رواية حور ياسين الفصل الثالث 3 - بقلم مي

قعد أدهم وسيف بعيد. سيف: معلش، بس هو أنت ماسك علينا زلة ولا حاجة؟ ياسين: أيوه. سيف: يا عم ارحمنا، إحنا كتب كتابنا والله. حد يقنعك؟ قطعهم صوت عالي وزعيق جاي من بره أوضة السفرة. الكل قام بسرعة وخرجوا. بره الأوضة، ياسين وسيف وأدهم وسلمى بصدمة: أنت! سلمى جريت عليه: حبيبي، واحشني أوي والله. جودي: حمزة! وجريت عليه حضنته. حمزة: روح قلب حمزة أنتِ. حمزة سلم على أدهم وسيف وياسين. ياسين لكل: حمزة أخو سلمى التوأم.

حنان: نورت يا بني. حمزة: ربنا يخليكي يا طنط. سلمى: أنت إيه اللي نزلك؟ حمزة: ياسين باشا بعيد عنك. ملك بمرح: أخويا دا مسيطر والله. أدهم بغيرة بص لملك بصة خرستها. ياسين: تعالوا ورايا على المكتب. حمزة: لا، أنا جعان آكل الأول. حنان: إحنا كنا هنتغدى أصلًا، يلا تعالى معانا. حمزة: حبيبتي والله بتفهمي، فين بقى الأكل؟ سلمى: ديمًا همك على بطنك كده. حمزة: أنا اتظلمت والله. إيمان بغيظ: شخصية رخمة. حمزة بصوت واطي: شكرًا يا قمر.

ياسين: انتوا كنتوا بتتخانقوا ليه؟ حمزة: خبطت فيه بالـ... بالغلط. زعقت لي وهزأتني وصوتها عليَّ. معرفش ليها! إيمان: والله ما هرد على واحد زيك. حمزة: وأنتي طولي أصلًا. إيمان بصت له بقرف وسابته وقعدت على السفرة. وكلهم قعدوا على السفرة برضه، وبعد وقت خلصوا أكل. إيمان بتصنع: ها، هنخرج امتى نعمل شوبينج؟ سلمى: ليه؟ هو أنتِ هتروحي معانا؟ إيمان: أيوه، لو مش حابين بلاش. أسماء: لا طبعًا هتيجي معانا. هنفكر ونخرج. سيف: هاجي معاكم.

أدهم: وأنا. حمزة: يعني هي جت عليا وأنا كمان؟ ياسين: طب خلصوا. سيف: ليه؟ أنت هتيجي معانا؟ ياسين بسخرية: دا لو حضرتك مش عندك مانع يعني. حنان: لو خلصتوا مناقرة، كلوا وأنتم ساكتين. بعد وقت خلصوا أكل. ياسين: يلا اطلعوا اجهزوا. الكل: تمام. وطلعوا. عند ياسين، طلعوا هو وحور. وحور لبست وجهزت، وياسين كمان جهز. حور واقفة قدام المرايا بتحط روج. ياسين بعصبية: حور، أنتِ بتحطي إيه؟ امسحي القرف ده، مش ناقصة هبل هي.

حور: ياسين، بالله عليك متقفلهاش في وشي وخليني أحط. هو روج بس والله. ياسين: لا يا حور، اخلصي. حور: بس يا ياسين. ياسين: براحتك. خمس دقايق كمان وأقول مفيش مرواح في حتة. أنتِ حرة يا روحي. حور مسكت منديل: أوف، دا أنت رخــ... ياسين: نعم، أنا إيه يا أختي؟ حور: مش أنت، مش أنت. ياسين: آه، بحسب. حور: لا متحسبش. إيمان نزلت ومكنش لسه حد نزل غير حمزة، اللي مطلعش أصلًا هو وأدهم. حمزة: إيه القمر ده بقى؟ إيمان: وأنت مالك؟

