معايا، ولما تعوز تشوفك هجيبها ونقعد طول النهار. ياسين: تمام، براحتك يا سلمي. أدهم: ياسين، عايزك تمضي على الورق ده تبع الصفقة الجديدة، ودي يمكن تسافر لي. ياسين: تمام، سيب الورق وأنا هخلصه بكرة قبل ما نروح خطوبة أسر وتاليا. أدهم: تمام. ياسين: فاضل بس أسبوعين على الفرح ولسة مجهزناش حاجة. ياسين: الترتيبات جاهزة، مش ناقص حاجة. أدهم: بس. ياسين: مبقاش، أنا جهزت وخلاص. أدهم: تمام. ياسين: انتو الأربعة لسة قاعدين؟

يلا قوموا. الأربعة قاموا وراحوا ينفذوا اللي ياسين قاله. أدهم: أنا همشي أنا، سلام. ياسين: خليك. أدهم: لا، هروح أنام، سلام. حور: وأنا طالعة أنام. حنان: اطلعي. حور طلعت، وياسين استأذن وطلع وراها. *** حور طلعت، فونها كان بيرن، ردت وياسين دخل الأوضة. قعد على الكنبة لحد ما تخلص كلام مع أخوها. حور: الو يا قلب أختك، عامل إيه؟ محمد: تمام يا روحي، انتي عاملة إيه؟ حور: الحمد لله. محمد: طيب، أجي آخدك النهاردة؟ بكرة الخطوبة.

حور: لا، هاجي بكرة مع ياسين والعيلة. محمد: ليه؟ ما أجي آخدك النهاردة. حور: خلاص بقا، بمرا. هاجي، المهم هتلبس إيه أنتم؟ محمد: بدلة أكيد. حور: تمام، ياريت يبقى شكلها حلو عشان تخرج من خطوبة أخوك بعروسة. محمد: انتي ساعات بتقلبي لخطابة، مش عارف ليه. حور: بس يلا، انت مش عارف مصلحتكم. محمد: ماشي، يا اللي عارفة مصلحتي، عايزة حاجة؟ حور: لا، سلامتك. سلام. وقفل. حور: ياسين. ياسين: خير يا حور. حور: متزعلش، بس حط نفسك مكاني.

ياسين: حور، انتي بتيجي تكحليها بتعميها بكلامك. حور: طيب، هتفضل زعلان؟ ياسين: مقدرش أزعل من بنوتي اللي بحبها. وبعدين، اتجوز غيرك؟ ده إيه؟ انتي عندي بالدنيا كلها، سرقتي قلبي وعقلي وعيني مبقتش شايفة غيرك، ولا قلبي هيحب غيرك انتي وبس. وبعدين، مش الشرع محلل أربعة؟ حور: نععععم؟ ياسين: الشرع محلل أربعة، انتي الأولى والتانية والتالتة والرابعة، وقفلتي قلبي على كدا.

حور: ربنا يديمك ليا يارب. المهم يا أسطا، سامح العيال الغلبانة اللي تحت دول، مالهمش في البهدلة. ياسين: يا أسطا... عيال... بهدلة... بت أنا مش قولتلك متقعديش مع سيف كتير؟ الله يخربيتك يا سيف الزفت. حور: خلاص بقا، يلا ننزل. ياسين: يلا يا ختي، يلا. *** في المطبخ. أسماء كانت واقفة بتعمل الأكل بكل شطارة، وملك قاعدة بتقطع الطماطم. أسماء: خلصي يا ملك، كل ده بتقطعي في دول. ملك: يوووه، وأنا من إمتى بعرف أعمل حاجة؟ يعني.

أسماء: وده غلط، لازم تتعلمي كل حاجة. ملك: آه، إن شاء الله. أسماء: طيب، اخلص تقطيع بسرعة. وكملت أسماء عمايل الأكل. *** في الدور الأول. كان سيف وحمزة بيروقوا. سيف: بقا دي آخرتي؟ ياربي منك لله يا اللي في بالي. حمزة: يارب يسمعك. أنا معرفش أنا إيه اللي جابني هنا. حنان: هههههه، شكلكم يضحك أوووي. سيف: ينفع كدا يا ماما؟ حنان: قولت لكم بلاش. ياسين، يلا كملوا. وسابتهم وخرجت. *** سلمي: بتضحكي على إيه يا ماما؟

