رواية حور الفصل الثاني 2 - بقلم شيماء محروس

صافي بصدمة: إيه ده؟ سليم: إيه رأيك يا حلوة لما الصور والفيديوهات دي تنزل على النت؟ صافي بخوف: لا لا يا سليم، أوعى تعمل كده، وأنا هعمل كل اللي أنت عاوزه. سليم: تجيلي بكرة شقتي. صافي: نعم؟ سليم: هتتنازلي عن كل أملاكك. صافي: بس يا سليم. سليم: مفيش بس، بكرة تبقي في الشقة. وسابها ومشي. عند حور. حور: الو يا بابا. محمود: يا بنتي فينك ده كله؟ وليه مجتيش على الغداء؟

حور: أصل يا بابا أنا عند عمتو، مهند كان تعبان شوية، وأنا بستأذن حضرتك هبات عند عمتو النهارده، وأكون عندك بكرة على الغداء. محمود: ماشي يا بنتي، على راحتك. حور: أهو يا سي مهند هبات معاكم النهارده. أروى: هتباتي معايا في أوضتي، مش مع ماما. حور: ماشي. تاني يوم. حور: صباح الخير يا عمتو، صباح الخير يا زومي. حازم: صباح النور، رايحة الشغل؟ حور: آآآه، هي الساعة كام؟ حازم: 8:30. حور: يا نهارري، أنا اتأخرت أوي، لازم أمشي حالا.

حازم: تعالي أوصلك، في طريقي. حور: لا، مش عاوزة أتعبك يا زومي. حازم: يلا بس. عند سليم في الشركة. سليم: مريم، فين حور؟ لحد دلوقتي أنا مش منبه على الكل يبقي في الشركة الساعة 8 بالظبط. مريم: معرفش اتأخرت ليه حضرتك. سليم: لما توصل دخليها مكتبي على طول. مريم: حاضر يا أفندم. علا بدلع: صباح الخير يا سلومتي. سليم: صباح النور. علا وهي بتقرب منه: إيه مالك زعلان ليه؟ سليم: مفيش، ويلا على شغلك. علا وهي بتقرب من الشباك: إيه ده؟

بص الست حور اللي عاملة نفسها محترمة نازلة من عربية واحد. سليم بصدمة: أوعى كده. علا بخبث: عشان كده اتأخرت النهارده، رغم إنك منبه على الكل ييجي بدري عشان الاجتماع. سليم بغضب: اطلعى بررررررة. علا بخوف: حاضر، أنا مالي. حور: صباح الخير يا مريم. مريم: اتأخرتي ليه؟ المدير على آخره وعاوزك في المكتب. حور: ربنا يستر، أنا كنت بايته عند عمتو عشان كده اتأخرت. مريم: طيب، ادخلي بسرعة. حور بخوف بتخبط على الباب. سليم بغضب ظاهر: ادخل.

حور: حضرتك أنا آسفة اتأخرت عشان... سليم بغضب: الساعة كام دلوقتي؟ حور: الساعة 9. سليم: وأنا قايل الكل يبقي عندي الساعة كام؟ حور: 8. سليم: أنا ميهمنيش علاقاتك الشخصية، أنا يهمني شغلي يا آنسة. حور بثبات: علاقات!!! حضرتك أنا اتأخرت عشان كنت... سليم بغضب: ولا كلمة، على مكتبك، آخر إنذار ليكي. حور: حاضر. بعد ما الاجتماع خلص وسليم خارج من الشركة. مازن: إيه القمر اللي ماشي ده؟ ما تيجي وأديكِ اللي أنتِ عاوزه. حور: بقا كده؟

يلا. سليم سمعهم وفي سره: حتى انتي. ومشي. مازن: أشطة. حور بغضب وادته بالقلم على وشه: خديه أهو يا زبالة يا حقير. مازن: آآآآه يا بنت......... ماشي، أنا هوريكي إزاي تمدي إيدك عليا. ف شقة سليم. سليم: ها يا صافي، أمضي بقا. صافي: أنت جبت الصور والفيديوهات دي منين؟ سليم: أومال كنتي فاكرني أهبل وباخد زبالة الناس؟ جبتهم من مازن اللي كنتي معاه، وصورك يا روحي. صافي: الزبالة الحقير. سليم: أمضي بقا، متضيعيش وقتي، ورايا شغل.

صافي: وإن ما مضيتش؟ سليم: الو محمد... صافي: لا لا خلاص، همضي. سليم: أيوة كده، كويس، يلا بقا مع السلامة، مشفش وشك تاني. محمود: الو، ازيك يا فؤاد؟ عامل إيه؟ فؤاد: الحمد لله، أنت أخبارك؟ محمود: الحمد لله، أنا كنت بكلمك عشان عاوزاك في موضوع مهم. فؤاد: خير. محمود: أنا كنت عاوز أطلب منك طلب بس محرج شوية. فؤاد: مفيش إحراج بينا، إحنا إخوات.

محمود: طبعًا أنت عارف ظروفي، فعشان كده كنت عاوز إن ابنك سليم يتجوز بنتي حور عشان أطمن عليها. فؤاد: طبعًا موافق، أنا هقول لسليم وإن شاء الله نكتب الكتاب بعد بكرة، إيه رأيك؟ محمود: موافق طبعًا. عند حور في الشركة. سليم: تاخدي كام وتقضي معايا الليلة؟ حور بصدمة: نعم؟