دا أنت رخــ... أوي. حمزة ببرود: على فكرة عيب تشتمي جوزك المستقبلي. إيمان: جوز بط يا خويا، قال جوزي قال. أنت أهبل يلا؟ حمزة: أنتِ طولي أصلًا. أبص لك يا بت أنتِ. إيمان: ولا... والله أزعلك. أيوه، أنا مش كيوت زي بنات بره يا روح مامي أنت. حمزة ببرود: عرفتي منين إني أنا روح مامي فعلًا؟ أنا ماما الله يرحمها كانت بتحبني أوي وروحها فيا. إيمان لسه هترد عليه، أسماء وسلمى وسيف وملك نازلين على السلم. أسماء: في إيه؟

أدهم: تعالوا اتفرجوا، مسلسل حلو أوي. بيتخانقوا من أول ما شافوا بعض، ما شاء الله. سلمى: نهار أسود! كل اللي في المسلسلات اللي بيتخانقوا سوا بيتجوزوا بعض. ملك بضحك: هههههه، أيوه صح. بس تصدقي، لايقين على بعض ما شاء الله. حمزة: منا بقول كده من الصبح. سلمى بذهول: بتقول إيه؟ حمزة: إن أنا وهي لايقين على بعض وإننا نتجوز. سارة: ولا هضربك والله، قال نتجوز قال. كتك القرف، عيل رخــ... سلمى: نهار أسود! حمزة بيترفض من بنت؟

لأ، وكمان هزأته؟ دا أنتوا هتبقوا نكتة لو اتجوزتوا والله. حور نازلة بتجري. ياسين اتعصب من إن حد يشوفها وهي بتجري كده. مسك إيدها جامد. حور بصوت واطي: في إيه؟ ياسين: بتجري ليه يا حور؟ حور: عادي. ياسين: حور، أنتِ مش صغيرة. امشي بعقــ... شوية. ملك: أنتوا بتقولوا إيه لبعض؟ ياسين: وأنتِ مالك أنتِ؟ أدهم: اتكلم معاها أحسن من كده لو سمحت. ملك: حبيبي يا قرة عيني أنت. ياسين: حرف كمان وأقول مفيش أفراح ليكوا.

أدهم: لا، وعلى إيه. الطيب أحسن. ياسين: أنا بقول كده برضه. خرجوا كلهم من الأقصر، ركبوا العربيات. أدهم وملك وسيف وأسماء عربية. وسلمى وحور وجودي وياسين عربية. وحمزة خد إيمان في عربيته. إيمان: شكرًا. حمزة: على إيه؟ إيمان: إنك ركبتني في عربيتك. حمزة: لا ياستي، العفو. إيه رأيك نبقى صحاب؟ إيمان: أنا وأنت؟ حمزة بسخرية: لا، أنا وأنتِ والقاهرة بس. إيمان: بطل تريقة لو سمحت. حمزة: ها، طيب قولتي إيه؟ إيمان: لا.

حمزة كأنه مسمعش: لا، أشطا. صحاب. إيمان: دا أنت مجنون والله. حمزة: أنا يا بنتي. إيمان بضحك لأول مرة من قلبها: أيوه يا ولدي. حمزة ضحك معاها وفضلوا يهزروا. في عربية ياسين. جودي: بابي، أنا عايزة شوكولاتة. سلمى: جودي، ها، قولت إيه؟ ياسين: سلمي، سبيها لو سمحت. ووقف العربية قدام سوبر ماركت. ياسين: قلب بابي، تعالي يلا. سلمى: ياسين، متجبهالهاش حاجة. ياسين: ملكيش دعوة. قلب بابي اللي هي عايزاه يجيلها. سلمى: مدلعهاش يا ياسين.

ياسين: ملكة بابي تدلع براحتها. ملكيش دعوة أنتِ لو سمحت يا سلمى. سلمى: أوف، ماشي يا ياسين. براحتك. ياسين خد جودي ونزلوا من العربية ودخلوا السوبر ماركت. حور: خلاص يا سلمى، متضايقيش. سلمى: حور، لو سمحت متدخليش. أنا وهو حرين. حور بستغراب من طريقة كلامها: تمام. أنا آسفة. سلمى: حور، بجد آسفة. أنا بس اتضايقت شوية. مينفعش يدلع جودي كده. الدلع زيادة غلط. حور: عادي، ولا يهمك.

