رواية حور الفصل الأول 1 - بقلم شيماء محروس

في إحدى المناطق العشوائية، يرن جرس شقة أحدهم. فاتن: خد يا عم سيد الزبالة اهي. سيد: يا ست هانم عاوزين الاشتراك. فاتن: حاضر بكرة بكرة تكون البت حور قبضت. سيد: حاضر يا ست. محمود: إيه ف إيه يا فاتن؟ فاتن: الراجل عاوز الاشتراك بتاع الزبالة، قولتله يفوت بكرة. ما أنت لو مش مدي بنتك الفلوس دي كلها، مكنش ده حصل. محمود: ما أنتِ لو ماسكة إيدك شوية ف المصاريف، مكنش ده حصل. وبعدين إيه بنتك دي، هي بنتي لوحدي.

فاتن: كل من دلعك فيها. محمود: أنا مش عارف قلبك قاسي كده ع بنتك دي، بنتك الوحيدة. فاتن: إلا صحيح، انت مروحتش الشغل ليه انهارده؟ محمود: حاضر، ماشي. حور: صباح الخير يا بابا. محمود: صباح الخير يا قلب بابا، اقعدي افطري. حور: لا أنا مستعجلة، اتأخرت ع الشغل. فاتن: متنسيش تجيبى فلوس وخفي إيدك ف المصاريف شوية. حور: حاضر. حاجة تانية؟ فاتن: لا. *** ف الشركة. مريم: حور، حور. حور: ف إيه يا مريم ع الصبح انتي كمان؟ مريم: إيه مالك؟

حور: كالعادة يعني. مريم: أمك برضه؟ حور: أيوة، أنا مش عارفة بتعاملني كده ليه، كأني مش بنتها. مريم: أهدي، أهدي. حور: كنتي عاوزة إيه؟ مريم: المدير عاوزاك، قالي أول ما تيجي حور خليها تدخل ع المكتب. حور: ربنا يستر. *** ف فيلا فؤاد. ليلى: ثناء يا حبيبتي أخبارك؟ ثناء: أنا تمام، انتي أخبارك؟ ليلى: تمام. أنا سمعت إن صافي جت من السفر انهارده. ثناء: أيوة، لسه واصلة انهارده. ليلى: بصراحة كده، أنا كنت عاوزة أخطبها ل سليم.

ثناء: لينا الشرف يا حبيبتي، لما نناسب عائلة زيكم وشاب زي سليم مناسب أوي ل صافي. ليلى: خلاص نجيلكم انهارده الساعة 5. ثناء: تنورونا، ف انتظاركم. *** حور: حضرتك طلبتني. سليم: فين الملفات اللي طلبتها منك امبارح؟ حور: جاهزة يا أفندم. سليم: طيب حضري قاعة الاجتماعات عشان الاجتماع كمان نص ساعة. حور: جهزتها يا أفندم. سليم: شاطرة يا حور. حور: حضرتك عاوز حاجة تانية يا أفندم؟ سليم: لا، شكراً. اتفضلي ع مكتبك. وهي خارجة.

مازن: إيه الصاروخ اللي خارج من مكتبك ده؟ سليم: صعبة أوي، مش زي الباقي. مازن: ف حاجة تصعب عليك يا كوتش؟ سليم: فاق من شروده. المهم جبت اللي قولتلك عليه. مازن: أيوة، كله ع كارت المومري ده، بس متنساش نصيبي ف التورته. سليم: متخافش، نصيبك محفوظ. *** حور: الو يا عمتو. حازم: حور، مهند تعبان ومش راضي ياخد الدواء غير لما تيجي. حور: إيه، طيب أنا جايه حالا يا حازم. علا: أكيد رايحة ل حبيب القلب. الصياعة: ندى: مالكيش دعوة بيها.

علا: هافضحها قدام سليم عشان يطردها وأخلص منها. ندى: أزمات حطيتها ف دماغك، يبقا ع بالسلامة يا حور. *** نجوى: معلش يا حور قلقانكِ بس مهند مش راضي ياخد الدواء إلا لما انتي تيجي. حور: عادي يا عمتو، ولا يهمك. وانت يا مهند مش غلط كده، أنا زعلانة منك أوي. مهند: لا لا، خلاص مش هعمل كده تاني، بس متزعليش. حور: طيب، أوعدني. مهند: وعد. بس خليكي معايا انهارده. حور: حاضر، هقول ل بابا الأول وأشوف. *** ف فيلا ثناء.

ثناء: أهلاً أهلاً، ده انتوا نورتونا إنها. ليلى: تسلمي. ثناء: ازيك يا سليم؟ سليم: الحمد لله. ثناء: طيب اتفضلوا يا جماعة، وانتِ يا صافي خدي سليم واقعدي ف الجنينة. صافي: حاضر يا ماما. سليم: ازيك يا صافي؟ صافي: ازيك يا سليم؟ سليم: نتكلم ع المكشوف بقا، بصي كده. صافي: أخدت الفون. إيه ده؟