حنان: شكل سيف وحمزة يموت من الضحك. سلمي: والله يستاهلوا. ياسين وحور نزلوا قعدوا جنبهم. حنان: شوفتهم؟ ياسين: سيبيهم، يستاهلوا كل خير. إيمان فونها رن، قامت من جنبهم وطلعت أوضتها. جودي: بابي. ياسين: قلب بابي. جودي: أنا همشي بكرة مع ماما، وأنا مش عايزة أمشي. ياسين: خلاص، خليكي قاعدة معايا. جودي: مش هينفع، أسيب مامي لوحدها، صح؟ ياسين: صح يا جودي. جودي: إيه رأيك انت تجوز ماما بدل حور؟

ونقعد كلنا سوا هنا، وكدا أنا مش هروح مع ماما بعيد عنك. سلمي: جووودي! إيه اللي بتقوليه ده؟ يلا اطلعي أوضتك، وابقا أسمعك تتكلمي كدا تاني عشان أضربك. جودي عيطت، وياسين اتضايق من زعيق سلمي لجودي. ياسين: لمرة المليون، متزعقيش ليها تاني كدا. سلمي: انت مش سامع كلامي؟ ياسين: دي طفلة. ياسين لجودي: قلب بابي، إيه رأيك تروحي مع ماما؟ وكل يوم هاجي عندك وأوديكي الحضانة وأروحك تاني؟ جودي: ماشي يا بابي. *** عند إيمان.

بتكلم في الفون. إيمان: الو يا فهد، ها عملت إيه؟ فهد: الورق جاهز، هننفذ النهاردة أو بكرة. إيمان: تمام، بس انتو هتسافروا إمتى؟ فهد: ملكيش دعوة انتي، واستني مني مكالمة. وقفل. إيمان نزلت تحت، وكانوا قاعدين. إيمان: ياسين، ممكن أكلمك لوحدنا؟ ياسين: تمام، تعالي المكتب. ودخلوا المكتب. إيمان: فهد هينفذ النهاردة أو بكرة، خلي بالك من حور. ياسين: تمام يا إيمان. أي جديد عرفتيه؟ إيمان: أوك.

وخرجت من المكتب، وياسين فضل قاعد يفكر هيعمل إيه في فهد. *** بعد ما فهد دخل مكتبه هو وإيمان، سيف وحمزة خلصوا وخدوا دش وقعدوا. أسماء: إحنا خلصنا الأكل، يلا بقا ناكل. سيف: ياريت. فين ياسين بيه؟ إيمان: في المكتب. حمزة بصلها، عرف إن فهد كلمها. حور: هروح أنادي وأجي. حنان: تمام، ماشي يا حور، روحي. حور قامت وراحت المكتب وخبطت. ياسين: تعالي يا حور. حور دخلت: عرفت إن أنا إيه؟ ياسين: انتي بتخبطي ولا كأنك بتطبلي لفرح.

حور: طيب، يلا عشان ناكل. ياسين: حاضر، يلا. وقاموا وخرجوا سوا وقعدوا على السفرة. حنان: فعلًا، وأكيد أسماء اللي عاملاها. أسماء: أنا وملك عاملينها سوا. سيف: بتكدبي ليه؟ كلنا عارفين إن ملك مبتعرفش تعمل شاي، فا هتعمل أكل. وقضى اليوم على كدا، بعد ما خلصوا أكل، طلعوا ناموا في أوضهم، وكان ياسين وإيمان وحمزة اللي إيمان حكتله، خايفين على إن حور تتأذى. *** في أوضة ياسين وحور. حاضن حور أوي. حور: ياسين، في إيه؟

ياسين: مفيش حاجة، ونامي يا حور عشان بكرة خطوبة أسر، وكمان بكرة ورانا مشوار صغير. حور: حاضر. وفعلًا نامت، وياسين نام، بس بعد تفكير طويل لساعات. *** تاني يوم. ياسين صحي ملقاش حور، ودور عليها ملقهاش. وكان فيه دم كتير على الأرض، وحور مرمية على الأرض جنب الدم والسكينة. ياسين قرب منها، فضل يفوقها مش بتفوق. ياسين بعياط وبصوت عالي: حووووووووور! وووووووو!