ياسين جه وركب العربية وكان معاه شنطتين فيهم شيبس وبيبسي وشوكولاتات وحاجات حلوة كتير. جودي: مامي، بابي جاب لي حاجات كتير أوي! بصي. سلمى: ماشي يا جودي. ياسين ساق العربية تاني. عند مول كبير جدًا. وصلوا عربيتين، حمزة وأدهم ونزلوا. أدهم: اومال فين ياسين؟ المفروض كان وصل قبلنا. سيف: هرن عليه ثواني. وطلع فونو ورن عليه. سيف: إيه يا ياسين؟ أنت فين؟ إحنا وصلنا. ياسين: خمس دقايق وأكون قدامكم. سيف: تمام، سلام. وقفل. أدهم: إيه؟

سيف: خمس دقايق ويكون وصل. إيمان: هنروح إحنا والبنات سوا ولا إيه؟ ملك بسفزاز: خليكي أنتِ هنا. إيمان بزعل: تمام، ماشي. حمزة: إيه رأيك نتمشى في المول الكبير ده؟ إيمان: تمام. حمزة: يلا. ومشوا سوا. بعد ما مشيوا. أسماء: ملك، ليه قولتي كده؟ إيمان بدأت تتغير، لي زعلتيها؟ ملك: تتغير؟ دا على أساس إنك مش عارفة أختك يعني. أسماء: أيوه، بدأت تتغير. قطع كلامهم وصول ياسين. أدهم: أنتوا كنتوا فين؟

ياسين: ملكش دعوة. يلا عشان البنات يشوفوا هيشتروا إيه ونخلص. حور: لا، ما أنتوا مش هتيجوا معانا. أنتوا هتفضلوا في الكافيه في المول واحنا هنخلص وهنروح لكم. ياسين: لا طبعًا. حور: بالله عليك يا ياسين. لو أنتوا جيتوا معانا، إحنا مش هنعرف نشتري حاجة. ياسين بضيق: ماشي يا حور. لما نشوف آخرتها. لو حصل حاجة، رني عليا تمام. حور: حاضر. يلا يا بنات. البنات اتحركوا سوا، وياسين وأدهم وسيف قعدوا في الكافيه.

ياسين: اومال فين إيمان وحمزة؟ أدهم: ملك كسفت إيمان وحمزة خدها وراحوا يتمشوا شوية في المول. ياسين: تمام. وقعدوا يتكلموا سوا. عند حمزة بيتمشى هو وإيمان سوا. حمزة: إيه رأيك تحكي لي اللي مدايقك وليه أنتِ مش قريبة منهم؟ إيمان: مش عايزة أتكلم. حمزة: ليه؟ إحنا مش صحاب؟ إيمان: صحاب إيه؟ إحنا لسه عارفين بعض من كام ساعة. حمزة: يبقى صحاب ها؟ بقا احكي لي. إيمان: أنا هتكلم عشان عايزة أتكلم، عشان بجد هموت.

حمزة: بعد الشر عليكي. ها، أنا سامعك. اتكلمي. إيمان: وعد الكلام ده ميتقالش لحد. حمزة: وعد. اخلصي بقى.

إيمان: تمام. بص، أنا والله مش وحشة. أنا مش بكره حد، بس ماما طول عمري تقولي إن ياسين ليا أنا ومن حقي أنا. وخلتني متحولة. بقيت بكره حور عشان قريبة من ياسين وهو بيحبها. خلتني شخصية وحشة أوي. طول عمري وأنا بسمع الكل بيحب أسماء، وبابا بيقول أنا مليش غير أسماء، وأنتِ فاشلة وعمرك ما هتنجحي في حاجة. أسماء بابا لحقها، ماما مأثرتش فيها أوي. إنما أنا سابني. ماما تعلمني الحقد والكره تجاه حور وأي حد يقف في طريقي. أنا مكنتش كده والله يا حمزة. أنا كبرت لقيت نفسي لوحدي رغم إن الكل حواليا و...

وحكت له كل حاجة لحد قبل فهد. حمزة: طب إيه رأيك تتغيري؟ بس بجد. إيمان: حتى لو اتغيرت، هتفرق إيه؟ والكل كارهني. حمزة: هتفرق. ومحدش بيكرهك. هما واخدين على إنك الشريرة ديمًا. إيه رأيك تتغيري في كل حاجة؟ إيمان: إزاي ده؟ حمزة: أولًا كده، أنتِ بتشتغلي إيه؟ إيمان: أنا خريجة كلية محاسبة وإدارة أعمال. حمزة: أشطا أوي. إيه رأيك تشتغلي؟ إيمان: أهلي مش هيرضوا. حمزة: ليه؟

إيمان: عشان معندناش بنات بتشتغل. لما تتجوز، تبقا تعمل اللي هي عايزاه. لما يكون جوزها موافق. حمزة: أشطا. إيه رأيك تتجوزيني؟ إيمان: هههههه، بطل هزار. حمزة: مش بهزر. نتجوز لمدة مؤقتة، تكوني اتغيرتي فيها وبدأتي تشتغلي وأسستي مستقبل ليكي وبعدتي عن كل الزن والهبل ده، واعترفتي لياسين بكل خططك مع فهد. ها، إيه رأيك؟ إيمان: صراحة مش عارفة، بس أكيد لأ. ياسين ممكن يقتلني. حمزة: متخافيش، أنا معاكي. إيمان: ليه؟

حمزة: يمكن عشان عايزك تتغيري وتبقي أحسن. إيمان: طيب، يلا نرجع ولا إيه؟ حمزة: يلا. عند البنات، فضلو يدخلوا محل ويخرجوا واشتروا حاجات كتير جدًا. جودي: مامي، هي حوري هتشتري فستان وتجوز بابي؟ سلمى: أيوه يا جودي. جودي: مش أنتِ مامي وهو بابي؟ يبقا أنتِ اتجوزي بابي، وحوري تجوز أي حد تاني. وكده يبقا بابي ومامي سوا، وتودوني كل يوم الحضانة زي صحابي. سلمى: جودي، كده عيب. وبعدين ياسين مش بابي، أنتِ فاهمة؟

دا أونكل ياسين صاحب بابي. هو مش بابي الحقيقي تمام؟ وبعد كده تقولي له يا بابي. ولو سمعت الكلام ده تاني، أنتِ حرة. جودي بعياط: حاضر يا مامي. سلمى: يلا يا بنات، كفاية أوي النهاردة ولا إيه؟ حور بزعل: يلا. وسابتهم ومشيت. أسماء: مال حور؟ ملك: مش عارفة. يلا. وراحوا الكافيه. ياسين: هما اتأخروا كده ليه؟ حمزة: إحنا جينا أهو. أدهم: فاضل البنات. ملك: وإحنا أهو. ياسين شاف حور مدايقة وجودي زعلانة. ياسين: في إيه؟ محدش رد.

ياسين: جودي، مالك؟ جودي بصت لسلمى: مليش يا أونكل. ياسين: أونكل إيه؟ فين بابي؟ حور: أنا هروح أستناكم في العربية. ياسين مسك إيدها: هنخرج سوا أهو. وأنتِ يا سلمى، كلمنا هيبقا في البيت. يلا. كلهم ركبوا العربيات. وسلمى أصرت تاخد جودي وتركب مع حمزة. في عربية ياسين. ياسين: في إيه أنتِ كمان؟ حور: مفيش. ياسين: حور، أوعي تكوني كلمتي سلمى إن جودي بتقولي يا بابي. حور بعصبية: أنا مقولتش حاجة! هو كل حاجة قولتها وزفتي!

أنتوا إيه بقا؟ ياسين بعصبية أعلى: حوووور! صوتك! حور بصويت: ياااااااسين! حاااااااسب! وووووووو.